Why youths should work ? 🤗

အားလုံးပဲ မင်္ဂလာပါ။

Beatrix ကနေ ပြန်လည်ကြိုဆိုပါတယ်။

ပြီးခဲ့တဲ့အပတ်က လူငယ်တွေကို ဘာကြောင့် အလုပ်လုပ်သင့်လဲဆိုတာနဲ့ ပတ်သက်ပြီးမျှဝေပြီးပြီဆိုတော့ ဒီနေ့မှာတော့ လူငယ်တွေနဲ့သင်တော်မယ့် အလုပ်အချို့ကို မျှဝေပေးချင်ပါတယ်

တက္ကသိုလ်ဝင်တန်း ဖြေဆိုပြီးသားလူငယ်တွေ၊ တက္ကသိုလ်တက်နေဆဲ ကျောင်းသားတွေဟာ အလုပ်လုပ်ချိန်ရဖို့၊ အလုပ်တစ်ခုရဖို့ အတွက် မလွယ်ကူလှပါဘူး။

ဒါပေမယ့် မလွယ်ဘူးဆိုပြီး ဒီတိုင်းကြီးအချိန်ကုန်နေတာကလည်း မဖြစ်သင့်ပြန်ပါဘူး။ အဲ့တော့ လူငယ်တွေအတွက် သင့်လျော်မယ့် အလုပ်အချို့ကို မျှဝေပေးလိုက်ပါတယ်။

1. Study Guide

Study guide လို့ပြောရင် အားလုံးပဲရင်းနှီးနေလိမ့်မယ်လို့ မျှော်လင့်ပါတယ်။

စာတွေကူကျက်ပေးတာ၊ သင်ခန်းစာတွေကိုရှင်းပြပေးတာအပြင် မသိတာ နားမလည်တာတွေကိုပါ အနီးကပ် မေးမြန်းဆွေးနွေး လို့ရတာကြောင့် ‌ကျောင်းသားတွေအတွက် တကယ်ကိုအထောက်အပံ့ပေးပါတယ်။

Study guide တစ်ယောက်အဖြစ်လုပ်ကိုင်မယ်ဆိုရင် ကိုယ်ပိုင်နိုင်တဲ့၊ သင်ပြနိုင်တဲ့ ဘာသာတစ်ရပ်တော့အနည်းဆုံးရှိရမှာဖြစ်ပါတယ်။

နောက်ပိုင်းမှာတော့ သင်ရိုးကသင်ခန်းစာတွေသာမက ဘာသာစကားတွေကိုပါ သင်ယူဖို့အတွက် ခေါ်နေတာတွေရှိပါတယ်

2. Freelancer

ဒါကတော့ အချိန်အနည်းငယ်နဲ့ ဝင်ငွေရတဲ့အလုပ်တစ်ခုဖြစ်ပါတယ်။

Freelance အလုပ်မှာဆိုရင် Translator၊ Interprater၊ Content Writer အစရှိသဖြင့် လုပ်ကိုင်နိုင်ပါတယ်။

ဘာသာစကားတစ်ခုခုကိုကျွမ်းကျင်တဲ့သူတွေကတော့ ဘာသာပြန်တာ၊ စကားပြန်တာတွေကို အချိန်ပိုင်းအဖြစ်လုပ်ကိုင်နိုင်ပါတယ်

စာ‌ရေးရတာဝါသနာပါတယ်၊ စိတ်ကူးစိတ်သန်းတွေကောင်းကောင်းရှိတယ်ဆိုရင်တော့ Content Writer အဖြစ် လုပ်လို့ရပါတယ်

3. Part-Time Job

part time လို့ပြောလိုက်ရင် အပေါ်မှာဖော်ပြခဲ့တဲ့အလုပ်တွေလည်း ပါဝင်ပြီးသားဖြစ်ပါတယ်။ ခွဲပြီးဖော်ပြရတဲ့ အကြောင်းရင်းကတော့ အချိန်ကွာဟမှုနဲ့ ကျွမ်းကျင်မှုကြောင့် ဖြစ်ပါတယ်။

Part time လို့ပြောတဲ့အခါမှာ အများအားဖြင့် စနေ တနင်္ဂနွေ (Weekend) တွေမှာလုပ်တာများပါတယ်။ Shift နဲ့ခွဲပြီးနေ့ဆိုင်း ညဆိုင်းလုပ်ကိုင်ရတာတွေလည်းရှိပါတယ်။

City mart counter မှာလုပ်တာ၊ office staff၊ ပွဲအခမ်းအနားတွေအတွက် ကူညီလုပ်ကိုင်တာ စတာတွေကတော့ part time အလုပ်ရဲ့ တစ်စိတ်တစ်ပိုင်းပဲ ဖြစ်ပါတယ်။

နောက်ပိုင်းမှာတော့ online shop တွေကိုလည်း တော်တော်များများလုပ်ကိုင်နေကြတာဖြစ်ပါတယ်။ ကိုယ်ပိုင် page (သို့) account နဲ့ရောင်းတာ၊ handmade လေးတွေကိုင်တိုင်လုပ်ပြီးရောင်းတာတွေဟာ တော်တော်လေးကို ခေတ်စားလာပါတယ်။

ကိုယ်တတ်ထားတဲ့ ပညာရပ်၊ ဘာသာရပ်တွေကိုလည်း online ကနေတစ်ဆင့်သင်ကြားပေးနေကြတာကလည်း အတော်ကိုအဆင်ပြေ ကောင်းမွန်တဲ့လုပ်ငန်းတစ်ခုပါ

လူငယ်ယောကျာ်းလေး တော်တော်များများ ကတော့ ခုချိန်မှာ delivery လုပ်ငန်းကို လုပ်ကိုင်နေကြပါတယ်။ Delivery service တော်တော်များများကလည်း အလုပ်ခေါ်နေကြတာဆိုတော့ စက်ဘီးတစ်စီးရှိရုံနဲ့ လုပ်လို့ရမယ့် အလုပ်တစ်ခုဖြစ်ပါတယ်

အခုဖော်ပြခဲ့တာတွေကတော့ ကိုယ့်ရဲ့ပတ်ဝန်းကျင်မှာရှိတဲ့ လူငယ်တွေနဲ့ သင့်တော်မယ့်အလုပ်အချို့ကို ဝေမျှပေးတာဖြစ်ပါတယ်။

Facebook မှာ အလုပ်ရှာလို့ရတဲ့ page တွေလည်း တော်တော်များများ ရှိတာကြောင့် အဆင်ပြေလိမ့်မယ်လို့မျှော်လင့်ပါတယ်။

ထပ်ပြီး ဝေမျှချင်တာတွေ ရှိရင်လည်း comment မှာ ချန်ခဲ့ပေးလို့ရပါတယ်ရှင်။

ထာဝရ