"International Youth Day" 🥳

ဒီနေ့ ပြောပြပေးသွားမယ့် အကြောင်းအရာကတော့ နိုင်ငံတကာ လူငယ်များနေ့ ပေါ်ပေါက်လာပုံနှင့် ကျင်းပပြုလုပ်ရတဲ့ ရည်ရွယ်ချက်တို့ဘဲ ဖြစ်ပါတယ်။

နိုင်ငံတကာ လူငယ်များနေ့ကို သြဂုတ်လ ၁၂ ရက်နေ့ ရောက်တိုင်း နှစ်စဥ်နှစ်တိုင်း ကျင်းပခဲ့ကြပါတယ်။

"ကျင်းပရတဲ့ ရည်ရွယ်ချက်"

ဒီလိုကျင်းပရတဲ့ ရည်ရွယ်ချက်ကတော့ ကမ္ဘာ့တစ်ဝှမ်းမှာ နေထိုင်ကြတဲ့ လူ့အသိုက်အဝန်းကို ဖွံဖြိုးတိုးတက်အောင် လုပ်ဆောင်နိုင်တဲ့ လူ့ငယ်စွမ်းအားကို ဖော်ထုတ်ဖို့ဘဲ ဖြစ်ပါတယ်။

လူငယ်တွေ သူတို့ရဲ့တိုင်းပြည် အဖွဲ့အစည်း ရပ်ရွာတွေကို တိုးတက်အောင် ပိုမိုဆောင်ရွက် လာကြစေဖို့၊ အကောင်းမြင်စိတ်တွေ တိုးလာစေဖို့ ၊ ကိုယ့်ပတ်ဝန်းကျင်ရှိ လူတွေကို အသိပညာပေးပြီး တိုးတက်အောင် ဝိုင်းဝန်းဆောင်ရွက်ကြဖို့ ၊ ခြုံငုံပြောရရင် လူငယ်တွေ တက်တက်ကြွကြွနဲ့ လူမှုဖွံ့ဖြိုး တိုးတက်ရေးတွေ လုပ်ဆောင်လာကြဖို့ပါ။

"အဲ့နေ့မှာလူငယ်တွေ ဘာတွေဆောင်ရွက်ကြသလဲ။"

လူငယ်တွေဘဲ ယူဆောင်လာနိုင်တဲ့ ကမ္ဘာကြီးအတွက် အကျိုးဖြစ်ထွန်းစေမယ့် အရာတွေ ပိုမိုတိုးပွားလာအောင် ကမ္ဘာတစ်ဝှမ်းက များပြားလှစွာသော activities(လှုပ်ရှားမှုတွေ)၊ပြိုင်ပွဲတွေ ကျင်းပကြပါတယ်။

ပညာရေး ၊ အလုပ်အကိုင် အခွင့်အလမ်း စတာတွေနဲ့ ပတ်သက်တဲ့ လူငယ်ဆွေးနွေးပွဲတွေ ကျင်းပကြပြီး နိုင်ငံတော်တော်များများကလည်း ပူးပေါင်း ပါဝင်ဆောင်ရွက် ကြပါတယ်။

အခြားသော activities တွေဖြစ်တဲ့ ဂီတဖျော်ဖြေပွဲတွေ၊ အားကစားပြိုင်ပွဲတွေ ၊စစ်ရေးကျင်းပခြင်းတွေ၊လူငယ်တွေ တီထွင်ထားတဲ့ Mobile နဲ့ ပတ်

သက်တဲ့ ပြပွဲတွေ ကျင်းပကြပါတယ်။

နိုင်ငံတကာ လူငယ်များနေ့ဟာဆိုရင် public holidayလို ရုံးတွေပိတ် ကျောင်းတွေပိတ်ပေးတဲ့ အားလပ်ရက်မျိုးတော့ မဟုတ်ပါဘူး။

တစ်နှစ်တစ်ခါ မရိုးနိုင်တဲ့ themeတွေ Topic တွေနဲ့ ပွဲတွေကို နှစ်စဥ် ကျင်းပကြတဲ့နေ့လေးပါ။

ကမ္ဘာ့ကုလသမဂ္ဂက အသက် ၁၅နှစ် မှ ၂၄နှစ်အရွယ်များကို လူငယ်တွေ အဖြစ် သတ်မှတ်ထားပါတယ်။ ဖွံဖြိုးဆဲ နိုင်ငံတွေမှာ လူငယ်တွေ အများစုနေထိုင်ကြပြီး အရေအတွက်ကလည်း မျှော်လင့်ထားသလို တိုးတက်လို့လာပါတယ်။

"International Youth Day စတင်ပေါ်ပေါက်လာပုံ"

1991အတွင်း သြစတြေးလျနိုင်ငံရဲ့ အကျော်ကြားဆုံး မြို့တစ်ခုဖြစ်တဲ့ Vienna မှာ လူငယ်တွေဟာ UN's World Youth Forum အတွက် စုဝေးမိကြပြီး လူငယ်တွေ တက်တက်ကြွကြွ ပါဝင်လှုပ်ရှားလာမှုတွေ တိုးပွားလာဖို့ အတွက် International Youth Day ကို သတ်မှတ်ပေးဖို့ အဆိုတင်သွင်းခဲ့ ကြပါတယ်။

Activitiesတွေ ပြိုင်ပွဲတွေ ဆောင်ရွက်နိုင်ဖို့၊ရည်မှန်းချက် ပန်းတိုင်တွေ ပြည့်ဝဖို့အတွက် ရန်ပုံငွေ လိုအပ်တာကြောင့် Forum က နိုင်ငံတကာလူငယ်များနေ့ ကို တရားဝင် သတ်မှတ်ပေးဖို့တောင်းဆိုခဲ့ကြပါတယ်။

1998 မှာ သြဂုတ်လ ၁၂ရက်နေ့ ကို International Youth Dayဆိုပြီး သတ်မှတ်လိုက်ပါတယ်။

1999မှာ ဒီအကြံပြုချက်တွေကို ကမ္ဘာ့ကုလသမဂ္ဂအထွေထွေ ညီလာခံ က တရားဝင် အတည်ပြုပေးလိုက်တဲ့ အတွက် 2000 ခုနှစ်မှာ International Youth Day ကို စတင် ကျင်းပခဲ့ကြပါတယ်။

ယခုအချိန်ထိလည်း ကျင်းပနေကြဆဲဖြစ်ပြီး လူငယ်တွေရဲ့ လှုပ်ရှား ဆောင်ရွက်မှုတွေလည်း ပိုမို များပြားလို့လာပါတယ်။

ကဲ..ဒီလောက်ဆိုရင် International Youth Day ပေါ်ပေါက်လာပုံတွေ ၊ရည်ရွယ်ချက်တွေ ကို ဗဟုသုတအနေ နဲ့ သိရှိသွားပြီလို့ ထင်ပါတယ်။

အားလုံးဘဲ ကျန်းမာရေး ဂရုစိုက်ကြပြီး ပိုက်ဆံတွေ ကိုင်ပြီးတိုင်း လက်ဆေးကြပါနော်။ အပြင်ထွက်တိုင်း Maskတပ်ကြပါနော်။

Written by

#HydraMyo