📌Lewin's leadership styles

မင်္ဂလာပါ...

Beatrix မှ ပြန်လည်ကြိုဆိုပါတယ်။🙋

ဒီနေ့မှာတော့ Kurt Lewin ထုတ်ဖော်ပြောဆိုခဲ့တဲ့ အခြေခံအကျဆုံး leadership styles (၃)မျိုးကို ပြောပြပေးသွားပါမယ်။🥳

အဖွဲ့အစည်းတစ်ခုမှာ မရှိမဖြစ်လိုအပ်တာကတော့ ခေါင်းဆောင်ကောင်းတစ်ယောက်ပါပဲနော်။

ပထမဆုံး leadership ဆိုတာဘာလဲပြောပြချင်ပါတယ်။

Leadership ဆိုတာ တစ်ခြားသူတွေ၊ လုပ်ဖော်ကိုင်ဖက်‌တွေရဲ့ စိတ်ဓာတ်နဲ့အရည်အချင်းတွေပြည့်ဝ‌လာအောင် စီမံဆောင်ရွက်ပေးရတဲ့ ဧရိယာတစ်ခုပါပဲ။🤗

လုပ်ငန်းခွင်မှာဆိုရင်လည်း အဖွဲ့အစည်းကချမှတ်ထားတဲ့ ရည်မှန်းချက်ကို ရရှိဖို့မတူညီတဲ့လူတွေကို ဦးဆောင်ပေးရတဲ့သူတွေပဲဖြစ်ပါတယ်။🗣️

အဖွဲ့အစည်းတိုင်း၊နေရာတိုင်းမှာ လိုအပ်တဲ့ ခေါင်းမှုပုံစံတွေကတော့ မတူညီကြပါဘူး။ အခြေအနေအကြောင်းအရင်း တွေပေါ်မူတည်ပြီးတော့ ကွဲပြားကြပါတယ်။

ဒါကြောင့်လည်း ခေါင်းဆောင်မှုပုံစံ (leadership styles) တွေကလည်း အမျိုးမျိုး ကွဲပြားစွာရှိပါတယ်။🧐

💫 1. Autocratic leadership

သူကတော့ အာဏာရှင်ဆန်ပြီးတော့အဖွဲ့ဝင်တွေအပေါ် အနီးကပ်ကြီးကြပ်မှုမျိုးတွေလုပ်တတ်ကြပါတယ်။🔍

ဆုံးဖြတ်ချက်တွေ ချမှတ်တဲ့အခါမှာလည်း တစ်ခြားသူနဲ့ တိုင်ပင်ခြင်း၊ အကြံဉာဏ်ယူခြင်းတွေ မလုပ်ပဲ သူကိုယ်တိုင်အကုန်လုံး လုပ်တတ်ပါတယ်။

အဖွဲ့ဝင်တွေ၊ လက်အောက်ငယ်သားတွေအပေါ် ယုံကြည်မှုမရှိဖြစ်တတ်ပြီး အလုပ်အကိုင်ခွဲဝေမှုတွေ မလုပ်တတ်ကြပါဘူး။🙅

ဒီလို ပုံစံဟာဆိုရင် အဖွဲ့အစည်းအနေနဲ့ crisis ကာလမျိုးတွေမှာ အသုံးဝင်ပါတယ်။ ခေါင်းဆောင်တစ်ယောက်ကပဲ ဆုံးဖြတ်ချက်ကို လျင်မြန်စွာချနိုင်တာကြောင့် အလုပ်သမား‌တွေအတွက်ဖိအားသက်သာ‌စေပါတယ်။👏

ဒါပေမယ့် တစ်ဖက်ကပြန်ကြည့်ရင်လည်း ဆိုးကျိုးတွေရှိပါသေးတယ်။ အရည်အချင်းနဲ့ကျွမ်းကျင်မှုတွေ ပြည့်ဝနေတဲ့ နောက်လိုက်အတွက်ကတော့ သူ့ရဲ့ပညာတွေကို ထုတ်မသုံးရသလိုဖြစ်ပြီး အမြဲတမ်း ခေါင်းဆောင်အပေါ်မှီခိုရပါတယ်။

လုပ်ပိုင်ခွင့်တွေမပေးတာကြောင့် အတွေးအခေါ် အတွေ့အကြုံမရပဲ ဘဝတိုးတက်ဖို့ ခက်ခဲသွားနိုင်ပါတယ်။🤷

💫 2. Democratic leadership

ဒီတစ်ခုကတော့ လက်အောက်ငယ်သားတွေအပေါ် လုပ်ပိုင်ခွင့်ပေးတဲ့ ပုံစံမျိုးပါ။🤗

အဖွဲ့ဝင်တွေနဲ့ စုပေါင်းဆွေးနွေးတာမျိုးတွေ ပြုလုပ်တတ်ပြီး တစ်ခြားသူတွေရဲ့ အတွေးအခေါ်သစ်၊ အကြံဉာဏ်သစ်တွေ ရယူပါတယ်။

ဆွေးနွေးထားတဲ့အချက်အလက်တွေ၊ အကြံပြုချက်တွေကို တွက်ချက်ပြီး ခေါင်းဆောင်ကိုယ်တိုင်ပဲ နောက်ဆုံး ဆုံးဖြတ်ချက်ကို ချမှတ်ရတာပါ။💁

ဒီပုံစံကလုပ်ငန်းခွင်မှာ အရမ်းကိုအကျိုးရှိတဲ့နည်းလမ်းအဖြစ်တွေ့ရှိပါတယ်။ ပိုပြီးမှန်ကန်တဲ့ ဆုံးဖြတ်ချက်တွေချမှတ်နိုင်ပြီးတော့ ဝန်ထမ်းတွေရဲ့အလုပ်လုပ်တဲ့စွမ်းရည်မြင့်မားလာပါတယ်။
အားနည်းချက်အနေနဲ့ကတော့ လျှို့ဝှက်ချက်ပေါက်ကြားမှု၊ ဆုံးဖြတ်ချက်ချရာမှာ အချိန်ကြာမြင့်မှု စတာတွေဖြစ်လာနိုင်ပါတယ်။🤨

💫 3. Laissez-faire leadership

ဒီလိုပုံစံ ခေါင်းဆောင်ကတော့ အဖွဲ့ဝင်တွေအပေါ် လွတ်လပ်မှုပေးထား‌ပြီးတော့ ပြဿနာတွေကိုလည်း အဖွဲ့ဝင်တွေကိုယ်တိုင် ကိုင်တွယ်ဖြေရှင်းနိုင်ဖို့ မျှော်လင့်ကြတာပါ။😇

ခေါင်းဆောင်‌တွေက အကြံဉာဏ် လမ်းပြမှုတွေကို လိုအပ်မှသာလျှင် လမ်းညွှန်ထောက်ပံ့ပေးပါတယ်။

ဒီနည်းလမ်းကတော့ လက်အောက်ငယ်သားတွေမှာ စီမံခန့်ခွဲမှုနဲ့ အရည်အချင်း၊အတွေ့အကြုံပြည့်ဝမှသာ ကောင်းကောင်းမွန်မွန်လုပ်ဆောင်နိုင်မှာပါ။🙋

မဟုတ်ရင် အမှားတွေနဲ့ ဆုံးရှုံးမှုတွေ ဖြစ်လာနိုင်ပါတယ်။ ဒါပေမယ့် ဝန်ထမ်းတွေရဲ့ လုပ်နိုင်စွမ်းကို အပြည့်အဝအသုံးချခွင့်ရပြီး တိုးတက်မှုအခွင့်အလမ်းတွေလည်း ရရှိလာ‌စေပါတယ်။

သို့ပေမယ့် ကျွန်မတို့တွေဟာ ခေါင်းဆောင်မှု ပုံစံတစ်ခုကိုပဲသုံးပြီး တစ်သမတ်တည်း သွားလို့မရပါဘူး။

ကိုယ့်အဖွဲ့အစည်းရဲ့အခြေအနေ၊ ပတ်ဝန်းကျင်ပြောင်းလဲမှုတွေအပေါ် မူတည်ပြီး ပြောင်းလဲကြရတာပါ။🥳

ဒါကြောင့်အမြဲတမ်းမှန်ကန်နေတဲ့ နည်းလမ်းရယ်လို့မရှိပါဘူးနော်။ ကိုယ်သုံးမယ့် ပုံစံရဲ့အားသာချက်၊အားနည်းချက်တွေကိုသိရှိပြီးတော့လည်း ဦးဆောင်သွားရမှာဖြစ်ပါတယ်။🤗

Written by
Yoon Ei Tin