There is always one same thing behind every successful businessman/woman😮

စီးပွားရေးလုပ်ငန်းရှင်တွေဟာ သူတို့ရဲ့ နယ်ပယ် (အလှကုန်ပစ္စည်း၊ စက်ပစ္စည်း၊ စားသောက်ကုန် စသည့်) အသီးသီးမှာ ကွဲပြားခြားနားစွာ အောင်မြင်ကျော်ကြားကြပေမယ့် ​နောက်ကွယ်မှာ​တော့ တူညီတဲ့အရာတစ်ခုဆိုတာ အမြဲရှိပါတယ်။ အဲ့ဒီအရာ​လေးဟာ သေးငယ်ပေမယ့် သူ့ရဲ့အကျိုး​တွေကို သိသူအများစုက​ အချိန်ပေးပြီးတော့ကို လုပ်ကြပါတယ်။ ဒါကတော့ ..

.

.

.

.

.

Meditation တရားထိုင်ခြင်းပဲဖြစ်ပါတယ်။

မိမိတို့ ပတ်ဝန်းကျင်မှာ ကြားဖူးနေကျစကားလုံး ဖြစ်တဲ့အတွက် မထူးဆန်းဘူးလို့ ထင်​လေ့ရှိပါတယ်။ ဒါပေမယ့် အချိန်လေး ခဏလောက် ပေးလိုက်တာနဲ့ မိမိအတွက် အများကြီး အထောက်အကူပြုပါတယ်။

ကဲဒါဆိုရင် ဘယ်လိုနည်း​တွေနဲ့ တရားအားထုတ်နိုင်လဲ ... ?

ဒီမှာ အာလုံးသိသင့်တဲ့ အချက်တစ်ချက် ရှိပါတယ်။ တရားထိုင်ခြင်းဆိုတာ ဗုဒ္ဓဘာသာက​နေ ဆင်းသက်တဲ့ စကားလုံး ဖြစ်ပေမယ့် ဗုဒ္ဓဘာသာဝင်ဖြစ်မှ တရားထိုင်လို့ရတယ်ဆိုတာ မဟုတ်ပါဘူး။ ဒါကြောင့်မလို့ ဘယ်သူမဆို တရားအားထုတ်နိုင်တဲ့ ရိုးရိုးရှင်းရှင်း နည်းလမ်းလေးကို ဒီနေ့ ပြောပြပါမယ်။

1. ဆိတ်ငြိမ်တဲ့နေရာတစ်ခုကို ရှာဖွေပါ။

(ကိုယ့်အခန်းမှာပဲ ဖြစ်ဖြစ်၊ ဘုရားခန်းပဲဖြစ်ဖြစ် ​အေးချမ်းတိတ်ဆိတ်တဲ့​နေရာဆို ပိုသင့်​တော်ပါတယ်)

2. အချိန်ကို သတ်မှတ်ပါ။

(ကိုယ့်စိတ်ကြိုက် ထားလို့ရပါတယ်။ စစချင်းဆိုရင်တော့ တစ်နေ့ကို အနည်းဆုံး ၅ မိနစ်က​နေ ၁၀မိနစ်လောက်ထိ ထိုင်တာ အကောင်းဆုံးပါပဲ)

3. ကိုယ်ကြိုက်တဲ့ ပုံစံ ထိုင်လို့ရပါတယ်။

(ထိုင်ခုံမှာ ထိုင်ပြီးတော့ပဲ ဖြစ်ဖြစ်၊ တင်ပလ္လင်ချိတ်ထိုင်တာပဲ ဖြစ်ဖြစ် ကိုယ့်အတွက်အဆင်​ပြေဆုံးဖြစ်မယ့်ပုံစံနဲ့ အားထုတ်လို့ရပါတယ်)

ပြည့်ကတော့ ဒုတိယတစ်ခုကို ပိုပြီး recommendပေးပါတယ်။

4. ပြီးရင်​တော့ ကိုယ့်ရဲ့ နှာခေါင်းက အသက်ရှုတဲ့ ဝင်လေ၊ ထွက်လေကိုပဲ အာရုံစိုက်ပါ။

5. လူဆိုတာ အတွေးပေါင်း သောင်းခြောက်ထောင်နဲ့ ပြည့်နေတတ်ပါတယ်။ တိတ်ဆိတ်နေတဲ့ အချိန်ဆို ပိုဆိုးပါတယ်။ တစ်ခါတစ်လေ ကိုယ့်စိတ်က အစားအစာဆီကို ဖြစ်ဖြစ်၊ ခြင်ကိုက်တာတို့ ၊ မကြာသေးခင်က ကြည့်ထားတဲဲ့ မင်းသား၊ မင်းသမီးရဲ့ ရိုမန်တစ်ဇာတ်လမ်းလေးကို သတိရသွားတာတို့ ဖြစ်တတ်ပါတယ်။

အဲ့ဒီလိုအချိန်ရောက်ရင် ကိုယ့်အာရုံကို မပြန့်သွားစေဖို့ ဂရုစိုက်ရပါမယ်။

6. အဲ့ဒီလို အာရုံနောက်စရာလေးတွေကြောင့် အာရုံပြန့်သွားရင်လည်း စိတ်တိုတာတို့၊ ဒေါသထွက်တာတို့၊ ကိုယ့်ကိုယ်ကို မကောင်းမြင်တာတို့ မလုပ်ပါနဲ့​နော်။ ကိုယ့်စိတ်ကို တရားမှတ်​နေတဲ့ဆီပဲပြန်​ခေါ်သွားပါ။

7. ကိုယ်ထားထားတဲ့ အချိန်လည်း ပြည့်ပြီဆိုရင် မျက်လုံးလေးကို အသာလေးဖွင့်ပါ။ ပြီးရင် ကိုယ့်ပတ်ဝန်းကျင်မှာရှိတဲ့ အသံလေးတွေကို နားထောင်ပါ ( ခြင်သံ တဝီဝီတော့ မပါဘူးပေါ့ ) ကိုယ့်ခန္ဓာကိုယ် ဘယ်လိုခံစားရလဲ ၊ ကိုယ့်အတွေးတွေ ခံစားချက်လေးတွေကို ဘယ်လိုရှိလဲဆိုတာကို သတိပြုပါ။

တရားထိုင်ခြင်းရဲ့ အကျိုး​ကျေးဇူး​တွေက​ရော ဘာဖြစ်မလဲ .. ?

ကမ္ဘာကျော် Microsoft software ကုမ္ပဏီ ပိုင်ရှင် Bill Gates ကိုယ်တိုင်ကတောင် သူ့ရဲ့ အချိန်စာရင်းမှာ တရားထိုင်ဖို့ အချိန် မိနစ် ၃၀ကို အမြဲဖယ်ထားတယ်လို့ ​ပြောပါတယ်။ သူဟာ တရားထိုင်တဲ့နေရာမှာ ကျွမ်းကျင်တဲ့သူ မဟုတ်ပေမယ့် အချိန်ကို ရသလောက် အားထုတ်ပြီး တရားထိုင်တဲ့အခါမှာ အများကြီး အထောက်အကူ ပြုတယ်လို့ ပြောပါတယ်။ အထူးသဖြင့် ခက်ခဲတဲ့ ဆုံးဖြတ်ချက်တွေ ချတဲ့ အခါပဲ ဖြစ်ဖြစ် ၊ Idea အသစ်အဆန်းတွေ လိုနေပြီဆို အမြဲတမ်း ကူညီပေးတယ် သူ့စိတ်ကို လွယ်လွယ်ကူကူ ထိန်းချုပ်နိုင်တယ်ဆိုပြီး ပြောထားပါတယ် ။

အမေရိကန်နိုင်ငံမှာရှိတဲ့ သုတေသီတွေ ကိုယ်တိုင်ကတောင် အထောက်အကူ အများကြီးပြုတယ်ဆိုတာကို လက်ခံကြပါတယ်။ သူတို့က တရားထိုင်တဲ့သူ နဲ့ မထိုင်တဲ့သူ ယှဥ်တဲ့အခါမှာ ရုပ်ပိုင်းဆိုင်ရာအရရော၊ စိတ်ပိုင်းဆိုင်ရာအရပါ သိသိသာသာကွာခြားနေတယ်ဆိုတာကို တွေ့မြင်ခဲ့ရပါတယ်။

ယခုခေတ်မှာ အရမ်းကို အဖြစ်များတဲ့ရောဂါ ---စိတ်နဲ့ပတ်သက်တဲ့ စိတ်ကျရောဂါ၊ စိုးရိမ်လွန်တဲ့စိတ်၊ စိတ်မနှံ့တဲ့ ရောဂါတွေဟာ တရားထိုင်တဲ့သူတွေမှာ လုံးဝမရှိတာကို အံ့အားသင့်စွာ သိခဲ့ရပါတယ်။

ပြည့်ကိုယ်တိုင်လည်း စိတ်နဲ့ ပတ်သက်တဲ့ စာအုပ်တွေ၊ အာရုံစူးစိုက်မှု ကောင်းအောင် ဘယ်လိုလုပ်ရမလဲဆိုတဲ့ စာအုပ်တွေကို ရှာဖတ်တဲ့အခါမှာ တရားထိုင်ခြင်းနဲ့ပက်သက်ပြီး ဦးစားပေး ရေးသားထားတာတွေကို အများကြီးတွေ့ရပါတယ်။

ဒါကြောင့်မလို့ Stay home ကာလလေးမှာ တရားထိုင်ရင်းနဲ့ ကိုယ့်ရဲ့ အချိန်တွေကို productiveဖြစ်အောင် လုပ်ကြစို့​နော်။

အဲ့ဒီလိုမျိုး အချိန်ပေးပြီး တရားထိုင်တာ ကြာလာတာနဲ့အမျှ ကိုယ်လုပ်ရမယ့် အလုပ်တွေအတွက် Idea အသစ်အဆန်းတွေ ပေါ်လာမှာဖြစ်ပါတယ်။

Stay Safe & Wear masks

Photo credit:

Written by

Stella Pyae