Downsizing ဆိုတာဘာလဲ? 🤔

Downsizing ဆိုတာ Company သို့မဟုတ် Business တစ်ခုကနေ စီးပွားရေး ပြန်လည်တိုးတက်လာစေရန် နှင့် ပိုမိုအကျိုးဖြစ်ထွန်းစေရန် ကုန်ကျစရိတ်လျော့ချခြင်းပဲ ဖြစ်ပါတယ်။
ကုန်ကျစရိတ်လျော့ချရန် Companies တွေက ဝန်ထမ်းဦးရေ လျော့ချခြင်း၊ ဆိုင်ခွဲ/ရုံးခွဲ၊ စက်ရုံ/အလုပ်ရုံများ ပိတ်ခြင်း တို့ကို ပြုလုပ်ကြပါတယ်။ ထိုကဲ့သို့ ဆိုင်ခွဲ/ရုံးခွဲများ ပိတ်ခြင်းဟာလည်း ဝန်ထမ်းဦးရေ လျော့ချခြင်းကို တဖန်ဖြစ်စေပါတယ်။
ဒါ့ကြောင့် Business တစ်ခု Downsizing ကျင့်သုံးခြင်းဟာ ယေဘုယျအားဖြင့် ဝန်ထမ်းဦးရေ လျော့ချခြင်းပဲ ဖြစ်ပါတယ်။ 🤔
ဘာလို့လဲဆိုတော့ Future Revenues ထက် Future Costs ကိုပိုပီး ခန့်မှန်းရလွယ်ပါတယ်။ အဲ့ Costs တွေထဲမှာမှ ဝန်ထမ်းတွေကို ပေးရတဲ့လစာတွေကတော့ Fixed Costs တွေဖြစ်တဲ့အတွက် ဝန်ထမ်းဦးရေလျော့ချပြီး ကုန်ကျစရိတ် နည်းအောင်လုပ်ကြပါတယ်။
ဝန်ထမ်းတွေ ကို အပြီးတိုင်အလုပ်ထုတ်တဲ့ Companiesများရှိသလို ယာယီပဲ အလုပ်နားစေကာ စီးပွားရေး ပြန်လည်ကောင်းမွန်လာတဲ့အခါ ပြန်လည်အလုပ်လုပ်ရန် ခေါ်ယူတဲ့ Companiesများ လည်းရှိပါတယ်။ 🙋🏻‍♀️

ဒီတော့ Downsizingကို ဘာလို့ လုပ်ကြတာလဲ။ 🤔

📍၁။ (Recession) စီးပွားရေး ကျဆင်းမှုကြောင့် Downsizing ကို ကျင့်သုံးရပါတယ်။ (Recession) စီးပွားရေး ကျဆင်းမှု လို့ ဆိုရာမှာ ယခုဖြစ်ပွားနေတဲ့ Covid-19 Pandemic ဟာ ထင်ရှားလှတဲ့ ဥပမာ တစ်ခုပါပဲ။
ကမ္ဘာတစ်ဝန်းလုံးရဲ့ စီးပွားရေးအခြေအနေကို ဆိုးရွားစွာ ကျဆင်းစေခဲ့တဲ့အတွက် Business များဟာ ဒီကပ်ဆိုးကြီးအတွင်း ရှင်သန်နိုင်ရန်အတွက် ဝန်ထမ်းဦးရေ လျော့ချခြင်း၊ ဆိုင်ခွဲ/ရုံးခွဲ၊ စက်ရုံ/အလုပ်ရုံများ ယာယီပိတ်ခြင်း တို့ကို ပြုလုပ်ကြရပါတယ်။
ဒီလို အခြေအနေမျိုးမှာ Downsizing ဟာ Business တွေအတွက် အရေးပေါ် ဖြေရှင်းနည်း တစ်ခုဖြစ်ပါတယ်။ 🙋🏻‍♀️

⚙️Covid-19 Outbreak အတွင်းမှာ ရှင်သန်နိုင်ရန်အတွက် Downsizing လုပ်ကြတဲ့ Companies ကြီးတွေကတော့
Uber: Uber Companyဟာ မေ၆ရက်နေ့မှာ ရှိရင်းစွဲ အလုပ်သမား ဦးရေရဲ့ ၁၄ ရာခိုင်နှုန်းကို လျော့ချခဲ့ပါတယ်။ ❌
Airbnb : Airbnbဟာ အလုပ်သမား ၁၉၀၀ကို အလုပ်ထုတ်ခဲ့ပြီး လျော်ကြေးငွေအပြင် ကျန်းမာရေးအာမခံ၊ နောက်အလုပ်အသစ်အတွက် ထောက်ခံချက်တွေပါ ပေးခဲ့ပါတယ်။ ❌
Lyft: Lyftဟာလည်း ရှိရင်းစွဲအလုပ်သမားဦးရေရဲ့ ၁၇ ရာခိုင်နှုန်းကို လျော့ချခဲ့ပြီး စီမံခန့်ခွဲရေး အထက်လူကြီးများ၏ လစာများကိုလည်း လျော့ချခဲ့ပါတယ်။ ❌
Boeing: Boeing Companyကလည်း ဧပြီရယ် ၂၉ရက်နေ့မှာ ရှိရင်းစွဲအလုပ်သမားဦးရေရဲ့ ၁၀ ရာခိုင်နှုန်းကို လျော့ချမယ်လို့ ကြော်ငြာခဲ့ပါတယ်။❌
TripAdvisor: Online travel company TripAdvisorက ဧပြီရယ် ၂၈ရက်နေ့မှာ အလုပ်သမား ၉၀၀ ကို အလုပ်ထုတ်ခဲ့ပါတယ်။❌

📍၂။ Companies (၂)ခု ပေါင်းစပ်ခြင်း (သို့) Company တစ်ခုမှ တခြားတစ်ခုအား သိမ်းယူခြင်း စသည်တို့ကလည်း Downsizing ကို ဖြစ်ပေါ်စေပါတယ်။

📍၃။ စီးပွားရေးမအောင်မြင်ခြင်း၊ အမြတ်အစွန်းနည်းပါးခြင်းတို့ကြောင့် ကုန်ပစ္စည်းတွေ ရောင်း မထွက်တဲ့အခါ အလုပ်နည်းပါးလာပါတယ်။ ထိုအခါ အမြတ်ရှိစေရန် နဲ့ ကုန်ကျစရိတ် နည်းပါးစေရန် အလုပ်သမားဦးရေတွေကို လျော့ချရပါတယ်။😔

📍၄။ Companies အချို့က ထိရောက်ပြီး တွက်ချေကိုက်တဲ့ Organization Structure ကို ပြန်လည်ဖွဲ့စည်းရန် Downsizingလုပ်တဲ့အခါများလည်း ရှိပါတယ်။ လူနည်းနည်းနဲ့ ပိုမိုအလုပ်တွင် အောင် Organization Structure ကို လေ့လာစီစစ်ပီး ပြန်လည်ဖွဲ့စည်းခြင်း ဖြစ်ပါတယ်။ တစ်ခါတစ်ရံမှာ လူဟောင်းတွေကို ပိုမိုကောင်းမွန်တဲ့ လူသစ်တွေနဲ့ အစားထိုးတဲ့ cases တွေလည်း ရှိပါတယ်။

ဒီတော့ Downsizin ရဲ့အကျိုးဆက်တွေကရောဘာတွေလဲ။🤔

Downsizing ပြုလုပ်ပြီး အောင်မြင်ခဲ့တဲ့ Company တစ်ခုကို ဥပမာပေးရမယ်ဆိုရင် Global Contract Chip-making Market တစ်ဝက်ကို လွှမ်းအုပ်ခဲ့တဲ့ Taiwan Semiconductor Manufacturing Co. (TSMC) ပဲ ဖြစ်ပါတယ်။ 🏢
အလုပ်သမား ၂၃,၀၀၀ ရှိတဲ့ TSMCဟာ ၂၀၁၉ခုနှစ် အစပိုင်းလေးလအတွင်းမှာ သိသာစွာ စီးပွားကျခဲ့တာကြောင့် ရှိရင်းစွဲအလုပ်သမားဦးရေရဲ့ ၃ ရာခိုင်နှုန်းကို ချက်ချင်း လျော့ချခဲ့ပါတယ်။
ရလဒ်အနေနဲ့ကတော့ ဒုတိယလေးလမှာ Company ရဲ့ revenues ဟာ ယခင် လေးလထက် ၈၀ ရာခိုင်နှုန်း ပိုမိုတိုးတက်ခဲ့ပါတယ်။ ဒါ့ကြောင့် TSMC ဟာ ထုတ်လိုက်တဲ့ အလုပ်သမားတွေကို ပြန်လည် ခေါ်ယူခဲ့ပါတယ်။
ပြန်မလာတော့တဲ့သူတွေကိုလည်း လျော်ကြေးငွေတွေ ပေးခဲ့ပါတယ်။
သို့ပေမဲ့လည်း Downsizing ဟာ ကောင်းကျိုးတွေပဲ ပေးတာတော့ မဟုတ်ပါဘူး။ အလုပ်သမားတွေကို ချက်ချင်းအလုပ်ထုတ်ပစ်ရင် Company ရဲ့ ဂုဏ်သတင်းကျပြီး customers တွေပိုပြီးဆုံးရှုံးနိုင်ပါတယ်။
ဒါ့အပြင် Downsizingလုပ်လိုက်တဲ့ Companies တွေဟာ အရည်အချင်းရှိတဲ့ အလုပ်သမားတွေ ဆုံးရှုံးခြင်း၊ ကျန်ရစ်ခဲ့တဲ့ အလုပ်သမားတွေရဲ့ Company အပေါ် ယုံကြည်မှု လျော့နည်းလာခြင်း၊ စိတ်ဓာတ်ကျခြင်း တို့ကြောင့် အလုပ်မတွင်ဘဲ Company ကိုပိုမိုထိခိုက်လာစေပါတယ်။ 😔

Harvard Business Review က ”If You Think Downsizing Might Save Your Company, Think Again” စာစောင်မှာ စီးပွားရေးသမားတွေကို Downsizing လုပ်တော့မဲ့ အချိန်မှာ သေသေချာချာ တွေးတောကြဖို့ သတိပေးထားပါတယ်။
Downsizing လုပ်ခြင်းဟာ short term အတွက် အကုန်အကျ နည်းစေသော်လည်း ရေရည်အတွက်တော့ သိပ်အဆင်မပြေလှပါဘူး လို့ လည်း ပြောထားပါတယ်။
ဒါ့ကြောင့် Downsizing မပြုလုပ်ခင်မှာ မန်နေဂျာတွေ၊ စီးပွားရေးလုပ်ငန်းရှင်တွေဟာ ကုန်ကြစရိတ်လျော့ချနိုင်တဲ့ အခြား နည်းလမ်းတွေလည်း တွေးတောသင့်ပါတယ်။

Written by
Kyaw Sandi

Reference:
https://www.shrm.org/…/…/Documents/Employment-Downsizing.pdf
https://www.businessinsider.com/coronavirus-layoffs-furloug…