Customer Personality Types & How to manage them

အားလုံးပဲ မင်္ဂလာပါ။

ဒီနေ့ Beatrix ကနေပြီးတော့ မိတ်ဆွေတို့အတွက် ဖောက်သည်အမျိုးအစား (၄)မျိုး အကြောင်းနဲ့ သူတို့ကို ဘယ်လိုစီမံခန့်ခွဲ ပြောဆိုဆက်ဆံရမလဲ ဆိုတာကို ပြောပြပေးသွားမှာပဲ ဖြစ်ပါတယ်။

ဒီကမ္ဘာပေါ်မှာ ကိုယ့်လိုလူမျိုး နောက်တစ် ယောက်မရှိနိုင်ဘူး ဆိုတာကိုသိကြမှာပါ။လူသားတွေဟာ တစ်ယောက်နဲ့ တစ်ယောက် အကျင့်စရိုက်ချင်း မတူကြပါဘူး။ ဒီလိုပါပဲ။ လုပ်ငန်းတိုင်းမှာမတူညီတဲ့ ဖောက်သည်အမျိုးမျိုးကို ပြောဆိုဆက်ဆံ နေကြရပါတယ်။

ကဲ…. ဒါဆိုရင် ဖောက်သည်(၄)မျိုး အကြောင်းဆွေးနွေးကြရအောင်

(1) Negotiator( စျေးဆစ်တတ်သူ)

ဒီလိုလူအမျိုးအစားတွေက ဘယ်လိုဘယ်ပုံစျေးဆစ်လိုက်ရမလဲ ဆိုပြီး အမြဲစဥ်းစား နေတတ်ကြသူတွေပါ။ ဒါကြောင့် သင့်တော်တဲ့ စျေးနဲ့ရရင်တောင် သူတို့က ဒီ့ထက်ပိုသက်သာတဲ့ စျေးနှုန်းနဲ့ရဖို့ ကြိုးစားကြပြန်ပါတယ်။သူတို့တွေကို သူတို့နှုတ်ကနေ ”ဒီပစ္စည်းစျေးမတန်လိုက်တာ လို့မပြောမချင်း အပေါ်ယံကြည့်ပြီး Negotiatorလို့ ဆုံးဖြတ်လို့မရပါဘူး။

ဒါဆိုသူတို့ကိုဘယ်လိုmanageလုပ်ကြမလဲ???

ဒီလို Negotiator တွေက ဘေးနားပတ်ဝန်းကျင်ကသူ တွေကိုပါ စျေးဆစ်ဖို့တွန်းအားတစ်ခုဖြစ်သွားနိုင်ပါတယ်။ ဒါကြောင့်သူတို့ကို သီးသန့် ခေါ်သွားပြီး စျေးညှိပါ။ ကိုယ့်ရဲ့စိတ်ကိုအတတ်နိုင်ဆုံး လျှော့ထားပြီး ကိုယ့်ပစ္စည်းရဲ့အကျိုးကျေးဇူးတွေကို ရှင်းပြပေးပါ။

အကယ်၍သူတို့ဘက်ကလက်မခံဘူး။ စျေးထပ်ဆစ် နေမယ်ဆိုရင် လက်လွှတ်လိုက်ဖို့ မတွန့်ဆုတ်နေပါနဲ့။ သူတို့ တကယ်စိတ်ဝင်စားရင် ကိုယ့်ဆီကို သူတို့ဘာသာ ရောက်လာပါလိမ့်မယ်။

(2) Scrooges (ကပ်စေးနှဲသူ)

သူတို့တွေက Negotiatorနဲ့ အလားတူပေမယ့် စျေးဆစ်စရာမလိုဘဲ စျေးအပေါဆုံးနဲ့ရတဲ့ပစ္စည်းကိုမှ သဘောကျကြတဲ့သူတွေပါ။

ကိုယ့်လုပ်ငန်းက စျေးပေါပေါနဲ့ ရောင်းနိုင်လို့သူတို့ကို target ထားလိုက်မယ်ဆိုရင်တော့ သင်အမှားကြီးမှားပါပြီ။

ဒါဆိုသူတို့ကိုဘယ်လို ဆွဲဆောင်ကြမလဲ???

သူတို့ကိုကိုယ့်ရဲ့ပစ္စည်းက ပြိုင်ဖက်ဆိုင်တွေထက်ကိုသာလွန် ကြောင်း၊ ပိုဝန်ဆောင်မှုပေးနိုင် ကြောင်း၊ ပိုစျေးတန်ကြောင်း ပြောပြမှသာ သူတို့က လိုလိုလားလား ဝယ်လာနိုင်ပါတယ်။

(3) The Quality Nut (ပစ္စည်းအရည်အ သွေးကို ဦးစားပေးသူ)

ဒီလိုလူမျိုးတွေက စျေးနှုန်းကို အဓိကမထားဘဲပစ္စည်း အရည်အသွေးကောင်းဖို့ကိုသာ ဦးစား ပေးတတ်ကြသူတွေပါ။

ဒါပေမယ့် ဒီလိုဆို သူတို့ကို လွယ်လွယ်ကူကူ ရောင်းလို့နိုင်ပြီလို့ သင်ထင်ပါသလား???

Noပါ။ ကိုယ့်ကုန်ပစ္စည်းတွေက စျေးကွက်မှာ အကောင်းဆုံး ဆိုတာကို သူတို့မငြင်းနိုင် လောက်အောင် သက်သေပြနိုင်ဖို့ လိုအပ်ပါတယ်။ Quality Nut တွေကို ပစ္စည်းရောင်းတော့မယ် ဆိုရင် သင်ဦးတည်ရမှာက တစ်ခုထဲပါဘဲ။အဲ့ဒါကတော့ ”Value” ဆိုတဲ့ ကုန်ပစ္စည်း အရည်အသွေး တန်ဖိုးပါပဲ။

(4) The Flaunter(ကြွားလုံးထုတ်တတ်သူ)

ဒီလိုလူမျိုးတွေက နာမည်ကြီး Brand တွေကိုဘဲ ဝယ်သုံးတတ်ကြသူတွေပါ။ Flaunter နဲ့ Faux Flaunter ဆိုပြီး(၂)မျိုးရှိပါတယ်။

Flaunter တွေကတော့ တကယ်ချမ်းသာပြီး Brand တွေပဲ ဝယ်သုံးပြီး ကြွားတတ်ကြသူတွေပေါ့။

Faux Flaunter တွေကတော့ ဆင်းရဲပေမယ့်လည်း အများအမြင်မှာ ချမ်းသာသူတွေလို့ မြင် စေချင်ကြတဲ့သူတွေပေါ့။

ဒီလိုလူမျိုးတွေနဲ့ ပြောဆိုဆက်ဆံရတော့မယ်ဆိုရင် အရင်ဆုံး သင်သိအောင် လုပ်ရမှာက သူတို့က တကယ်ချမ်းသာတာလား။ ဒါမှမဟုတ် ဟန်ဆောင်နေကြတာလားပေါ့။

အသိသာဆုံး တစ်ချက်ကတော့ Flaunter အများစုက သူတို့ချမ်းသာကြောင်း လူအများသိအောင် နေချင်တတ်ကြပေမယ့် သူတို့ပေးရတဲ့ ပိုက်ဆံနဲ့ထိုက်တန်တယ်လို့ ခံစားရတဲ့တန်ဖိုးကြီး ပစ္စည်းတွေကိုပဲ ဝယ်ယူကြတာများပါတယ်။

Faux Flaunter တွေနဲ့ ပြောဆိုဆက်ဆံရတဲ့အခါမှာ အနည်းငယ် အခက်အခဲလေးတွေ တွေ့ရတတ်ပါတယ်။

ဒါပေမယ့်လည်း သူတို့ကိုပစ္စည်းရောင်းတော့မယ်ဆိုရင် ငွေကြေးသင့်တင့်ပြီး Brand နီးတူ ကောင်းတဲ့ ပစ္စည်းလေးတွေကို ညွှန်းပေးရပါမယ်။ လူအများကြည့်ရင် Brandလို့ထင် လောက်တဲ့ပစ္စည်းမျိုး ပေါ့။

ဒီ customer personality type လေးမျိုး အကြောင်းလေး ဖတ်ပြီးတော့ အသိတစ်ခု တိုးသွားမယ်လို့ မျှော်လင့်ပါတယ်နော်။

ဖောက်သည် တွေဆိုတာက အမျိုးအစား ပေါ် မူတည်ပြီး ခွဲခြားဆက်ဆံရပါတယ်။ ဒါမှကိုယ့်ဆီက ဖောက်သည်တွေက တခြားလူဆီ မရောက်သွားဘဲ ကိုယ့်ဆီမှာ သစ္စာရှိရှိ တည်မြဲ နေမှာပဲဖြစ်ပါတယ်။

အားလုံးပဲ ကိုယ်စိတ်နှစ်ဖြာ အေးချမ်းကြပါ စေရှင်

Written by - Hydra Myo

References

https://cloudcherry.com/blog/customer-personality-types-in-business/