📚❓ဒီ Learning Tabs တွေကို ဘာကြောင့် ကြည့်သင့်တာလဲ

အားလုံးပဲ မင်္ဂလာပါ။ 👋

Beatrix ကနေပြန်လည်ကြိုဆိုလိုက်ပါတယ်.. 💁🏻‍♀️

📚ဒီနောက်ပိုင်း ကျွန်မတို့ သတိထားကြည့်မယ်ဆိုရင် Company Website အများစုမှာ Resources၊ Education၊ Learning စတဲ့ Tab လေးတွေ တွေ့ပါတယ်။ဒီအပိုင်းတွေမှာ ကုမ္ပဏီတွေက သူတို့နယ်ပယ်က သိကောင်းစရာတွေ၊ Free Resources တွေကို တင်ပေးလေ့ရှိပါတယ်။

ဘာနဲ့တူလဲဆိုရင် Facebook မှာ အဓိက Digital Marketing လုပ်တဲ့ ကုမ္ပဏီတွေဆိုလည်း သူတို့လုပ်ငန်းနဲ့ဆိုင်တဲ့ သိကောင်းစရာလေးတွေ တင်ပေးပြီး သုံးစွဲသူတွေ နဲ့ ရင်းနှီးမှု တည်ဆောက်ပါတယ်။ တစ်နည်းပြောရရင် Content Marketing လဲဖြစ်နိုင်သလို Corporate Social Responsibility (CSR) သဘောနဲ့တင်ပေးတာလည်း ဖြစ်နိုင်ပါတယ်။

👩‍🏫 ဒါကြောင့် ဒီနေ့မှာတော့ ဒီTab တွေမှာရှိတဲ့ Content တွေအကြောင်းနဲ့ သူတို့ဆီကနေ ဘယ်လို သင်ယူလို့ရမလဲဆိုတာလေး မျှဝေပေးချင်ပါတယ်။

🖥ဒီ Learning Tab တွေမှာ ဘာတွေတင်လေ့ရှိသလဲ?

ကုမ္ပဏီတစ်ခုနဲ့တစ်ခုကွာပေမဲ့ များသောအားဖြင့် ကုမ္ပဏီ Website ရဲ့ ဒီလို Tab မှာ တွေနိုင်တဲ့ Resource တွေကတော့ သူတို့ကုမ္ပဏီနဲ့ဆိုင်တဲ့ Blog, Podcast, Free Course, Webinar စသဖြင့် တွေကို တင်ပေးကြပါတယ်။

(မတင်တဲ့ကုမ္ပဏီတွေလည်း ရှိပါတယ်။ ဒါကတော့ အဲ့ဒီ့ ကုမ္ပဏီတွေက ဘယ်လောက်ထိ Content Management ပိုင်းပေါ် အာရုံစိုက်လဲပေါ် မူတည်ပြီး Resources အနည်းအများ ကွာသွားပါတယ်။)

📚❓ဒီ Learning Tabs တွေကို ဘာကြောင့် ကြည့်သင့်တာလဲ

📍It is FREE!
အခုချိန်မှာ Online Learning ရဲ့ Role က အမြင့်ဆုံးလို့ ပြောလို့ရပါတယ်။ ဒါကြောင့် ကိုယ့် အနေနဲ့ တတ်နိုင်သလောက် Resources တွေ အခမဲ့ ရမယ်ဆိုရင် သင်ယူတာလည်း မမှားဘူးလို့ထင်ပါတယ်။

📍Industry Knowledge
ကုမ္ပဏီတွေက တင်တဲ့ Resource တွေကို လေ့လာခြင်းက ဘယ်မှာ အားသာလဲဆိုရင် Industry Knowledge ကို ပိုသိနိုင်တာပါ။

ဒီ Resource တွေကိုကြည့်မယ်ဆိုရင် ဥပမာ - Digital Marketing ဆိုရင် ဘယ်လို Tools တွေ အဲ့ဒီ့ Industry မှာ သုံးနေလဲ၊ ဘာ Trends တွေရှိလဲ၊ ဘယ်လို တက်လမ်းတွေရှိလဲ စတဲ့ အကြောင်းအရာတွေကို တကယ်အဲ့ဒီ့ Industry ထဲမှာ လုပ်နေတဲ့သူတွေ ပြောပြတဲ့အခါမှာ ကိုယ့်အတွက် Industry Knowledge ရနိုင်ပါတယ်။

📍Easy to learn
အရင်ဆုံး ကုမ္ပဏီတွေကတင်တာဖြစ်တဲ့အတွက် အရမ်းလဲ မရှည်သလို အရမ်းလဲမတိုပါဘူး။ ဒါကြောင့် လေ့လာရတာ အရမ်းမဖိစီးပါဘူး။ နောက်ပြီး ဒီ Learning Tab တွေမှာ တင်တဲ့ Resource တွေကတော့ အပြင်လူ လာဖတ်ရင်တောင် နားလည်နိုင်တဲ့ အနေအထားရှိတဲ့အတွက် လေ့လာရလွယ်ပါတယ်။

❗️Tips for finding websites with such content
တကယ်လို့ ကိုယ့်အနေနဲ့ ဒီလို Content တွေပဲပါတဲ့ Website တွေကို အဓိက ရှာချင်တယ်ဆိုရင် Keywords တွေသုံးပြီး ရှာကြည့်ပါ။

ဥပမာ -
The best Digital Marketing firms in 2020,
The most creative startups in 2020 စတဲ့ Keyword တွေသုံးပြီး ရှာပေးနိုင်ပါတယ်။

ဒီလို List ထဲမှာ ပါတဲ့ ကုမ္ပဏီတွေကလည်း Learning Content တွေကို update လုပ်ပေးတာများတဲ့အတွက် အဆင်ပြေမှာပါ။

နောက်ပိုင်းမှာလည်း ကိုယ်Website တွေ ဝင်ကြည့်ဖြစ်မယ်ဆိုရင် ဒီTab လေးတွေကို သေချာသတိထားပေးပါ။ အချိန်ခဏလေးပေးလိုက်တာနဲ့ ကိုယ့်အတွက် Learning Resources တွေအများကြီး ရသွားမယ်ဆိုရင် အမြတ်ပါပဲလေ။

ဒီအောက်မှာဆိုရင်တော့ အကောင်းဆုံး Content တွေနဲ့ လုပ်ငန်းတွေ အသေးစိတ် ဖော်ပြထားပေးပါတယ်။ 👇🏻

Written by
Ei Myatnoe Aung

📍Canva
Canva ကတော့ အခုနောက်ပိုင်းမှာ အသုံးများလာတဲ့ Design Tool ပါ။ သုံးရလွယ်ကူပြီး Template တွေလည်း များတဲ့အတွက် Design ပိုင်း မကျွမ်းကျင်တဲ့သူတွေကအစ သဘောကျကြပါတယ်။
Canva ရဲ့ Learn Tab မှာဆိုရင်
1) Design School
2) Tutorials
3) Events
4) Courses
5) Blogs
6) Color Palette
7) Logo Maker
8) Photo Editor
ဒီလို Resources တွေကို Marketing, Branding, Photography, Design စတဲ့ နယ်ပယ်တွေအလိုက် ပြထားပေးတဲ့အတွက် တော်တော်အဆင်ပြေမှာပါ။

Link to the Learning Tab
https://designschool.canva.com/

📍 Visme
Visme ဟာဆိုရင်လည်း Visual Design Tool တစ်ခုဖြစ်ပါတယ်။ Presentation တွေကို Inforgraphics တွေနဲ့ အခြား Design Elements တွေသုံးပြီး ဆွဲဆောင်မှုလုပ်လို့ရပါတယ်။ ဒါပေမဲ့ သူကတော့ Canvas လို Free မရပါဘူး။ 14 Days Free Trial ပဲရပါတယ်။

Visme က Service တွေတော့ Free မရပေမဲ့ သူ့ Website ရဲ့ Learning Section မှာ ရှိတဲ့ Resource တွေကတော့ Free of Charge ဖတ်လို့ ကြည့်လို့ရပါတယ်။ Visme မှာ ဘာတွေ လေ့လာလို့ရနိုင်မလဲဆိုရင်
1) Blog
2) Case Studies
3) Webinars
4) Ebooks
Templates(if subscribed for emails)
တွေကို အများကြီး တင်ပေးထားပါတယ်။ သူက Digital Marketing ပိုင်းနဲ့လည်း ဆက်စပ်နေတဲ့အတွက် Digital Marketing စိတ်ဝင်စားမယ်ဆိုရင် ဝင်ကြည့်ကြည့်ပနော်။

Link to the Learning Tab
https://visme.co/blog/

📍 Bizplan
Bizplan ကတော့ အသေးစားလုပ်ငန်းတွေကို Startup Service တွေပေးတဲ့ ကုမ္ပဏီတစ်ခုပါ။ ဒါကြောင့် သူ့ရဲ့ Learning Tab ကို ကြည့်မယ်ဆိုရင် လုပ်ငန်းတစ်ခုစဖို့ အိုင်ဒီယာ ဘယ်လိုထုတ်မလဲ၊ ဘယ်ကနေ လုပ်ငန်းကို စမလဲ၊ ဘယ်လို Service တွေကို ထုတ်မလဲ၊ Customer တွေ ဘယ်လိုရှာမလဲ စတဲ့ Startup တွေအကြောင်း ဂဂနနပြောပြပေးထားပါတယ်။

တိတိကျကျ ဘယ်လို Resource တွေ ရှိမလဲဆိုရင်
1) Articles
2) Playbook (Instruction Book လောက်တော့ အသေးစိတ်မဟုတ်ပေမဲ့ သူနဲ့ ခပ်ဆင်ဆင်ပါ။)
3) Founder Stories
4) Videos
တွေကို တဝကြီး လေ့လာနိုင်ပါတယ်။

Link to Learning Tab
https://www.bizplan.com/education

📍Uscreen
Uscreen ကတော့ Video Creator တွေ Video Platform တွေကနေ ဝင်ငွေရအောင် Manage လုပ်ပေးတဲ့ ကုမ္ပဏီဖြစ်ပါတယ်။ Video Creator Management ဖြစ်တဲ့အတွက် Learning Tab မှာ Video Streaming Site, Video Editing/Management Software, Video Content Making တွေနဲ့ပတ်သက်ပြီး ဖတ်နိုင်ပါတယ်။

Video Content နဲ့ ဆိုင်တဲ့ Resource တွေကို ဘယ်လိုတွေ့နိုင်မလဲဆိုရင်
1) Blogs
2) Articles
3) Video Business School
စတာတွေကို သင်ယူလေ့လာနိုင်မှာ ဖြစ်ပါတယ်။

Link to Learning Tab
https://www.uscreen.tv/video-business-school/

📍 Hootsuite
Hootsuite ကတော့ Social Media Marketing အတွက် အဓိက သုံးတဲ့ Tool ပါ။ တစ်နေရာထဲကနေ Channel အများကြီးကို Manage လုပ်နိုင်ပါတယ်။ Hootsuite မှာတော့ သူကိုယ်တိုင်က Digital Marketing နယ်ပယ်ထဲက ဖြစ်တဲ့အတွက် သူတင်တဲ့ Content တွေအားလုံးက Digital Marketing နဲ့ ဆက်စပ်ပါတယ်။

လေ့လာနိုင်တဲ့ Resources တွေကတော့
1) Blog
2) Guide
3) Webinar
4) Toolkit
5) Research Paper
စုံစုံလင်လင်ပေးထားပါတယ်။ Hootsuite က consumer အသုံးများတဲ့ Tool တစ်ခုလဲဖြစ်တဲ့အတွက် သူပေးထားတဲ့ Resource တွေက အတော်စုံပြီး အသုံးချလို့ရမှာပါ။

Link to Learning Tab
https://hootsuite.com/resources

📍Buffer
Buffer ကလည်း နောက်ထပ် Social Media Marketing Tookit တွေကို Service ပေးတာပါ။ သူလည်း Hootsuite ဆိုလည်း Digital Marketing အခြေစိုက် ကုမ္ပဏီ ဖြစ်တဲ့အတွက် Resources တွေကလည်း ဒီ Industry ထဲက ပါပဲ။ သူရဲ့ Resources တွေက Social Media Platform တော်တော်များများမှာ Marketing ဘယ်လိုလုပ်ရလဲဆိုတာ ပြောပြပေးထားတဲ့အတွက် လက်တွေ့အသုံးချဖို့ လွယ်ကူမှာပါ။

Resources အနေနဲ့
1) Articles
2) Podcasts
3) Webinar
တွေကို လေ့လာနိုင်ပါတယ်။

Link to Learning Tab
https://buffer.com/resources/