❗️Branding ဆိုတာဘာလဲ? 🧐

Branding ဆိုတာ organization သို့မဟုတ် company တစ်ခုကနေ မိမိတို့ Brand ကို ဝယ်ယူသူတွေရဲ့ စိတ်ထဲမှာ သင်လိုချင်တဲ့ ပုံစံအတိုင်း ဖြစ်လာအောင် ဖန်တီးတည်ဆောက်ယူခြင်းပဲ ဖြစ်ပါတယ်။ ✨
နားလည်လွယ်အောင် ပြောရမယ်ဆိုရင် ထုတ်ကုန် (Product) ဆိုတာ သင်ရောင်းချတဲ့ပစ္စည်း၊ Brand ဆိုတာ လူတွေ သင်ရောင်းတဲ့ ပစ္စည်းပေါ်မှာ ထင်မြင်လက်ခံတဲ့ ပုံစံ(အမြင်တင်မဟုတ်ဘဲ စိတ်ထဲမှာပါ ခံစားရတဲ့ ခံစားချက်/ခံယူချက်) ၊ Branding ဆိုတာကတော့ အဲဒီပုံစံ/ခံယူချက် ကို ရောက်အောင် လုပ်ဆောင်တဲ့နည်းဗျူဟာပဲဖြစ်ပါတယ်။🤗

❗️ဘာလို့ Branding ကအရေးကြီးတာလဲ?🧐

Branding က လူတွေသင့်ရဲ့ ကုန်ပစ္စည်းအပေါ်မှာ မြင်တဲ့ပုံစံ၊ တွေးတောတဲ့ပုံစံကို ပြောင်းလဲပေးနိုင်တဲ့အတွက် စီးပွားရေးတိုင်း အတွက် အလွန်အရေးကြီးလှပါတယ်။
သင့်ရဲ့ Branding သာ ကောင်းခဲ့ရင် သုံးစွဲသူတွေဟာ များလှစွာသော ပြိုင်ဘက်ပစ္စည်း တွေကြားထဲမှာ သင့်ထုတ်ကုန်ကိုပဲ ရွေးချယ် ဝယ်ယူစေအောင် လုပ်ပေးနိုင်စွမ်းလည်းရှိပါတယ်။
သင့်ရဲ့ companyက နာမည်ကောင်းနဲ့ ကျော်ကြားရင် မြှုပ်နှံချင်သူတွေ၊ ဖက်ဆက်လုပ်ချင်သူတွေလည်း များလာပါလိမ့်မယ်။ companyတစ်ခု ရေရှည်အောင်မြင်ဖို့ Branding ဟာ အလွန်အရေးကြီးလှပါတယ်။✨

❗️ခိုင်မာကောင်းမွန်တဲ့ Brand တစ်ခုဖြစ်အောင် ဘယ်လိုတည်ဆောက်မလဲ?🧐

✅ပထမဦးဆုံး သင့်ကုန်ပစ္စည်းရဲ့ နာမည်၊ logo (အမှတ်တံဆိပ်) ကနေ လူတွေရဲ့ အသိအမှတ်ပြုခြင်း/အာရုံကို ရရှိအောင် လုပ်ရပါမယ်။ နာမည်နဲ့ logo (အမှတ်တံဆိပ်)က company တစ်ခုရဲ့ မျက်နှာဆိုလည်း မမှားပါဘူး။ ဒါ့ကြောင့် သင့်ကုန်ပစ္စည်းရဲ့ နာမည် နဲ့ logoဟာ ရှင်းလင်းပြီး တစ်ချက်ကြည့်လိုက်ကြားလိုက်တာနဲ့ မှတ်မိလွယ်ရပါမယ်။ logoရဲ့ အရောင်ကိုလည်း အတိအကျ သတ်မှတ်ထားရပါမယ်။ ဥပမာ Coca Cola ဆိုတာနဲ့ အနီရောင်ကိုတန်းပြေးမြင်မိသလိုမျိုး ဖြစ်နေ ရပါမယ်❤️

✅သင့် Brand ရဲ့ တန်ဖိုး(Value)၊ ရည်မှန်းချက်(Purpose)၊ ဝယ်ယူသူတို့ အတွက် လုပ်ဆောင်ပေးမဲ့ ဂတိ(Promise) စသည်တို့ကို ရှင်းရှင်းလင်းလင်း ဖော်ပြထားရပါမယ်။
• ထုတ်ပိုးမှုပုံစံ ကလည်း အရေးကြီးပါတယ်။ သပ်ရပ်သန့်ရှင်းပြီး စနစ်ကျဖို့လိုပါတယ်။
• ဆိုင်အတွင်း ဈေးဝယ်သူရဲ့ အတွေ့အကြုံ (In-store Experience) ကိုလည်း မေ့ထားလို့ မရပါဘူး။
ဒီနေရာမှတော့ Starbucks ဟာနာမည်ကြီးလှပါတယ်။ နိုင်ငံတိုင်းမှာရှိတဲ့ ဆိုင်တိုင်းကို အပြင်အဆင်၊ အရောင်အသွေး၊ ဒီဇိုင်းကအစ ပုံစံတူအောင် လုပ်ထားပြီး အလုပ်သမားတွေကိုလည်း ဈေးဝယ်သူတွေကို ဝန်ဆောင်မှု‌ကောင်းစွာပေးနိုင်ရန် Training ပေးထားလေ့ရှိပါတယ်။ ဒီနေရာမှာ Company ရဲ့ စီမံအုပ်ချုပ်မှုပုံစံကလည်း စကားပြောလာပါပီ။ ဝန်ထမ်းတွေကို အုပ်ချုပ်မှုပုံစံ ကောင်းမွန်ပြီး စနစ်ကျမှသာ နာမည်ကောင်းရပီး ဝန်ထမ်းတွေနဲ့ ဈေးဝယ်သူတွေရဲ့ ယုံကြည်မှု၊ အားထားမှု ရမှာ ဖြစ်ပါတယ်။ 🤩

✅ကုန်ပစ္စည်းကို ကြော်ငြာတဲ့အခါမှာလည်း သင့် Brand ရဲ့ တန်ဖိုး၊ရည်မှန်းချက်၊ ထူးခြားတဲ့ အရည်အသွေး/ဝန်ဆောင်မှုတွေ ကို တိတိကျကျဖော်ပြပေးနိုင်ဖို့ လိုပါတယ်။ Royal Myanmar Tea mix ရဲ့ ကြော်ငြာဟာ ကောင်းတဲ့ ဥပမာတစ်ခုပါပဲ။ ကြော်ငြာထဲမှာ Royal Myanmar ဆိုတဲ့အတိုင်း မြန်မာ့ လက်ဘက်ရည် အရသာစစ်စစ်ကို ပေါ်လွင်အောင် ပြသထားပါတယ်။
တီဗီကြော်ငြာတစ်ခုတည်းမှ မဟုတ်ပါဘူး။ အခုခေတ်မှာ Social Media ကနေတစ်ဆင့် လည်း ကြော်ငြာနိုင်ပါတယ်။ သင့် Brand ရည်ရှည်ခိုင်မြဲစေဖို့ ကြော်ငြာရုံနဲ့တင် မပြီးတော့ပါဘူး။ ဝယ်ယူသူတွေနဲ့လည်း Social Media ကနေ ထိတွေ့ ဆက်သွယ်နေဖို့လည်း လိုပါတယ်။ သင့်ရဲ့ ကုန်ပစ္စည်း/ဝန်ဆောင်မှုအပေါ် သုံးစွဲသူတွေ ကျေနပ်မှုရှိ/မရှိ သိဖို့ လိုပါတယ်။🙋🏻‍♀️

✅ပွင့်လင်းစစ်မှန်မှုရှိရန် လိုပြီး မိမိ Company လုပ်ဆောင်သမျှ တွေကို Social Media/ သတင်းတွေ ကနေတစ်ဆင့် ချပြသွားဖို့ လိုပါတယ်။ အခုခေတ်မှာ အမြတ်တင်ကြည့်လို့ မရပါဘူး။
လူထုအတွက်၊ သဘာဝပတ်ဝန်းကျင်အတွက် တစ်ဖက်တစ်လမ်းကနေ လုပ်ဆောင်ပေးနေတဲ့ organization တစ်ခုဖြစ်လာဖို့လည်း အရမ်းအရေးကြီးလာပါပီ။ ဒါမှသာ ဈေးဝယ်သူတွေရဲ့ ယုံကြည်လေးစားမှုကို ရရှိပြီး ရေရှည်တည်တံတဲ့ Brand တစ်ခုဖြစ်လာပါလိမ့်မယ်။🥳

Written By
Kyaw Sandi

Reference: https://www.brandingmag.com/…/what-is-branding-and-why-is-…/