Content ကောင်းတစ်ပုဒ် ဘယ်လို ဖန်တီးကြမလဲ ..⁉️

Covidကာလအတွင်း မြန်မာနိုင်ငံမှာ Social Media(လူမှုကွန်ယက်)ကို အသုံးပြုသူ ပိုမိုများပြားလာတာကို တွေ့မြင်ရမှာပါ။

Traditional Marketing ကနေ Digital Marketingအဖြစ်သို့ ကူးပြောင်းလာပြီမို့ ကိုယ့်ရဲ့ကုန်ပစ္စည်းတွေကိုTVမှာ ကြော်ညာနေတာထက် လူမှုစာမျက်နှာ(Facebook)

မှာ ဖောက်သည်တွေကို ဆွဲဆောင်နိုင်ဖို့ အတွက် ကိုယ် ပြောချင်တဲ့အကြောင်းအရာ တွေကိုထိထိမိမိ ရေးသား ပြောဆိုတတ်ဖို့ Content Writing ပညာဟာလိုအပ်ပါတယ်။

Content ရေးခြင်းဟာ Digital Marketing ရဲ့ ကျောရိုးတစ်ခု ဖြစ်သလို ပိုထူးခြားတဲ့ content တွေကသာ စျေးကွက်ကိုထိုး ဖောက်နိုင်မှာဘဲဖြစ်ပါတယ်။

ဒါ့ကြောင့် ဒီနေ့မှာ Beatrix ကနေ content ရေးရာမှာ လိုအပ်တဲ့ ဂရုပြုစရာအချက်လေး တွေကို ဖော်ပြပေးလိုက်ပါတယ်နော်။

၁။ Focusထားပါ။

ကိုယ်ကဘယ်သူတွေကို ဦးတည်ချက်ထားပြီး ရေးသားမယ်ဆိုတာ အရင်ဆုံးသိဖို့လိုအပ်ပါတယ်နော်။

ကိုယ်ဦးတည်တဲ့ လူအမျိုးအစား ပေါ်မူတည်ပြီးကိုယ်ရေးတဲ့ content အကြောင်းအရာတွေကလည်း ပြောင်းလဲသွားနိုင်ပါတယ်။

၂။ ခေါင်းစဥ်ကို စိတ်ဝင်စားဖွယ် ဖြစ်အောင်ဖန်တီးပါ။

လူသားတွေရဲ့ ၈၀%က ခေါင်းစဥ်ကိုသာ အရင်ဖတ်ကြတာပါ။ ကျန်တဲ့၂၀%ကသာ ကိုယ် ရေးထားတဲ့ အကြောင်းအရာ တွေကိုဆက်လက် ဖတ်ရှုသွားကြမှာဘဲ ဖြစ်ပါတယ်။

ဒါ့ကြောင့် လူအများကို ဆွဲဆောင်နိုင်မယ့် ခေါင်းစဥ် ကောင်းကောင်းလေး ဖန်တီးဖို့ မမေ့ပါနဲ့ နော်။

၃။ အချက်အလက်တွေကို သေချာစိစစ်ပါ။

ကိုယ်ရေးသားထားတဲ့ အကြောင်းအရာတွေမမှန်မကန်ဖြစ်နေတာတွေက ကိုယ့်လုပ်ငန်းရဲ့ပုံရိပ်ကိုထိခိုက် စေနိုင်သလို ကိုယ့်ရဲ့ဂုဏ်သိက္ခာကိုလည်း ထိပါးစေနိုင်ပါတယ်။

ကိုယ့်ရဲ့ စာတွေက ကိုယ့်လုပ်ငန်းကို တန်ပြန်သက်ရောက်မှုရှိစေတဲ့အတွက် အချက်အလက်တွေကို သေချာရှာဖွေစိစစ် ပေးပါနော်

၄။ Keywords လေးတွေကို အသုံးပြုပေးပါ။

စာဖတ်သူတွေကို ကိုယ်ပြောချင်တဲ့အကြောင်းအရာကို ကျစ်ကျစ်လစ်လစ်နဲ့ ထိထိမိမိ ဖော်ပြနိုင်အောင် ကြိုးစားရေးသားပါ။လူ့သဘာဝအရစာရှည်ရင် မဖတ်ချင်တတ်ကြပါဘူး

၅။ စိတ်ဝင်စားဖွယ် အဖြစ်အပျက်လေးတွေနဲ့ ရေးသားပုံဖော်ပါ။

Social Mediaမှာ ကြည့်မယ်ဆိုရင် လူသား တွေက သူတို့အတွက် emotion(စိတ်ခံစားမှု) ဖြစ်စေမယ့် အကြောင်းအရာလေးတွေကို ပိုshareကြတာကို တွေ့မြင်ရမှာပါ။

ဒါ့ကြောင့် ကိုယ့်contentမှာ ရယ်စရာဟာသအဖြစ်အပျက်လေးတွေ၊ ဖြစ်ရပ်မှန် ဇာတ်လမ်း လေးတွေကို ထည့်သွင်းရေးသားခြင်းက စာဖတ်သူ တွေကို ဆွဲဆောင်စေနိုင်သလို၊ ကိုယ်ပြောချင်တဲ့ အဓိကအချက်လေးတွေဆီ ကိုလည်း ဖော်ပြခေါ် ဆောင် ပေးသွားနိုင်ပါတယ်။

၆။ရုပ်ပုံ/Videoစတာ တွေကိုအသုံးပြု ပေးပါ။

လူအချို့က အမြင်အာရုံနဲ့ သင်ယူတတ်ကြသလို အချို့က အကြားအာရုံနဲ့ သင်ယူတတ်ကြပါတယ်။ Videoတွေရုပ်ပုံတွေ graph(ဇယားကွက်)တွေပြသထားခြင်းက စာဖတ်သူတွေကို အဓိကအချက်ကို မြင်လာနိုင် စေပါတယ်။ ဒါပေမယ့် ကိုယ်ရေးချင်တဲ့ အ ကြောင်းအရာကို ပိုအထောက်အကူ ဖြစ်စေနိုင်မယ့်ပုံလေးတွေ ကိုသာအသုံးပြုပေး ရမှာပါ နော်။

၇။အခြားသော content ရေးသူတွေရဲ့ အရေးအသားကို လေ့လာပါ။

ကိုယ်က အခုမှ content စရေးမယ်ဆိုရင်တော့ကိုယ်ကြိုက်နှစ်သက်တဲ့content ရေးသူတွေရဲ့အ ရေးအသား တွေကို လေ့လာစု ဆောင်းပါ။

ခေတ်နဲ့အညီ နာမည်ကြီးနေတဲ့ အကြောင်းအရာ လေးတွေကို ရှာဖွေစူးစမ်းနေဖို့လည်း မမေ့ပါနဲ့ ဦး။

၈။ မေးခွန်းထုတ်ပါ။

ကိုယ့်content လေးရဲ့ အဆုံးမှာ ကိုယ်ရဲ့စာဖတ်သူတွေကို ကိုယ်ရေးသားထားတဲ့ အကြောင်းအရာနဲ့ ပတ်သက်ပြီး ဘယ်လိုအကျိုးကျေးဇူးတွေ ရသွားလဲစသဖြင့် သုံးသပ်မိအောင် မေးခွန်း မေး ပေးပါ။

ဥပမာ-ဒီcontent လေးနဲ့ပတ်သက်ပြီး ဘယ်လိုအကျိုးကျေးဇူးတွေ ရသွားလဲပေါ့နော်။

ဒီအချက်လေးတွေကို ဂရုပြုလိုက်မယ် ဆိုရင်ဖြင့် အနှစ်သာရပြည့်ဝတဲ့ Content လေးတွေကို ရေးသားနိုင်မယ်လို့ မျှော်လင့်ပါတယ်နော်။

အားလုံးဘဲ ကိုယ်စိတ်နှစ်ဖြာ ကျန်းမာ ချမ်းသာကြပါစေ။

Written by

Hydra Myo