😇အလိုက်သင့် နေထိုင်နိုင်ခြင်း😇

ကျွန်တော်တို့ပတ်ဝန်းကျင်မှာ ဒီလိုလူတွေတွေ့ဖူးပါလိမ့်မယ်။ ဘယ်လိုအချိန်‌တွေပဲဖြစ်ဖြစ် အဆင်မပြေဘူးလို့မပြောဖူးတဲ့သူတွေ၊ လူတိုင်းနဲ့ ‌အဆင်ပြေအောင်ပေါင်းနိုင်တဲ့သူတွေ၊ ကြုံလာသမျှကို အကောင်းမြင်တတ်တဲ့သူတွေ စသဖြင့် ဒီလိုလူတွေကို ခံနိုင်ရည်ရှိတဲ့သူ တစ်နည်းအားဖြင့် ကိုယ်ကြုံတွေ့သမျှအရာရာတိုင်းနဲ့ အလိုက်သင့်ဖြစ်အောင် နေထိုင်နိုင်တဲ့သူလို့ခေါ်ပါတယ်။

ဒီလိုနေထိုင်နိုင်ခြင်းဟာခက်ခဲတဲ့အရာတစ်ခုဖြစ်သလို ကိုယ်နေထိုင်နေစဉ်တစ်လျှောက်မှာ စိတ်ပိုင်းဆိုင်ရာရော ရုပ်ပိုင်းဆိုင်ရာပါ ကျန်းမာနေစေဖို့အတွက် ကောင်းမွန်တဲ့အလေ့အကျင့်တစ်ခုလည်းဖြစ်ပါတယ်။

ပြီးတော့ဒီလို အလိုက်သင့်နေထိုင်တတ်တဲ့သူတွေမှာ တူညီတဲ့အချက်လေးတွေရှိပါတယ်။ ဒါကြောင့် ဒီနေ့ Beatrix ကနေပြီးတော့ အလိုက်သင့်နေထိုင်တတ်သူတွေမှာ တွေ့ရတတ်တဲ့ အချက်(7)ချက်ကိုပြောပြပေးသွားမှာဖြစ်ပါတယ်။

1. They stay flexible and open-minded

- အလိုက်သင့် နေထိုင်နိုင်ခြင်းဆိုတာက လူ‌တွေနဲ့မှ ဆက်ဆံရေးကိုပဲပြောတာမဟုတ်ပါဘူး၊ ပညာသင်ယူတဲ့အခါမှာ အလုပ်အကိုင်တွေရှာဖွေတဲ့အခါမှာပါ သူတို့ဟာ ကိုယ်ရနိုင်မယ့်အခွင့်အလမ်းကို အမြဲလေ့လာနေတယ်၊ idea အသစ်တွေကိုအမြဲတွေးဖြစ်တယ်၊ ဗဟုသုတတွေကိုရှာဖွေဖတ်ရှုလေ့လာတတ်ကြပါတယ်။ ပြီးတော့ တစ်ခုခုဆိုရင် တန်းပြီးတော့ လုပ်တတ်တဲ့သူတွေမဟုတ်ကြပါဘူး၊ ဘာပဲလုပ်လုပ် အချိန်ခဏပေးပြီးအရင်စဉ်းစားတယ်၊ ပြီးတော့မှ လုပ်သင့်တာကို လုပ်တတ်ပါတယ်ဆိုလိုတာက သူတို့ဟာသူတစ်ပါးရဲ့လွှမ်းမိုးမှု မရှိဘဲ ကိုယ်ပိုင်ဆုံးဖြတ်ချက်နဲ့ ရပ်တည်တတ်ကြတဲ့သူတွေ ဖြစ်ပါတယ်။

2. They practise patience and kindness

- အလိုက်သင့်နေထိုင်ဖို့ဆိုတာ လွယ်ယူတဲ့အရာတစ်ခု မဟုတ်ဘူးဆိုတာကိုပြောခဲ့ပြီးပါပြီ၊ အမျိုးမျိုးသော လူတွေနဲ့ပေါင်းသင်းဆက်ဆံနိုင်ဖို့ဆိုတာ ကိုယ်က စိတ်ရှည်သည်းခံမှု၊ ကြင်နာမှုတွေရှိမှအဆင်ပြေနိုင်တာပါ။ ဒီလိုစိတ်ဓာတ်မျိုးကို အလိုက်သင့်နေထိုင်နိုင်တဲ့သူတွေမှာ ‌တွေ့ရတတ်ပါတယ်။ ဘဝက ကိုယ်ထင်သလိုဖြစ်မလာတဲ့အခါမှာ စိတ်ဓာတ်ကျအားငယ်ပြီးနေမယ့်အစား ဒါတွေနဲ့တစ်သားတည်းဖြစ်အောင်နေထိုင်တတ်ဖို့လိုပါတယ်။ လူတွေနဲ့ ငြင်းခုံနေမယ့်အစားသူတို့ကို နားလည်အောင်ကြိုးစားပါ။ မှားမှန်းသိပေမယ့်လည်း ကိုယ်ပြင်တာကိုလက်မခံနိုင်ရင် နားလည်အောင်ကြိုးစားတတ်ဖို့ကလွဲလို့ မရှိပါဘူး။ ဒါကြောင့်မို့လို့ စိတ်ရှည်သည်းခံကြင်နာတတ်ပါစေ။

3. They are generally optimistic

- အလိုက်သင့်နေထိုင်တတ်တဲ့သူတွေမှာ အကောင်းမြင်တဲ့စိတ်ရှိကြပါတယ်။ အကြောင်းက သူတို့ဟာ ကြုံလာသမျှအပေါ်ကို ခံနိုင်ရည်ရှိအောင် အဆင်ပြေပြေနေထိုင်နိုင်အောင်ကြိုးစားကြတဲ့အတွက် အရာရာကို positive thinking တွေးပေးတတ်ကြပါတယ်။ မကောင်းတဲ့အရာတွေအားလုံးကိုလျစ်လျူရှု ပြီးတော့ လောကကြီးကို အကောင်းမြင်တဲ့စိတ်နဲ့ပဲကြည့်ပါတယ်။ သူတို့မှာ သူငယ်ချင်းရှိနေတာကိုကျေးဇူးတင်တယ်၊ သူတို့မှာ မိသားစုရှိနေတာကို ကျေးဇူးတင်တယ်၊ သူတို့အခုလူဖြစ်နေရတဲ့ ဖြစ်တည်မှုကိုကျေးဇူတင်တယ်။ ကိုယ့်မှာ ဖြစ်နေတဲ့ အခက်အခဲ၊ပြသာနာတွေထက် ကိုယ်အနီးအနားမှာရှိတဲ့သူတွေကိုပဲ အမြဲသတိရကျေနပ်နေတတ်ပါတယ်။ ဒါဟာသူတို့ကို ခံနိုင်ရည်ရှိအောင် လုပ်ပေးနိုင်ရုံသာမက ဘဝကို ပျော်‌ရွှင်စွာနဲ့ ဖြတ်သန်းနိုင်ဖို့အတွက်ကိုလည်း လုပ်ဆောင်ပေးတဲ့အကြောင်းရင်းတွေဖြစ်ပါတယ်။

4. They value and build good relationship

- မိတ်ဆွေကောင်းရှိခြင်းဟာ ကိုယ်လုပ်တဲ့ အရာတော်တော်များများကို ချောမွေ့‌မှုရှိစေတာတော့အမှန်ပါပဲ။ ကိုယ်အခက်အခဲကြုံနေတဲ့အခါမျိူး၊ စိတ်ဓာတ်ကျနေတဲ့အခါမျိုး တွေမှာ မိတ်ဆွေသူငယ်ချင်းကောင်းရှိခဲ့မယ်ဆိုရင် သူတို့ကကိုယ့်ကို အကူအညီကောင်းတွေပေးနိုင်မှာပါ။ ဒါကို အလိုက်သင့်နေထိုင်တဲ့သူ တွေကသိကြပါတယ်။

ဒါကြောင့် သူတို့ဟာ ပေါင်းသင်းဆက်ဆံရေးကို တန်ဖိုးထားသလို ကောင်းမွန်တဲ့ဆက်ဆံရေးတစ်ခုကိုလည်းတည်ဆောက်တတ်ကြတာကြောင့် လူချစ်လူခင်များပါတယ်။

5. They know and consider their limits

- လူတိုင်းဟာ perfect မဖြစ်တာကြောင့်မို့လို့ အမှားအယွင်းကြုံရတဲ့အချိန်တွေ၊ အခက်အခဲဖြစ်တဲ့အချိန်တွေဆိုတာလည်း လူတိုင်းမှာရှိတတ်ပါတယ်။ အလိုက်သင့်နေထိုင်တတ်သူတွေလည်းအပါအဝင်ပေါ့။

ဒါပေမယ့် သူတို့က အကူအညီကို အလွယ်တကူတောင်းတဲ့သူ‌တွေ မဟုတ်ကြပါဘူး၊ တောင်းသင့်တယ်လို့ထင်တဲ့အချိန်မှသာ အကူအညီယူတတ်တဲ့သူတွေဖြစ်ပါတယ်။ နောက်ပြီး သူ့တို့အပေါ် အခွင့်အရေးတွေပေးလွန်းနေတဲ့အခါ လိုအပ်ထာထက်ပိုကောင်း ပြနေရင်လည်း အလွယ်တကူလက်မခံတတ်ကြပါဘူး၊ ဆိုလိုတာက ဖြတ်လမ်းနည်းကိုအလွယ်တကူ လိုက်တတ်သူများမဟုတ်ကြဘဲ ကိုယ့်အခြေအနေနဲ့ကိုယ်ရအောင်ကြိုးစား တတ်သူတွေဖြစ်ကြပါတယ်။

6. They know how to handle rejections

- အငြင်းခံရခြင်းဆိုတာ အလုပ်လျှောက်လွှာငြင်းခံရတာကနေအစ ကိုယ်crush ဆီကနေအငြင်းခံရတဲ့ အကြောင်းအထိပါပါတယ်။ ဒီလိုအခြေအနေမျိုးကြုံလာကြပြီဆိုရင် လူတော်‌တော်များများက စိတ်ထိခိုက်လွယ်ကြပါတယ်။

အလုပ်လျှောက်တာမရလို့ အလေအလွင့်ဖြစ်သွားကြတယ်၊ crush ကပြန်မကြိုက်လို့ အသည်းကွဲကြတယ် စသဖြင့် လောကကြီးကိုစိတ်ကုန်သွားအောင်အထိဖြစ်ကြပါတယ်။

ဒါပေမယ့် အလိုက်သင့်နေထိုင်တတ်သူတွေက ဒီလိုအခြေအနေတွေမှာ ဟန်ချက်ညီညီပဲရင်ဆိုင်နိုင်ကြပါတယ်။ သူတို့ဟာ အရာရာမှာမျှော်လင့်ချက်တွေအများကြီးမထားတာကြောင့် ကိုယ်ထင်သလိုဖြစ်မလာတဲ့အချိန်မှာလည်း ပုံမှန်အတိုင်းပဲပြန်ထိန်းနေနိုင်ကြပါတယ်။ ဒါက လူတိုင်းရှိသင့်တဲ့ အလေ့အကျင့်ကောင်းတစ်ခုပါပဲ။ နောက်ပြီးသူတို့မှာ ခံနိုင်ရည်ရှိတယ်ဆိုတာကလည်း ကိုယ်လုပ်သမျှအရာတွေနဲ့ ပက်သက်ပြီးတော့ back-up plan လုပ်ထားတတ်လို့ပါ။ ဒါကြောင့်အဆင်မပြေတာတွေ ကြုံရတဲ့အခါမှာ သူတို့ဟာအခြားတစ်ခုကို အလျင်အမြန်ပြုပြင်ပြောင်းလဲပြုပြင်နိုင်ကြတဲ့သူတွေဖြစ်ကြပါတယ်။

7. They like spending time alone

- အလိုက်သင့်နေထိုင်တတ်သူ အများစုဟာ Introvert တွေဖြစ်ကြပါတယ်။ ဒါကြောင့်သူတို့ဟာ တစ်ယောက်တည်းသီးသန့်အချိန်ကုန်ဆုံးရတာကို နှစ်သက်တဲ့သူတွေဖြစ်ပါတယ်။ ဒီလိုတစ်ယောက်တည်းရှိတဲ့အခါမှာဆိုရင်သူတို့ရဲ့အတွင်းစိတ်ကိုအမြဲပြန်လည်သုံးသပ်နေတတ်ကြပြီး ကိုယ့်အ‌ပေါ်ဖြစ်နေတဲ့ပြသာနာတွေရဲ့ ရင်းမြစ်ကိုလည်း လေးလေးနက်နက် စဉ်းစားတတ်ကြသူတွေဖြစ်ပါတယ်။

ဒီလိုမျိုး မိမိကိုယ်ကို ပြန်လည်သုံးသပ်ခြင်းဖြစ်စဉ်ဟာ ကိုယ့်ရဲ့သဘောထားကိုကြီးမားစေပြီး အရာရာကိုအကောင်းမြင်တတ်စိတ် positive thoughts တွေကိုဖြစ်ပေါ်စေနိုင်ပါတယ်။ ဒါကြောင့် ဒီလိုအကျင့်တစ်ခုရှိခြင်းဟာလည်း အလိုက်သင့်နေထိုင်သူတွေအတွက် အကျိုးများစေတဲ့အချက်တစ်ခုဖြစ်ပါတယ်။

ဒါဆိုရင် အလိုက်သင့်နေထိုင်တတ်သူတွေမှာ တွေ့ရတတ်တဲ့ အမူအကျင့်တွေ၊ စရိုက်တွေကိုသိသွားကြပြီလို့ထင်ပါတယ်။ ဒီစာကိုဖတ်နေသူတွေကရော အလိုက်သင့်နေထိုင်တတ်တဲ့သူတွေလား၊ ဒါမှမဟုတ် ဒီလိုဖြစ်အောင်ကြိုးစား နေတဲ့သူတွေလား ဒါဆိုရင်ဒီအပေါ်ကအချက်လေးတွေက အကူအညီအများကြီးပေးနိုင်မယ်လို့မျှော်လင့်ပါတယ်။ စာဖတ်သူအားလုံးကိုလည်းBeatrixကနေ ကျေးဇူးအများကြီးတင်ပါတယ်

နှစ်သစ်မှာပျော်ရွှင်ကြပါစေ။