Introvert အမျိုးအစား(၄)မျိုးနဲ့ Self-care Tips to be Your Own Hero 🤩

မင်္ဂလာပါ။ Beatrixက​နေ ကြိုဆိုပါ​တယ်။

ဒီ​နေ့ မျိုးက introvert အမျိုးအစား​လေးမျိုးအ​ကြောင်းနဲ့ ဘယ်လို ဂရုစိုက်​နေထိုင်သွားရ

မလဲဆိုတာကို ပြောပြ​ပေးသွားပါမှာဘဲ ဖြစ်ပါတယ်။

Introvert​ တွေဟာ လူအများနဲ့ ​ပေါင်းသင်း

ဆက်ဆံရမှာကို မကြိုက်နှစ်သက်သူ​​တွေပါ။

Extrovert​ တွေက​တော့ လူအများနဲ့ ​ပြောဆို ဆက်သွယ်လိုက်ရင်ဖြင့် သူတို့ကို အား

ပြည့်သွား​စေသလို ခံစားကြရသူ​တွေပါ။

ဒါမယ့် လူ​တွေဟာ အ​ကြောင်း​ကြောင်း ​ကြောင့် တစ်ခါတစ်ရံ introvert​တွေ ဖြစ်သွားတတ်ကြပါတယ်။

စိတ်ပညာရှင် Jonathan Cheek ​ရဲ့

ပြောကြားချက်အရ introvert အမျိုးအစား(၄)မျိုးရှိပါတယ်။

ဒါ​ပေမယ့် အဲ့​လေးမျိုးကို တစ်ခုချင်းစီ ခွဲခြားလို့

မရပါဘူး။ တစ်ခု နဲ့ တစ်ခု ချိတ်ဆက်​ နေကြပါတယ်။

သူငယ်ချင်းသာ introvert တစ်​ယောက်ဆိုရင် ကိုယ့်ပုံစံအမှန်ကို လက်ခံနားလည်ပြီး introvert ဖြစ်​နေခြင်းဟာ ကိုယ့်ရဲ့ superpower လို ဖြစ်လာ​အောင် လိုက်​လျောညီ​ထွေစွာ​နေထိုင်သင့်ပါတယ်။

အခု အောက်က တစ်ပုံချင်းဆီမှာ ဆက်ကြည့်လိုက်ကြရအောင်

ပြီးရင် သူငယ်ချင်းရော ဒီintrovert အမျိုးအစားတွေထဲမှာ ပါဝင်လားဆန်းစစ်ကြည့်ပါ။

Introvertဖြစ်တာဟာ အားနည်းချက် မဟုတ်ပါဘူးနော်. သူငယ်ချင်းရဲ့ အစစ်အမှန်ကို လက်ခံပြီး ကိုယ်ကဘယ်လို နေလိုက်ရင် သက်သောင့်သက်သာ ဖြစ်စေလဲဆိုတာကို သေသေချာချာရှာ ဖွေသုံးသပ်ပါ။ လူအများနဲ့ ပြောဆိုဆက်သွယ်ရတဲ့ အခါမှာလည်း မကြောက်ပါနဲ့နော်။ တစ်ခါတစ်လေ စွန့်စားကြည့်ပါ။

မျိုးဆိုလည်း စွန့်စားခဲ့ရတဲ့ အခိုက်အတန့်လေးတွေရှိပါတယ်။

အားလုံးဘဲ သတ္တိခွန်အားအပြည့်ရှိသူတွေ ဖြစ်ကြပါစေ.

Written by

#HydraMyo

 

1. Social Introvert

Social Introvert တွေဟာ မကြာခဏဆိုသလို တလွဲအဓိပ္ပါယ် ကောက်တတ်ကြသူ တွေပါ။ အများအားဖြင့် ရှက်တတ်တယ်၊ တစ်ခုခုလုပ်ဖို့ တွန့်ဆုတ်နေတတ်ကြတယ်။ ဒါပေမယ့် ဒါတွေဟာ အမြဲမမှန်နေပါဘူး။

Social Introvert တွေဟာ တစ်ယောက်ထဲနေရတာကို ခုံမင်တယ်။ပါတီတွေ သွားမယ့်အစား အကောင်းဆုံး သူငယ်ချင်းလို့ ကိုယ် သတ်မှတ်ထားတဲ့သူတွေနဲ့သာ အပြင်သွားလေ့ရှိတယ်။

ဒါမဲ့ သူ့ဘေးမှာ လူတွေအများကြီးရှိနေလည်း ကိစ္စမရှိဘူး။ လူအများကြားလည်း နေနိုင်တယ်။ ဒါပေမယ့် လူသူနဲ့ဝေးရာမှာ နေရတာကိုက သူ့ကိုသက်သောင့်သက်သာဖြစ်စေတာပါ။

Self-care Tips

သင့်ရဲ့သဘာဝကို လက်ခံပါ၊ထိန်းသိမ်းပါ။ လူအများကြားထဲ မဖြစ်မနေ သွားပြီးရင် သင့်အတွက် အားအင်ပြန်ပြည့်လာအောင် တစ်ယောက်ထဲအနားယူဖို့အချိန်ယူပါ။

တခြားသူတွေကို ပျော်အောင်လုပ်ပေးနိုင်ဖို့
သင့်ကိုယ်သင်တွန်းအားအရမ်းမပေးပါနဲ့။

ကိုယ့်မိသားစုနဲ့ ကိုယ့်ရဲ့အရှိအတိုင်းကိုလက်ခံပေးကြတဲ့ သူငယ်ချင်းတွေနဲ့အဆက်အသွယ်မပြတ်နေပါ။

 

2. Thinking Introvert

သင်ဟာ အမြဲအတွေးကမ္ဘာထဲနစ်မြောနေတတ်သူလား။

ဒါဆို သင်ဟာ Thinking Introvert ပါ။ သူတို့လေးတွေဟာ လူများတဲ့ နေရာတွေကို ရှောင်ဖယ်မသွားဘူး။ လူအများကြား နေရလည်း စိတ်မညစ်ဘူး။ အတွေးအာရုံထဲ နေထိုင်သူပီပီ လေထဲ တိုက်အိမ် ဆောက်နေမယ်။ ထီတွေ ပေါက်နေမယ်။ အမြဲ တွေဝေ ငေးမော =နေတတ်ကြတယ်။ ရုပ်ရှင်တစ်ကား ကြည့်အပြီး ဒါမှမဟုတ် စာအုပ် တစ်အုပ်ဖတ်ပြီး သွားတာနဲ့ တွေးပြီလေ။ ကိုယ့်ကိုကိုယ်လည်း ပြန်ဆန်းစစ်နေမိကြပြန်ပါတယ်။

ဒါမယ့် အတွေးထဲဘဲ မနေနေပါနဲ့နော်။ လက်တွေ့ဘဝမှာ မပျောက်ဆုံးနေပါနဲ့။

Self-care Tips

သင့်အတွေးတွေ စိတ်ခံစားချက်တွေကို ပြန်သုံးသပ်ဖို့ အချိန်ထားပါ။

(ဥပမာ-journaling= ကိုယ့်တစ်နေ့တာဖြစ်စဥ် တွေ အတွေးအမြင်တွေကို မှတ်စုထဲ ရေးသားမှတ်သားထားခြင်း)

ကိုယ်ဝါသနာပါရာကို လေ့လာလိုက်စားပါ။
အတွေးသမားဆိုတော့ creative တော်တော်ကောင်းပါတယ်။

သင်နဲ့ကိုက်ညီတဲ့ အလုပ်ကို ရှာဖွေပြီး အားသာချက် ဖြစ်လာအောင် မြှင့်တင်လုပ်ဆောင်ပါ။

အတွေးထဲ အမြဲမနေ,နေဘဲ လက်တွေ့လုပ်ဆောင်လာအောင် သင့်ကိုလှုံ့ဆော်ပေးနိုင်တဲ့ လူမှုဆက်ဆံရေးပတ်ဝန်းကျင်တွေကို တည်ဆောက်ထားပါ။

 

3. Anxious Introvert

Social Introvert နဲ့ယှဥ်ရင် Anxious Introvert က လူတွေကို လုံးဝ ရှောင်ဖယ်တာပါ။ မရင်းနှီးတဲ့သူဆို မျက်လုံးချင်းတောင်မဆုံပါဘူး။

လူအများကြား ရောက်ရင် ကိုးရိုးကားရားနိုင်ပြီး လူတွေ ငါ့ကို ဘယ်လိုမြင်ကြမလဲ ထင်နေကြမလဲ တွေးနေရင်းနဲ့တင် သက်သောင့် သက်သာ မဖြစ်တော့ပါဘူး။

အိမ်ပြန်ရောက်လို့ တစ်ယောက်ထဲ နေရပြန်ရင်လည်း စိုးရိမ်ပူပန်မှုတွေ လျော့မသွားဘဲ ငါဘာအမှားတွေလုပ်ခဲ့မိပြန်ပြီလဲ လို့ ပြန်လည်စဥ်းစားတွေးပူနေကြပြန်ပါတယ်။

Self-care Tips

သင့်ကို စိုးရိမ်မှုတွေ ဖြစ်စေတဲ့ ကိစ္စရပ်တွေကို noteတစ်ခုမှာ မှတ်သားထားပါ။ ပြန်လည်ဆန်းစစ် သုံးသပ်ပါ။ ထို့နောက် ဘယ်လို ရင်ဆိုင်ဖြေရှင်းရမလဲ ဆိုတာကို တွေးတော လုပ်ဆောင်ပါ။

Dietလုပ်ပြီး ကိုယ့်ကိုကိုယ် ယုံကြည်မှု ရှိစေတဲ့
အဝတ်အစားတွေ ဝတ်ပါ။စိတ်လေ့ကျင့်ခန်းတွေလုပ်ဆောင်ပါ။ တရားထိုင်ပါ။

ဒီလိုလူမျိုးတွေဟာ လူအများကြားသွားရတာ သူတို့အတွက်အရမ်းခက်ခဲပါတယ်။
ဒါပေမယ့် လူဆိုတာ လူတွေနဲ့ အမြဲမကင်းနိုင်ပါဘူး။ စွန့်စားကြည့်မယ် ကြိုးစားကြည့််မယ်ဆိုရင်
နေတတ်လာပါလိမ့်မယ်။

မိသားစုနဲ့သူငယ်ချင်းတွေကို ပွင့်ပွင့်လင်းလင်းရှိပြီး ဆရာ၊ဆရာမတွေ၊ စိတ်ကျန်းမာရေးဆရာဝန်တွေ ဆီကနေ အကြံဉာဏ်ရယူပါ။

 

4. Restrained Introvert

သူတို့လက်စွဲကတော့"မပြောခင် အရင်စဥ်းစား"

ဒီ introvert အမျိုးအစား လူသိနည်းတယ်လို့ဆိုပါတယ်။
သူတို့တွေဟာ အိပ်ရာက ထရင်တောင် ဘာတွေဘာတွေ လုပ်မယ်၊ဘယ်သူ့ကို ဘာပြောမယ် စသဖြင့် စဥ်းစားပြီး ထကြတဲ့အခါ တစ်ခါတစ်လေဆို အိပ်ရေးဝသော်ငြားလည်း စိတ်မကြည်ကြပြန်ပါဘူး။

မထင်မှတ်ထားတာတွေ ဖြစ်လာတဲ့အခါ ရှက်ရွံ့သလို ဟန်ဆောင်တတ်ကြပါတယ်။ တကယ်တော့ သူတို့ ဘယ်လို တုံ့ပြန်သင့်သလဲ ဆိုတာကို နည်းအမျိုးမျိုးနဲ့ စဥ်းစားရှာဖွေနေကြတာပါ။

Self-care Tips

မနက်ပိုင်းမှာ စဥ်းစားစီမံဖို့ အချိန်ဖယ်ထားပါ။
ဒါမှသာ ယောက်ယက်ခတ်ရတာတွေ အပူတပြင်း လုပ်ဆောင်ရတာတွေ မရှိဘဲ အဆင်သင့်ဖြစ်နေမှာပါ။

စိတ်ဖိစီးမှုတွေ ပြေပျောက်ဖို့ ကဖိန်းဓါတ်နည်းတဲ့ လက်ဖက်ရည်လေး သောက်ပြီး အေးဆေးအနားယူဖို့ အချိန်ပေးပါ။

ကိုယ့်အတွေးကို ပြောပြရတော့မယ် ဆိုရင်
အရင်ဆုံး ကိုယ်ပြောမယ့် အရာတွေကို ခြုံငုံသုံးသပ်ဖို့ အချိန်ယူပါ။ ကြားမှာ နား,နားပြီးပြောပါ။ အသက်ကိုဝဝရှုသွင်းပါ။

မိသားစု ၊သူငယ်ချင်းတွေနဲ့ ကွဲထွက်ပြီး မနေမိအောင်ကြိုးစားပါ။