Market Segmentation ဆိုတာဘယ်လိုမျိုးလဲ ..❓

 

ဒီနေ့မှာတော့ Beatrix က Marketing Strategy (စျေးကွက်ရောင်းချခြင်း နည်းဗျူဟာ) တွေထဲကတစ်ခုဖြစ်တဲ့ Market Segmentation အကြောင်းကိုပြောပြပေးသွားမှာ ဖြစ်ပါတယ်

ပထမဦးဆုံးအနေနဲ့ Market Segmentation က ဘယ်လိုမျိုးကို ဆိုလိုတာလဲ

Market Segmentation ဆိုတာကရည်ရွယ်ထားတဲ့ စျေးကွက် (Target market) ကို ပိုပြီးအသေးစိတ်တဲ့၊ တိကျတဲ့ အပိုင်းငယ်လေးတွေ ခွဲထုတ်ပြီး မျှော်မှန်းထားတဲ့ စျေးကွက်ရောက်အောင်သွားခြင်းဖြစ်ပါတယ်၊ ဖောက်သည်တွေရဲ့ အလိုရှိမှုတွေ၊ စိတ်ဝင်စားမှုတွေ၊ ဝယ်ယူသူတွေရဲ့ သဘောလက္ခဏာတွေ၊ နေရာဒေသစတဲ့ အချက်တွေပေါ် အခြေခံကာ တူရာတူရာ အပိုင်းငယ်လေးတွေခွဲလိုက်တာကို Market Segmentation လို့ခေါ်ပါတယ်

Market Segmentationက မိမိတို့ရဲ့ထုတ်လုပ်ထားတဲ့ ကုန်ပစ္စည်းတွေ ကိုစျေးကွက်ထဲရောင်းချတဲ့အခါမှာ…

1.Right users

2.Right time

3.Right place ဖြစ်ဖို့ကိုအဓိကရည်ရွယ်ပါတယ်၊

ဒီလိုမှသာ မိမိတို့ရဲ့ကုန်ပစ္စည်းတွေက ရောင်းအားကောင်းပြီးတော့ မိမိတို့လုပ်ငန်း တိုးတက်မယ်မဟုတ်လား။ အဲ့ဒါကြောင့်လည်း segment လို့ခေါ်တဲ့ အပိုင်းငယ်လေးတွေနဲ့ မိမိတို့ရဲ့ စျေးကွက်နည်းဗျူဟာကို ထိရောက်အောင်လုပ်ကြခြင်းပဲဖြစ်ပါတယ်

ဒါဆို Market Segmentationဘယ်နှစ်မျိုးရှိလဲ...

Demographic Segmentation

(ဒေသတစ်ခုရဲ့လူနေမှုစာရင်း ပေါ်မူတည်ခြင်း)

Psychographic Segmentation

(လူတွေရဲ့ စိတ်နေစိတ်ထား ပေါ်မူတည်ခြင်း)

Behavioral Segmentation

(စျေးဝယ်ယူသူတွေရဲ့အလေ့အထတွေ၊သုံးစွဲနိုင်မှုနှုန်း တွေ

ပေါ်မူတည်ခြင်း)

Geographic Segmentation

(နေရာဒေသ ပေါ်မူတည်ခြင်း) ဆိုပြီး Market Segmentation

(၄)မျိုးရှိပါတယ်

အခု Segmentation တစ်မျိုးစီအကြောင်းကို ပြန်ရှင်းပြ

ပေးသွားမှာပဲ ဖြစ်ပါတယ်

Demographic Market Segmentation

Market Segmentation (၄)ခုထဲမှာ Demographic

Segmentationက အခြေခံအကျဆုံးဖြစ်ပါတယ်

ဘာလို့လဲဆိုတော့…

အသက်အရွယ်

ကျား/မ

ဝင်ငွေ

အလုပ်အကိုင်

ပညာအရည်အချင်း

ကိုးကွယ်ယုံကြည်မှု

လူမျိုး စတဲ့အချက်တွေပေါ်မူတည်ပြီး အုပ်စုခွဲထားလို့ပဲဖြစ်ပါတယ်။

နိုင်ငံတစ်နိုင်ငံ၊နေရာဒေသ တစ်ခုမှာရှိတဲ့အပေါ်မှာ ဖော်ပြထားတဲ့ လူနေမှုစာရင်းဇယားတွေက စုစည်းဖို့လည်း လွယ်ကူသလို မိမိတို့ ဘယ်လိုကုန်ပစ္စည်းထုတ်လုပ်ရင် အဆင်ပြေနိုင်မလဲဆိုတာ တွက်ချက်ရတာလည်း လွယ်ကူလို့ပဲ ဖြစ်ပါတယ်

ဒါပေမဲ့ Demographic Market Segmentation က လူတစ်ဦးတစ်ယောက်ချင်းစီအတွက် ရည်ညွှန်းတာမျိုးမဟုတ်ဘဲ အုပ်စုလေးတွေပေါ်မှာ ဦးတည်တာဖြစ်တဲ့အတွက် မိမိတို့ကုန်ပစ္စည်းရောင်းရခြင်း၊ မရောင်းရခြင်းပေါ်မှာ လိုအပ်ချက်တွေရှိနိုင်ပါတယ်

Psychographic Market Segmentation

ဒါကတော့ လူတစ်ဦး တစ်ယောက်ရဲ့

စိတ်နေသဘောထား

ပင်ကိုယ်အရည်အချင်း

လူနေမှုပုံစံ

အတွေးအမြင်

စိတ်ဝင်စားမှု စတဲ့အချက်တွေပေါ်မူတည်ပြီးခွဲထားတာပဲ

ဖြစ်ပါတယ်၊

ဒီအချက်တွေက အသေးစိတ်လည်းကျတဲ့အပြင် အဲ့စာရင်းအချက်အလက်တွေကို စုဆောင်းရတာလည်းမလွယ်ကူပါဘူး ဒါပေမဲ့ အင်တာဗျူးတွေ၊စာရင်းကောက်တာ တွေကနေပြီးတော့ လူတွေဘာကြိုက်တတ်လဲ၊ ဘယ်ဟာမျိုးဆိုမကြိုက်

ဘူးလဲသိနိုင်တာမို့ Market Segmentation မှာ ဒီ Psychographic Market Segmentation ကပိုပြီး ထိရောက်သင့်တော်တယ်လို့ ပြောလို့ရပါတယ်

Behavioral Market Segmentation

တတိယတစ်ခုအနေနဲ့ Behavioral Segmentation ကဝယ်ယူသူတွေရဲ့ အပြုအမူတွေမူတည်တာ ဖြစ်ပါတယ်၊

ဥပမာ စျေးဝယ်သူတွေက ဘယ်လိုမျိုးဝယ်ယူရတာကို

ပိုသဘောကျလာကြလဲ

စတိုးဆိုင် သွားဝယ်ကြတာလား

websiteတွေ appတွေကနေပဲ ဝယ်ယူကြလား စတဲ့အချက်ပေါ်မှာ မူတည်ပြီးခွဲထားခြင်းဖြစ်ပါတယ်

Geographic Market Segmentation

Geographic အနေနဲ့ကတော့ လူတစ်ဦးတစ်ယောက်ချင်းစီကို ဦးတည်ပြီး ခွဲထားတဲ့အပိုင်းဖြစ်ပါတယ်၊ ဘယ်အချက်တွေ ပေါ်အခြေခံပြီး Geographic Market

Segmentation ဖြစ်လာလဲဆိုတာ ကြည့်လိုက်ကြရအောင်…

နေရာဒေသ

မြို့တွင်းလား၊ကျေးလက်လား

ရာသီဥတု

ယဉ်ကျေးမှု

ဘာသာစကား စတဲ့အချက်(၅)ချက်ပေါ်မူတည်တာပဲ ဖြစ်ပါတယ်

ဥပမာဆိုပါစို့ မိမိတို့ကုန်ပစ္စည်းက ဘယ်ရာသီဥတုနဲ့ဆို ပိုသင့်တော်မလဲ၊ ရောင်းချမဲ့ နေရာကကော ဘယ်လိုရာသီဥတု အခြေအနေမျိုးရှိလဲ၊ အဲ့မှာနေတဲ့သူတွေကကော

ဘယ်ဘာသာစကားကိုပြောကြတာလဲ၊ မိမိတို့ကကော အဲ့ဒီအတွက် ဘာတွေပြင်ဆင်ထားဖို့လိုမလဲ ဆိုတာတွေကို မူတည်အပိုင်းခွဲလိုက်ပြီး မိမိတို့ရဲ့မျှော်မှန်းထားတဲ့ စျေးကွက်ရောက်အောင် ကြိုးစားခြင်းဖြစ်ပါတယ်

ကဲဒါဆိုရင်တော့ Market Segmentationအကြောင်းနဲ့ Market Segmentation (၄)မျိုးအကြောင်းကို အကြမ်းဖျင်းသိသွားလောက်ကြပြီလို့ မျှော်လင့်ပါတယ်၊ မိမိတို့လုပ်ငန်းနဲ့ အသင့်တော်ဆုံး Market Segmentation Strategy ကို

သုံးနိုင်ကြပါစေ

ဒီနေ့တော့ ဒီလောက်နဲ့ပဲ Beatrixကနေ နှုတ်ဆက်လိုက်ပါတယ်

Reference link-https://youtu.be/EQ2pgHbvK0A

Written

TTZ