Why photo matter ?

 

ဓာတ်ပုံတွေက ဘာလို့ လူနေမှုဘဝမှာ အရေးပါတာလဲ ..?

သင်ကကောအမှတ်တရတွေကို ဓာတ်ပုံရိုက်ပြီး သိမ်းထား

ရတာ ကြိုက်တဲ့သူတစ်ယောက်လား ... ?

ဒါမှမဟုတ်ဘဲ ဓာတ်ပုံရိုက်နေခြင်းကြောင့် ကိုယ်တစ်ကယ်လက်တွေ့ ခံစားတွေ့ကြုံရမဲ့အရာတွေ လျော့နည်းသွားနိုင်တယ်လို့ ထင်သလား?

ဒါပေမဲ့ ဓာတ်ပုံတွေက မိမိတို့အတွက် အရေးပါတယ်ဆိုတာတော့ ငြင်းလို့ရမယ်မထင်ပါဘူး

ဘာလို့အဲ့လို အရေးပါတာလဲဆိုတာကို ဒီနေ့ Beatrix ကနေ ပြောပြပေးသွားမှာပဲ ဖြစ်ပါတယ်...

1. ဓာတ်ပုံတစ်ပုံချင်းစီမှာ အမှတ်တရ တစ်ခုစီရှိကြပါတယ်။

ဒါကတော့ ကိုယ်ကိုယ်တိုင်လည်းဓာတ်ပုံရိုက်နေတဲ့သူဆို သိကြမှာပါ၊ ဓာတ်ပုံအဟောင်းတွေ ပြန်ကြည့်လိုက်ခြင်းဖြင့် အမှတ်တရတွေကိုပြန်သတိရစေတယ်၊ ကိုယ့်ငယ်ငယ်တုန်းကပုံတွေဆိုလည်း ကိုယ့်မှတ်ဉာဏ်ထဲမှာ မမှတ်မိရင်တောင် ဓာတ်ပုံတွေပြန်ကြည့်လိုက်ရုံနဲ့

“အော် ဒါငါငယ်ငယ်တုန်းကပါလား” စသဖြင့်ပြန်သိနိုင်တယ်ပေါ့။ ဒါတင်မကသေးဘဲ သူငယ်ချင်းတွေကို အကြောင်းအရာတစ်ခုခုပြောပြချင်တယ်ဆိုလည်း ဓာတ်ပုံ

ပြပြီးပြောပြတာက ဒီအတိုင်းရိုးရိုးပြောတာထက် ပိုထိရောက်ပါတယ်။ ကိုယ်မမှီလိုက်တဲ့ သမိုင်းကြောင်းတွေကိုလည်း ဓာတ်ပုံတွေကြည့်ပြီး ပြန်လေ့လာနိုင်ပါတယ်

2. ဓာတ်ပုံရိုက်ခြင်းကလည်း အနုပညာတစ်မျိုးပဲ ဖြစ်ပါတယ်။

ကင်မရာမန်းတွေက ဓာတ်ပုံကောင်းတစ်ပုံ ရဖို့ အလင်းအမှောင်ချိန်ရတာတွေ၊ ရှုထောင့်အမျိုးမျိုးကနေ လှည့်ရိုက်ရတာတွေ၊ ရိုက်ဖို့အချိန်ကောင်းတွေ

(ဥပမာ မနက်၊ညနေစသဖြင့်) ရွေးရတာလည်းရှိတဲ့အတွက် ပုံကောင်း

တစ်ပုံရဖို့ လွယ်ကူတာတော့မဟုတ်ပါဘူး။ ဒါကြောင့်ဓာတ်ပုံ

ရိုက်ခြင်းက သင့်ကိုတွေးတတ်၊မြင်တတ်၊ကြည့်တတ်လာအောင်ပြုလုပ်ပေးတဲ့အပြင် သင့်စိတ်ထဲမှာ ကိန်းအောင်းနေတဲ့ အနုပညာစိတ်ကိုလည်းပေါ်ပေါက်လာစေမှာပါ

3.လူတွေအချင်းချင်းဆက်သွယ်မှုကြားမှာ ဓာတ်ပုံတွေက အဓိကသော့ချက်ပဲဖြစ်ပါတယ်။

ဥပမာ အရင်ခေတ် ဖုန်းတွေ မပေါ်ခင်တုန်းကဆို အဝေးရောက်နေတဲ့ မိဘတွေပဲဖြစ်ဖြစ်၊ သူငယ်ချင်းတွေနဲ့ပဲဖြစ်ဖြစ်စာနဲ့ အဆက်အသွယ်လုပ်ကြတယ်၊ ဓာတ်ပုံလေးတွေ ထည့်ပေးကြတယ်၊ ဒီလိုနဲ့ပဲ အဝေးရောက်နေတဲ့တစ်ဖက်သူ

အဆင်ပြေမပြေသိကြတာမဟုတ်လား။

အခုဆိုလည်းဆိုရှယ်မီဒီယာပေါ်မှာ မိမ်တို့ဓာတ်ပုံတွေတင်ကြတယ်၊ သူငယ်ချင်းတင်ထားတဲ့ ဓာတ်ပုံတွေကြည့်ကြတယ်၊ ဒီလိုနဲ့ပဲမတွေ့တာကြာတာတောင် ခင်မင်ရင်းနှီးမှုတွေလျော့ မသွားအောင် ဓာတ်ပုံတွေကြောင့်ပဲ ဆက်ထိန်းထားနိုင်တာ မဟုတ်လား

4. ဓာတ်ပုံတွေကြောင့် သဘာဝတရားကို ပိုချစ်တတ်လာစေတဲ့အပြင် ကမ္ဘာကြီးရဲ့အလှကို ပိုခံစားတတ်လာစေမှာပါ။

ကိုယ်က နေရာတစ်ခုကိုရောက်တဲ့အချိန်မှာ ရှုခင်းလေးလှလို့ ဓာတ်ပုံရိုက်လိုက်တယ်ဆိုပါစို့။ တစ်ခါတစ်ရံမှာ အဲ့ရှုခင်းက ကိုယ့်လက်တွေ့ မြင်နေရတာထက်ပိုပြီး ဓာတ်ပုံထဲမှာ ပိုလှနေတတ်ပါတယ်။ အဲ့အခါကျ ဓာတ်ပုံကြည့်ရင်း “ဒီနေရာက ဒီလောက်တောင်လှပါလား”ဆိုပြီး အဲ့ရှုခင်းရဲ့

အလှကို ပိုချစ်တတ်၊ခံစားတတ်စေမှာပဲ ဖြစ်ပါတယ်

5.နောက်ဆုံးအချက်ကတော့ ဓာတ်ပုံတွေမှာ အရမ်းထူးခြားတဲ့ စွမ်းအားတစ်ခုရှိပါတယ်။ အဲ့ဒါဘာလို့ထင်ပါသလဲ

ဓာတ်ပုံတွေရဲ့စွမ်းအားကတော့ လူတွေရဲ့ စိတ်ကို လှုံဆော်နိုင်တာပဲဖြစ်ပါတယ်

ကိုယ်တစ်ခါမှမရောက်ဖူးတဲ့နေရာတစ်ခု၊ဒါမှမဟုတ် ကိုယ်လုံးဝမသိတဲ့ နေရာတစ်ခုကို အဲ့နေရာကိုရိုက်ထားတဲ့ ဓာတ်ပုံကြောင့်ပဲ သွားလည်ချင်စိတ်တွေ ဖြစ်လာကြတယ်

ဒီလိုပဲ စားစရာတစ်ခုခုဆိုလည်း ကိုယ့်သူငယ်ချင်းတွေ ဆိုရှယ်မီဒီယာမှာ တင်ထားတဲ့ဓာတ်ပုံကို ကြည့်ရင်းနဲ့တောင် ကိုယ်ကိုယ်တိုင် မြည်းကြည့်ချင်တဲ့စိတ်ဖြစ်လာစေတယ်

နောက်ဆုံးတစ်ချက်ကတော့ မိမိ idolကို အပြင်မှာလုံးဝမတွေ့ဖူးဘဲနဲ့တောင် သူ့ရဲ့ဓာတ်ပုံတွေကြောင့် idol ဆိုပြီးဖြစ်လာတတ်ကြတာ မဟုတ်လား

ဒီအချက်တွေကတော့ ဓာတ်ပုံတွေရဲ့အရေးပါပုံကိုခြုံပြီး ပြောပြထားတာပဲဖြစ်ပါတယ်၊ တစ်ကယ်တမ်း လက်တွေ့မှာတော့ ဓာတ်ပုံတွေက သင့်အပေါ်မှာ အပေါ်ကပြောပြထားတဲ့အချက်တွေထက်ပိုပြီး သက်ရောက်ရင် သက်ရောက်နေပါလိမ့်မယ်

အဲ့ဒါကြောင့်...

သင့်အတွက်ဓာတ်ပုံတွေက ဘယ်လိုအရေးပါလဲ

ဓာတ်ပုံရိုက်နေခြင်းကြောင့် ကိုယ်တစ်ကယ် လက်တွေ့ ခံစားတွေ့ကြုံရမဲ့အရာတွေ လျော့နည်းသွားနိုင်တယ်လို့ ထင်သလား

သင်ကကောဓာတ်ပုံရိုက်တာကြိုက်တဲ့သူတစ်ယောက်လား

ဘာလို့ဓာတ်ပုံရိုက်ရတာကြိုက်တာလဲ စတဲ့မေးခွန်းတွေထဲကကြိုက်တာတစ်ခုခုနဲ့

Comment မှာ အမြင်ချင်းဖလှယ်သွားလို့ရပါတယ်

အားလုံးလည်း ဓာတ်ပုံတွေနဲ့အတူ ပိုမိုလှပတဲ့အမှတ်တရတွေဖန်တီးနိုင်ကြပါစေ

Written by

TTZ