Work from Home Tips for Employers 👨‍💻👨‍🏫

လုပ်ငန်းတော်တော်များများ Work from Home ကို ပြောင်းလဲ လုပ်နေရတဲ့အချိန်မှာ အလုပ်ရှင်တွေ၊ မန်နေဂျာ တွေအတွက်လည်း ခေါင်းစားစရာတွေ ပေါ်လာနိုင်ပါတယ်။ လုပ်ငန်းကို အရင်လို နှောင့်နှေးမှုမရှိဘဲ လည်ပတ်နိုင်ဖို့၊ ဝန်ထမ်းတွေကို အပြည့်အဝ Support ပေးနိုင်ဖို့ကို အမျိုးမျိုးစဉ်းစား၇သလို တဖက်မှာ ငွေအား၊ လူအားလည်း စိုက်ထုတ်ရနိုင်ပါတယ်။

ဒါကြောင့် ဒီနေ့မှာတော့ အလုပ်ရှင်တွေ၊ မန်နေဂျာ တွေအတွက် ဘယ်လိုလုပ်ရင် ကိုယ်လည်းပျော်၊ ဝန်ထမ်းလည်း ကျေနပ်၊ အလုပ်လည်း အဆင်ပြေနိုင်မလဲဆိုတာကို Tips လေးတွေ ဖော်ပြ လုပ်ပေးလိုက်ပါတယ်။

📍၁။ အလုပ်ချိန် (သို့) Productivity Target Guideline ကို သေချာသတ်မှတ်ပေးပါ။ 📈⏰

Work from Home အတွင်း မှာ မန်နေဂျာ တစ်ယောက်အနေနဲ့ ဆုံးဖြတ်ရမှာက ကိုယ်ဟာ ဝန်ထမ်းတွေဆီက အလုပ်ပြီးဖို့ မျှော်လင့်တာလား၊ အလုပ်ချိန်ပြည့်အောင်လုပ်ဖို့ မျှော်လင့်တာလား ဆိုတာ စဉ်းစားဖို့လိုပါတယ်။ နှစ်ခုစလုံးကို လိုချင်တယ်ဆိုရင်တော့ Flexbility ရှိဖို့ လိုလာပါပြီ။

စည်းမျဉ်း စည်းကမ်း ကို သတ်မှတ်တဲ့အခါ ကိုယ့်ဝန်ထမ်းတွေရဲ့ အခြေအနေ တွေကို အဓိက ထည့်တွက်သင့်ပါတယ်။ အိမ်ကနေ အလုပ်လုပ်တာ ဖြစ်တဲ့အတွက် ဝန်ထမ်းတိုင်းဆီက တူညီတဲ့ လုပ်ဆောင်ချက်တွေ ကို တူညီတဲ့ အချိန်အတိုင်းအတာ အတွင်းမှာ မျှော်လင့်တာက လက်တွေ့မကျနိုင်ပါဘူး။
ဒါကြောင့် ဝန်ထမ်းအများစု အဆင်ပြေနိုင်တဲ့ အချိန်နဲ့ တစ်နေ့ကို ပျမ်းမျှ အလုပ်ဘယ်လောက်ပြီးနိုင်မလဲပေါ် မူတည်ပြီး လက်တွေ့ကျကျ ဆုံးဖြတ်ပါ။ တချိန်ထဲမှာလည်း Flexibility ကို အတိုင်းအတာတစ်ခုအထိ ခွင့်ပြုပေးပါ။

နောက်ထပ် အရေးကြီးတဲ့အချက်ကတော့ ကိုယ့် ကုမ္ပကီ မှာ ချမှတ်ထားတဲ့ စည်းမျဉ်းစည်းကမ်း တွေကို ကိုယ်တိုင် လိုက်နာပေးပါ။ တခါတလေ ဝန်ထမ်းတွေက အိမ်မှာရှိတာပဲလေ၊ ဒါလေးတော့ လုပ်ပေးနိုင်မှာပါဆိုပြီး အလုပ်ချိန် ပြင်ပမှာ အလုပ်မခိုင်းမိပါစေနဲ့။
ဒီလို ကုမ္ပကီာဘက်က တွေးပေးပြီး အကူအညီပေးတဲ့အခါ ဝန်ထမ်းတွေကလည်း အားတက်စေပြီး အလုပ်ပိုပြီးနိုင်ပါတယ်။

📍၂။ လိုအပ်တဲ့ Software တွေ၊ Services တွေ ပံ့ပိုး ပေးပါ။
💻💻

Video Conferencing လုပ်ဖို့ Zoom, Google Hangouts, Skype စတဲ့ Software တွေ၊ Microsoft Team လို Messaging System စတဲ့ Software တွေကို အသုံးပြုပေးပါ။
(Beatrix ကနေလည်း Work from Home Tools တွေနဲ့ပတ်သက်ပြီး ဖတ်ရှုနိုင်ပါတယ်။)

မြန်မာနိုင်ငံမှာ Facebook ကို လုပ်ငန်းသုံးအတွက် အသုံးပြုနေတာကိုတွေ့၇ပါတယ်။ ဒါပေမဲ့ Facebook အစား အခြား Free Software တွေကို အသုံးပြုတာကို ပို အားပေးပါတယ်။ မြန်မာနိုင်ငံမှာက ကိုယ်ရေးကိုယ်တာအတွက် အသုံးပြုတာများတဲ့အတွက် အလုပ်နဲ့ ကိုယ်ရေးကိုယ်တာ ကို ရောယှက်စေနိုင်ပါတယ်။

နောက်တစ်ခုကတော့ Team Communication Guideline ပါ။ Work from Home လုပ်တဲ့အခါမှာ ဝန်ထမ်းအချင်းချင်း ဆက်သွယ်ဖို့ အဆင်မပြေတာတွေ ကြုံလာနိုင်ပါတယ်။ ဥပမာ - တချို့ ဝန်ထမ်းတွေမှာ Wifi ရှိပေမဲ့ တချို့ကတော့ ဖုန်းဘေလ် နဲ့ အလုပ်လုပ်နေရသူတွေရှိပါတယ်။
ဒါကြောင့် တဘက်က Email နဲ့ ဆက်သွယ်ရင် တခြားတဘက်က လိုင်းပေါ်မှာမရှိလို့ စာပြန်မလာတဲ့အတွက် လုပ်ငန်းပိုင်းဆိုင်ရာ နှောင့်နှေးမှုတွေ ရှိလာနိုင်ပါတယ်။ ဒီလို အခြေအနေမျိုးတွေကို လျှော့ချနိုင်ဖို့ ကုမ္ပဏီ ဘက်က Work from Home Support Kit နဲ့ Communication Guideline တွေ ချထားပေးဖို့ လိုအပ်ပါတယ်။

📍၃။ Micromanaging မလုပ်ပါနဲ့၊ Manage လုပ်ပါ။
👦🧒

Micro Managing က လိုတာထက်ပိုတဲ့ Supervising လုပ်ခြင်းကို ခေါ်ပါတယ်။ အထက်လူကြီးတစ်ယောက်အနေနဲ့ အလုပ်မပြီးမှာစိုးရိမ်တဲ့စိတ်၊ ကိုယ့်ရှေ့မှာမမြင်၇တဲ့အခါ ဝန်ထမ်းအလုပ်မလုပ်နေမှာ စိတ်ပူရင်း ဖြစ်တည်လာတဲ့ Management Style တစ်ခုဖြစ်ပါတယ်။

ဒါပေမဲ့ ဒီ Management Style က Productive ဖြစ်မဲ့အစား Backfire Effect တွေပို ဖြစ်လာနိုင်စေပါတယ်။ ဝန်ထမ်းတွေဘက်က လိုတာထက်ပိုတဲ့ ဖိအား ကြုံလာတဲ့အခါမှာ အလုပ်မပြီးတာမျိုး၊ အလုပ်ပြီးခဲ့ရင်တောင် အမှားမှားအယွင်းယွင်းတွေ ဖြစ်လာနိုင်ပါတယ်။

ဒါကြောင့် Micromanaging လုပ်မဲ့အစား Manage လုပ်ပါ။
သင့်တော်တဲ့ဘောင်ကနေ ဝန်ထမ်းတွေကို Manage လုပ်လို့ရပါတယ်။ အခုဆို သင့်ဝန်ထမ်းတွေရဲ့ အလုပ်ချိန်တွေကို Track လုပ်လို့၇မဲ့ Time Doctor, Toggl, Rescue Time စတဲ့ Software များကိုလည်း အသုံးပြုပေးလို့၇ပါတယ်။
ဒီလိုလုပ်မှ၇မှာကိုလည်း ဝန်ထမ်းတွေက လက်ခံနားလည်ပြီးသားပါ။ ဒါကြောင့် Productivity ကို Downgrade လုပ်မယ့် Micro Managing အစား၊ ဝန်ထမ်းတွေ လက်ခံနားလည်ပြီး အလုပ် ပြီးမြောက်စေတဲ့ Management Style ကို ပဲ လုပ်ဆောင်ပါ။

📍၄။ ဝန်ထမ်းတွေနဲ့ ဆက်သွယ်လုပ်ပါ။ ယုံကြည်မှုထားပါ။ 🙋‍♂️🙋‍♀️

Micromanaging ရဲ့ အားအကောင်းဆုံးပြိုင်ဖက်က Transparent Communication ပါ။ ကိုယ့်ရဲ့ ဝန်ထမ်းတွေရဲ့ လိုအပ်ချက်တွေကို နားထောင်ပြီး ကိုယ့်ဘက်က ဖြစ်စေချင်တာလေးတွေကိုလည်း တောင်းဆိုပါ။ ပြီးရင် တစ်ယောက်အပေါ် တစ်ယောက် ယုံကြည့်မှုထားပါ။ ဒါဟာ အချိန်တိုင်း အလုပ်လုပ်မလုပ် လိုက်စစ်ပြီး တစ်ယောက်ပေါ် တစ်ယောက် မယုံကြည်နိုင်တာထက်စာရင် ပိုထိရောက်နိုင်ပါတယ်။

📍၅။ ပျော်စရာ Meeting လေးတွေထည့်ပေးပါ။ 👩‍🎤👨‍🎤
နေ့တိုင်း အလုပ်တွေလုပ်ပြီး ပင်ပန်းဖြစ်နေတဲ့အချိန်မှာ ပျော်စရာ Meeting လေးတစ်ခုထည့်ပြီး ရုပ်ရှင်တူတူကြည့်တာဖြစ်ဖြစ်၊ စကားစမြည်ပြောတာဖြစ်ဖြစ်၊ Treasure Hunt ဂိမ်းလေးတွေ တူတူဆော့တာဖြစ်ဖြစ် လုပ်ပေးခြင်းကလည်း ဝန်ထမ်းတွေ စိတ်ပြေလက်ပျောက်ဖြစ်စေမှာပါ။

ဒီလို ကာလမှာ အလုပ်ရှင်ရော၊ ဝန်ထမ်းတွေအတွက်ပါ ခက်ခဲပါတယ်။
ယုံကြည်မှုနဲ့ ပွင့်ပွင့်လင်းလင်း တိုင်ပင်ဆွေးနွေးခြင်းဖြင့် ဒီ အခက်အခဲ တွေကို ကျော်လွှားနိုင်ပြီး ဝန်ထမ်းနဲ့ ကိုယ့်ရဲ့ ရင်းနှီးမှု ကို ရေရှည်တည်မြဲအောင် တည်ဆောက်နိုင်မယ်ဆိုရင်တော့ အရှုံးထဲက အမြတ်ဖြစ်လာမှာပါ။

Written by

Ei Myatnoe Aung

Reference
https://www.business2community.com/…/working-from-home-101-…