Leader Vs Manager 😎

အားလုံးပဲ မင်္ဂလာပါ။

Beatrix ကနေ ပြန်လည်ကြိုဆိုလိုက်ပါတယ် ..

ဒီနေ့မှာတော့ လူအများဆင်တူယိုးမှားဖြစ်ပြီး တူမယောင်နဲ့ ကွဲနေတတ်တဲ့ လုပ်ငန်းတခုရဲ့ ဦးဆောင်သူ/ ခေါင်းဆောင် (Leader) နှင့် စီမံခန့်ခွဲသူမန်နေဂျာ (Manager) နှစ်ခု ဘာတွေကွာခြားနေလည်း ဆိုတာနဲ့ ပတ်သက်ပြီး မျှဝေပေးသွားမှာဖြစ်ပါတယ်။

မန်နေဂျာတစ်ယောက်ဟာ အလိုအလျောက် ခေါင်းဆောင်ကောင်း ဖြစ်နိုင်သလား

ခေါင်းဆောင်တစ်ယောက်နဲ့ မန်နေဂျာတွေအကြား ကွဲပြားမှုတွေက ဘာတွေလည်း

လုပ်ငန်းအောင်မြင်ဖို့တွက် ခေါင်းဆောင်လား၊ ဒါမှမဟုတ် မန်နေဂျာလား

Ok ပထမဆုံးပြောချင်တာကတော့..

မိတ်ဆွေဟာ ဝန်ထမ်းနဲ့ အလုပ်အပေါ် စီမံခန့်ခွဲမှုကောင်းပြီး မန်နေဂျာရာထူးကို ရထားပေမယ့် ထိုလုပ်ငန်းနဲ့ ဝန်ထမ်းတွေရဲ့ခေါင်းဆောင်ဖြစ်ချင်မှဖြစ်မှာပါ။

ဘာလို့လည်းဆိုတော့ မန်နေဂျာတစ်ယောက်နဲ့ခေါင်းဆောင်ကောင်းတစ်ယောက်ကြားက ကွဲပြားမှုတွေ များစွာရှိလို့ပါပဲ။

အောက်မှာပေးထားတဲ့ အချက်(၉)ချက်ကို ဖတ်ကြည့်ပီးရင်တော့ ဘာတွေများကွာခြားနေလည်းဆိုတာကို မိတ်ဆွေရှင်းသွားပါလိမ့်မယ်။

Ok ကြည့်လိုက်ရအောင်....

၁။ ခေါင်းဆောင်တွေက Vision ကိုဖန်တီးတယ်၊ မန်နေဂျာကတော့ Goal ကိုဖန်တီးတယ်။

ခေါင်းဆောင်တွေက သူတို့အတူချမှတ်ထားတဲ့ Vision တွေကို အမှန်တကယ်ဖြစ်လာဖို့ နောက်လိုက်တွေကို လှုံဆော်တယ်၊ ဆွဲဆောင်တယ်။ အဖွဲ့အစည်းတခုရဲ့လုပ်အားဟာ တစ်ဦးတစ်ယောက်တည်းရဲ့ လုပ်အားအကြံဉာဏ်ထက်များစွာ အကျိုးရှိတယ်ဆိုတာကို သူတို့ကောင်းကောင်းသိကြတယ်။

မန်နေဂျာတွေကတော့ ဘယ်လိုပဲလုပ်လုပ် သူချမှတ်ထားတဲ့ ရည်မှန်းချက်တွေဆီ အမြန်ရောက်ဖို့ နဲ့ ကျော်လွှားဖို့တွက် အခြေအနေအားလုံးကို သူထိန်းချုပ်ထားတယ်။

၂။ ခေါင်းဆောင်တွေက အသစ်သစ်သော ပြောင်းလဲမှုကို မိတ်ဆက်ပေးတတ်ပြီး မန်နေဂျာတွေကတော့ ဗိုလ်နေမြဲကျားနေမြဲအခြေအနေကို ပိုကြိုက်ပါတယ်။

ခေါင်းဆောင်တွေကအသစ်သစ်သောဖန်တီးမှုတွေကိုကြိုက်ကြတယ်။ ပြောင်းလဲခြင်းဆိုတာကို သူတို့လက်ခံပြီး အရာရာသည်ကောင်းမွန်သောအလုပ်ကို များများလုပ်လျှင် ရှေ့မှာပိုမိုကောင်းမွန်သောလမ်းရှိသည်ဟု သူတို့ယုံကြည်တယ်။

မန်နေဂျာတွေကတော့ လက်ရှိ ရှိနေတဲ့ စနစ်၊တည်ဆောက်ပုံနဲ့ လုပ်ဆောင်မှုတွေကိုသာ မပျက်မကွက်အောင် ထိန်းထားချင်ကြပါတယ်။

၃။ ခေါင်းဆောင်တွေကိုထူးခြားမှုကိုကြိုက်တယ်၊မန်နေဂျာတွေကတော့ တုပခြင်းကိုကြိုက်တယ်။

ခေါင်းဆောင်တွေက မိမိတို့ကိုလူတွေသတိပြုမိလာအောင် သူတို့အတွက်ထူးခြားကွဲပြားတဲ့ ကိုယ်ပိုင်အမှတ်တံဆိပ်တခုကို တည်ဆောက်နိုင်ဖို့တက်ကြွလုပ်ဆောင်ကြတယ်။

မန်နေဂျာတွေကတော့ အခြားသူတွေဆီကသူတို့သင်ယူထားခဲ့တဲ့ အရည်အချင်းနဲ့အပြုအမှုတွေကိုတုပခြင်းနဲ့ လုပ်ငန်းရဲ့တိုးတက်မှုကိုရှာဖွေကြတယ်။

၄။ ခေါင်းဆောင်တွေကစွန့်စားလိုကြပြီး၊မန်နေဂျာတွေကတော့ စွန့်စားမှုကိုထိန်းချုပ်လိုကြတယ်။

အပေါ်မှာပြောခဲ့သလိုပဲ ခေါင်းဆောင်တွေက အသစ်သစ်သောဖန်တီးမှုတွေနဲ့ စွန့်စားရတာတွေကိုလုပ်တတ် ကြတယ်။ သူတို့အတွက် ဒီကျရှုံးမှုတွေကို နောင်တချိန်အောင်မြင်ခြင်းဆီသွားဖို့ လှေကားထစ်တွေလို့ သူတို့သဘောထားကြတယ်။

မန်နေဂျာလုပ်တဲ့သူတစ်ယောက်ကတော့ စွန့်စားမှုကို နည်းသထက်နည်းအောင် လုပ်ချင်ကြတယ်။ စွန့်စားမှုကြောင့်ဖြစ်လာမယ့်ပြဿနာကိုလည်း ရှောင်ဖို့နဲ့ထိန်းချုပ်ဖို့ပဲ သဘောထားကြတယ်။

၅။ ခေါင်းဆောင်တွေက ရှေ့အကျိုးကိုကြည့်ပြီး မန်နေဂျာတွေက လတ်တလောအောင်မြင်မှုကိုပိုလိုချင်ကြပါတယ်။

ခေါင်းဆောင်တွေက သူတို့လုပ်သင့်တာကိုလုပ်ပြီး ရေရှည်အောင်မြင်မှုတွက် အစီအစဥ်ချကြတယ်။

မန်နေဂျာတွေကတော့ အချိန်တိုအသိအမှတ်ပြုမှု(သို့)ချီးမွမ်းမှုကိုရယူပြီး ကာလတိုပန်းတိုင်များအပေါ် အလုပ်လုပ်ကြတယ်။

၆။ ခေါင်းဆောင်တွေကတိုးတက်မှုကိုရှာပြီး မန်နေဂျာတွေကတော့ရှိနင့်ပီးသားလို့မှတ်ယူကြတယ်။

ခေါင်းဆောင်တွေဟာ သူတို့အနေနဲ့ နေ့စဥ် အသစ်သစ်သောလအရာတခုကိုလမလေ့လာတာကို သူတို့ရပ်နေတာလို့ မမှတ်ယူဘဲ နောက်ကွယ်ကနေကျဆင်းနေခြင်းဟု ထင်တတ်ကြတယ်။ ဒါကြောင့် သူတို့ကဆက်လက်လေ့လာနေဆဲဖြစ်ပြီး အမြဲပြောင်းလဲနေတဲ့အလုပ်ခွင်အတွက် ကြိုးစားကြတယ်။

မန်နေဂျာတွေကတော့ သူတို့အောင်မြင်ဖို့တွက် လက်ရှိ ရှိနေတဲ့ရောက်နေတဲ့ ကျွမ်းကျင်မှုအဆင့်ဟာ လုံလောက်ပီလို့ ထင်တတ်ကြတယ်။

၇။ ခေါင်းဆောင်တွေက ဆက်ဆံရေးကိုတည်ဆောက်ပြီး၊ မန်နေဂျာတွေကတော့လုပ်ငန်းစဉ်နဲ့ စနစ်ကို တည်ဆောက်ပါတယ်။

ခေါင်းဆောင်တွေက သူတို့နဲ့ဆက်သွယ်နေတဲ့သူတွေဟာ ဘယ်သူလည်းဆိုတာ သိအောင်လုပ်တတ်ကြတယ်။ သူတို့ရဲ့ကတိကဝတ်ကို အစဥ်တစိုက်ဖြည့်ဆည်းပေးခြင်းဖြင့် သစ္စာစောင့်သိမှုနဲ့ ယုံကြည်မှုကို တည်ဆောက်ကြ ကြတယ်။

မန်နေဂျာတွေကတော့ ချမှတ်ထားတဲ့ကိစ္စတခုအောင်မြင်ရန်လိုအပ်တဲ့ ဖွဲ့စည်းတည်ဆောက်ပုံကိုသာ အာရုံရောက်ကြပြီး လိုချင်တဲ့ရလဒ်ရဖို့ လုပ်ဆောင်ရမယ့်စနစ်တွေကိုသာ ရွေးချယ်ချမှတ်တတ်ကြတယ်။

၈။ ခေါင်းဆောင်တွေက နည်းလမ်းပြပြီး၊မန်နေဂျာက တိုက်ရိုက် ညွှန့်ကြားတတ်ပါတယ်။

ခေါင်းဆောင်တွေက သူ့လက်အောက်ငယ်သားတွေအပေါ် အရည်အချင်းရှိတယ်လို့ မြင်ပြီးလုပ်ရမယ့် အလုပ်တွေကိုလည်း ကိုယ်တိုင် လမ်းပြနည်းနာပြခြင်းဖြင့် လုပ်စေတယ်။

မန်နေဂျာတွေကတော့ လုပ်ငန်းဆောင်တာတွေကိုသတ်မှတိပြီး အဲ့ဒါတွေပြီးဖို့ ဘယ်လိုလုပ်ရမလဲဆိုတာကို တိုက်ရိုက် အမိနိ့ပေးပြီး ညွှန့်ကြားကြပါတယ်။

၉။ ခေါင်းဆောင်တွေက ပရိသတ်ကိုဖန်တီးပြီး မန်နေဂျာတွေကတော့ ဝန်ထမ်းတွေကိုဖန်တီးတယ်။

ခေါင်းဆောင်တွေက သူတို့နားမှာရှိနေတဲ့သူတွေကို ဆွဲဆောင်မှုအားကောင်းသော ပရိသတ်နဲ့စိတ်အား ထက်သန်စွာအားပေးတတ်တဲ့ ပရိသတ်တွေဖြစ်လာအောင်လုပ်ကြတယ်။

မန်နေဂျာတွေကတော့ သူ့ရဲ့လမ်းညွန့်ချက်ကိုလိုက်နာပြီး သူဌေးနှစ်သက်မယ့်ဝန်ထမ်းတွေဖြစ်အောင် လုပ်တတ်ကြတယ်။

Ok ဒါတွေကတော့ စီးပွားရေးလုပ်ငန်းနဲ့ပတ်သက်ပြီး Leader နဲ့ Manager ကြားက ကွဲလွဲမှုလေးတွေပဲ ဖြစ်ပါတယ်။

တစ်ခု ထပ်ပြောချင်တာကတော့ ဘယ်တခုကပိုသာတယ်ပိုကောင်းတယ်လို့ မပြောနိုင်ပါဘူး။ တကယ်ဆို ကျွန်တော်တို့က ခေါင်းဆောင်မှုနှင့် စီမံခန့်ခွဲတို့ကို အတူထားပြီး လုပ်တတ်ရမယ်။

ဒီနှစ်ခုကတော့ တခုနဲ့တခုရဲ့ လုပ်ဆောင်ပုံနဲ့ သဘောထားမှုဟာ မတူညီကြပေမယ့် တခုအောင်မြင်ဖို့အတွက်နောက်တခုကဖြည့်စွက်ပေးပါတယ်။

လုပ်ငန်းတခုမှာ ဒီအရာနှစ်ခုကို သပ်သပ်ခွဲထားတာဟာ ပြဿနာတွေကို ဖြေရှင်းရာမရောက်ဘဲ ပြဿနာတွေကို ပိုမိုဖြစ်စေပါလိမ့်မယ်။

ဘယ်လုပ်ငန်းမဆိုအောင်မြင်ဖို့အတွက်ဆိုရင် ဝန်ထမ်းတွေကိုစီစဥ်ခြင်း၊စုစည်းခြင်းနဲ့ညိုနှိုင်းခြင်းတို့ကို ပြုလုပ်နိုင်တဲ့ စီမံခန့်ခွဲမှုတွေလိုအပ်တယ်။ ဒါတွေအပြင် သူတို့ကိုစွမ်းဆောင်ရည်အပြည့်နဲ့လုပ်ဆောင်ရန်လည်း လှုံဆော်ပေးနိုင်တဲ့ ခေါင်းဆောင်မှုပိုင်းလည်းလိုအပ်ပါတယ်နော်။

ဒါကြောင့် ကိုယ့်လုပ်ငန်းအောင်မြင်ဖို့တွက် Leader ပိုင်းလည်းသက်သက်မဟုတ်သလို Manager ပုံစံတခု တည်းဖြစ်နေလို့မရပါဘူး။ အဲ့ဒီနှစ်ခုကိုဖွဲ့စည်းထားတဲ့ Leader-Manager ပုံစံဖြစ်နေမှပဲ အဆင်ပြေမှာ ဖြစ်ပါတယ်။

Kyaw Nyein(YAU)

References:

https://www.nextgeneration.ie/blog/2018/03/the-difference-between-leadership-and-management

https://www.forbes.com/sites/williamarruda/2016/11/15/9-differences-between-being-a-leader-and-a-manager/