Marketing Ethics ဆိုတာဘာလဲ ... 🧐

ဈေးကွက်ဆိုင်ရာကျင့်ဝတ်ဆိုတာဟာ ဈေးကွက်အတွင်းမှချမှတ်ထားတဲ့ ကျင့်ဝတ်လမ်းစဉ်တွေနဲ့ ဈေးရောင်းဈေးဝယ်ခြင်းနဲ့ သက်ဆိုင်တဲ့စည်းမျဉ်းစည်းကမ်းတွေပဲဖြစ်ပါတယ်။

တစ်ချို့သော ဈေးကွက်ကြော်ငြာတွေနဲ့ အရောင်းမြှင့်တင်ရေးဆိုင်ရာ ကျင့်ဝတ်တွေဟာ မီဒီယာနဲ့ ပြည်သူလူထုရဲ့ဆက်ဆံရေးနဲ့ ထပ်တူညီနေတာပဲဖြစ်ပါတယ်

ဒီကျင့်ဝတ်ဟာ ဘာလို့အရေးပါတာလဲ... ဝယ်ယူသူရဲ့ယုံကြည်မှုကိုရရှိစေပါတယ်။

Marketing Ethnic ရဲ့ ပထမဆုံးနဲ့အရေးပါဆုံးအချက်သာ ကုမ္ပဏီနဲ့ဝယ်ယူသူတွေကြားက ယုံကြည်မှုပဲဖြစ်ပါတယ်။

ကုမ္ပဏီကကြေညာထားသလို မှန်ကန်တဲ့ပစ္စည်း၊ ကောင်းမွန်တဲ့အရည်အသွေးအတိုင်း ဝယ်ယူသူလက်ထဲပို့ဆောင်ပေးဖို့ဟာ ME ရဲ့ ပထမအချက်ပဲဖြစ်ပါတယ်။ ကုမ္ပဏီရဲ့ဝန်ဆောင်မှုနဲ့ ထုတ်ကုန်ပစ္စည်းတွေ မှန်ကန်ဖို့ဟာ လုပ်ငန်းတစ်ခုရဲ့ အရေးကြီးဆုံးအချက်ဖြစ်ပါတယ်

ရေရှည်အကျိုးရလဒ်ရရှိစေပါတယ်

ME ရဲ့အရေးပါမှုဟာ ရေတိုမျှော်မှန်းချက်အတွက်သာမက ရေရှည်ပန်းတိုင်ကိုပါ ဆောင်ကြဉ်းပေးပါတယ်။

ဝယ်သူတွေရဲ့ ယုံကြည်မှုကိုရရှိမယ်၊ ဈေးကွက်မှာအချိန်ကြာကြာရပ်တည်နိုင်လာမယ်။

ဝယ်ယူသူတွေရဲ့ ထပ်ဆင့်ပြန်လည်မျှဝေမှုတွေကိုပါရရှိလာတဲ့အခါ တခြားသောကုမ္ပဏီတွေထက် အမြတ်အစွန်းများများရရှိလာမှာဖြစ်ပါတယ်။

customer တွေရဲ့လိုအပ်ချက်ကို ဖြည့်ဆည်းပေးနိုင်မယ်။

ME ကိုနားလည်သဘောပေါက်လာတဲ့အမျှ နေ့စဉ်လူနေမှုဘဝတွေမှာ customer တွေရဲ့လိုအပ်ချက်တွေကိုသိမြင်လာမှာဖြစ်ပါတယ်။

ဒါတွေကိုဖြည့်ဆည်းပေးခြင်းအားဖြင့် customer တွေရဲ့ယုံကြည်မှုကိုရရှိလာပြီး သူတို့အချင်းချင်းမျှဝေပေးမှုတွေကြောင့် ဈေးကွက်မှာပိုပီးနေရာရလာမှာဖြစ်ပါတယ်။

ငွေကြေးအခြေအနေအဆင်ပြေလာပါမယ်။

ME ကိုလိုက်နာပြီး ဈေးကွက်ချဲ့ထွင်နေကြတဲ့ကုမ္ပဏီတွေဟာ ပြင်ပ customer တွေကိုအဆင်ပြေစေရုံသာမက အတွင်းက ကိုယ့်ရဲ့ဝန်ထမ်းတွေနဲ့ ကုမ္ပဏီလည်ပတ်မှုတွေကိုပါ အထောက်အကူဖြစ်စေပါတယ်။

ဈေးကွက်မှာအောင်မြင်မှုတွေရှိလာတာကြောင့် ဝန်ထမ်းတွေကိုလည်း လစာကောင်းကောင်းပေးနိုင်တဲ့အပြင် ကုမ္ပဏီအတွက်လည်းအမြတ်အစွန်းများများ ရရှိတာကြောင့် နှစ်ဦးနှစ်ဖက် အဆင်ပြေစေပါတယ်။

လက်တွဲလုပ်ကိုင်သူတွေရရှိလာပါတယ်။

ကုမ္ပဏီကအောင်မြင်ပြီး အဆင်ပြေလာနဲ့အမျှ ကုမ္ပဏီနဲ့ချိတ်ဆက်လုပ်ကိုင်လိုတဲ့ ပြင်ပကအရည်အချင်းရှိတဲ့ လုပ်ငန်းကျွမ်းကျင်သူတွေ ပေါ်ပေါက်လာပါတယ်။

ကုမ္ပဏီချင်းစာချုပ်ချုပ်ဆိုတာ၊ ရေရှည်လက်တွဲလုပ်ကိုင်တာတွေဟာ ကုမ္ပဏီရဲ့အောင်မြင်တဲ့လမ်းစတစ်ခုအဖြစ် ပေါ်ပေါက်လာမှာဖြစ်ပါတယ်။

ရည်မှန်းချက်ပန်းတိုင်ကို ရောက်ရှိလာစေပါတယ်။

ကုမ္ပဏီအနေနဲ့ အောင်မြင်ပြီး ဈေးကွက်ကျယ်ပြန့်လာတာနဲ့အမျှ ဒါတွေကိုထိန်းချုပ်နိုင်ဖို့ ကျွမ်းကျင်ပညာရှင်တွေလိုအပ်လာပါတယ်၊ သူတို့တွေကနေတစ်ဆင့် ကုမ္ပဏီရဲ့လိုအပ်ချက်တွေကိုဖာထေးပြီး ပိုမိုကောင်းမွန်တဲ့လမ်းကြောင်းပေါ်ကို တွန်းတင်ပေးနိုင်ပါတယ်။

တိုးတက်ကောင်းမွန်လာတဲ့ထုတ်ကုန် ဝန်ဆောင်မှုတွေဟာ ကုမ္ပဏီအနေနဲ့ မျှော်မှန်းထားတဲ့ ပန်းတိုင်ကိုရောက်ရှိပြီး အောင်မြင်မှုကို ရရှိလာစေမှာဖြစ်ပါတယ်

Marketing Ethnic ကိုနားလည်သဘောပေါက်ပြီး လိုက်နာကျင့်သုံးခြင်းဟာ ကိုယ့်ရဲ့ရေရှည်မျှော်မှန်းချက်တွေကို ပြီးမြောက်အောင်မြင်စေပြီး ဈေးကွက်ရှယ်ယာ၊ ထုတ်ကုန်တန်ဖိုးနဲ့ ပြိုင်ဆိုင်ယှဉ်ပြိုင်မှုတွေမှာ အသာစီးရရှိစေမှာပဲဖြစ်ပါတယ်။

ထာဝရ

Reference - https://www.marketing91.com/importance-of-marketing-ethics/