Active listening (နားထောင်သူကောင်းတစ်ယောက်ဖြစ်ဖို့...)

Active listening ကို တိုက်ရိုက်ဘာသာပြန်လိုက်မယ်ဆိုရင် ထိရောက်သော နားထောင်ခြင်းလို့ အဓိပ္ပာယ်ရပါတယ်။ တစ်နည်းအားဖြင့် good listener(နားထောင်သူကောင်း) ကို ဆိုလိုတာပဲဖြစ်ပါတယ်။ တစ်ဖက်သားကပြောတာကို သင်ဘယ်လိုနားထောင်တယ်ဆိုတာက သင့်ရဲ့ လုပ်ငန်းခွင်မှာရော ပေါင်းသင်းဆက်ဆံရေးမှာပါ များစွာ သက်ရောက်မှုရှိစေနိုင်ပါတယ်။ 

Active listening ဆိုတာက ရှိသင့်ရှိထိုက်တဲ့ soft skill တွေထဲကတစ်ခုပါပဲ။ နားထောင်တယ်ဆိုတာက တကယ်တော့ ဝှက်စာဖော်ရသလိုပါပဲ။ သူငယ်ချင်းတစ်ယောက်ယောက် ကိုယ့်ဆီ မျက်နှာမကောင်းဘဲ ရောက်လာပြီဆို အလိုအ​လျောက်သိလိုက်သလို​ပေါ့။ 

နားထောင်သူကောင်းတွေဟာဆိုရင် အမြဲတမ်း တစ်ဖက်က ဘာပြောချင်နေတာလဲဆိုတာကို သူတို့ရဲ့ မျက်နှာအမူအရာတွေ၊ body language တွေကြည့်ပြီး နားလည်အောင် အမြဲကြိုးစားနေကြတယ်။ ဒါပေမယ့် တစ်ခါတလေတော့ "3 Shadows You Don't Know "မဖြစ်ဖို့လို့မယ်နော်။ 

နားထောင်သူကောင်း တစ်ယောက်ဖြစ်အောင် ကိုယ်ကိုယ်တိုင်က ​လေ့ကျင့်ယူဖို့လိုပါတယ်။ ဒါကြောင့် နားထောင်သူကောင်း တစ်ယောက်ဖြစ်ဖို့အတွက် လေ့ကျင့်သင့်တဲ့ နည်းလမ်းလေးတွေကို Beatrix ကနေဖော်ပြသွားပါမယ်နော်။ 

1. Pay Attention (တစ်ဖက်သားကို အာရုံစိုက်ပါ)

နှစ်ဦးနှစ်ဖက်စကားပြောတဲ့အခါမှာ ပြောတဲ့သူကို အာရုံအပြည့်အဝပေးဖို့က အလွန်အရေးကြီးပါတယ်။ ကိုယ့်မိသားစု၊ သူငယ်ချင်းတွေနဲ့ပဲဖြစ်ဖြစ်၊ လုပ်ငန်းခွင်မှာ လုပ်ဖော်ကိုင်ဖက်တွေနဲ့ပဲဖြစ်ဖြစ် စကားပြောတဲ့အခါမှာ သေချာအာရုံစိုက် နားထောင်ပေးခြင်းဟာ တစ်ဖက်သားက ကိုယ့်အပေါ်မှာ ယုံကြည်မှု တိုးပွားစေပါတယ်။ 

2. နား​ထောင်​နေ​ကြောင်း မြင်သာ​အောင်​နေပြပါ။

စကားပြောတဲ့အခါမှာ ကိုယ်ကတစ်ဖက်သားပြောနေတာကို စိတ်ဝင်စားမှုရှိကြောင်း၊ နားထောင်နေကြောင်းကို ဖော်ပြပါ။ ကိုယ်က နားထောင်နေတယ်ဆိုတာကို တစ်ဖက်သူသိဖို့ စကားတွေအများကြီး ပြောစရာမလိုပါဘူး။ ရံဖန်ရံခါ ခေါင်းငြိမ့်ပြတာတွေ၊ မျက်နှာအမူအရာနဲ့ဖော်ပြတာတွေ၊ ကိုယ့်ရဲ့ခန္ဓာကိုယ်အမူအရာလေးတွေနဲ့ ဖော်ပြတာလေးတွေလုပ်ပေးပါ။ 

3. တုံ့ပြန်ချက်လေးတွေပြန်ပေးပါ။

တစ်ဖက်သားပြောသမျှကို ဘာမှပြန်မပြောဘဲ ပါးစပ်ကြီးပိတ်ပြီး နားထောင်နေတာမျိုးတော့ မလုပ်လိုက်ပါနဲ့နော်။ တစ်ဖက်က သူပြောသွားတဲ့အပေါ်ကိုလိုက်ပြီး မေးခွန်းမေးတာလေးတွေ၊ အာမေဋိတ်သံပြုပေးတာလေးတွေကို အလိုက်အထိုက်လေးပြန်ပြောပေးပါ။ 

4. Eye Contact ရှိပါစေ။

နှစ်ဦးတည်းစကားပြောတဲ့အခါမှာ ပြောတဲ့သူရဲ့ မျက်လုံးတည့်တည့်ကို ကြည့်တာက အလွန်အရေးပါတဲ့ အရာပဲဖြစ်ပါတယ်။ ပြောတဲ့သူက အားကြိုးမာန်တက်ပြောနေတဲ့အချိန်မှာ ကိုယ်က အာရုံမစိုက်ဘဲ တောင်ကြည့်မြောက်ကြည့် ကြည့်နေမယ်ဆို တစ်ဖက်သူကို မလေးစားရာရောက်သလို ပြောတဲ့သူအတွက်လည်း အားလျော့စေပါတယ်။ ဒါကြောင့်မလို့ Eye Contact ဟာဆိုရင် Active listener ဖြစ်ဖို့အတွက် အရေးပါတဲ့ အမူအရာပဲဖြစ်ပါတယ်။ 

5. ဝေဖန်မစောပါနဲ့။

တစ်ဖက်သားပြောနေတာကို ဆုံးအောင်နားမထောင်ဘဲနဲ့ ဆန္ဒစောပြီး ဖြတ်ပြောတာတွေ၊ ဝေဖန်တာတွေကို မလုပ်မိပါစေနဲ့နော်။ သူများပြောနေတာကို ကြားဖြတ်ပြောတာက အချိန်ကို သက်သက်မဲ့ ဖြုန်းတီးရာ​ရောက်ပြီးတော့ ပြောချင်တဲ့ အဓိပ္ပာယ်ကို နားမလည်ဘဲ သွေဖယ်သွားတတ်ပါတယ်။ ဒါကြောင့် ကိုယ်ကမေးချင်တာရှိရင် တစ်ဖက်ကပြောတာကို အရင်ဆုံးအောင်နားထောင်ပြီးတော့မှ ကိုယ်ပြောချင်တာကိုပြောပါ။ 

6. တစ်ဖက်သားကို အားပေးစကားဆိုပေးပါ။

နားထောင်ပေးသူကောင်းတစ်ယောက်ဆိုတာက တစ်ဖက်ကသူပြောတာကို လေးလေးနက်နက် နားထောင်ပေးပြီးတော့ ကိုယ်တိုင် ဝေမျှခံစားပေးတတ်တာပဲဖြစ်ပါတယ်။ အဲ့ဒါကြောင့် ကိုယ်က အကြံဉာဏ်ပေးတာပဲဖြစ်ဖြစ်၊ အားပေးစကားဆိုတာပဲဖြစ်ဖြစ် ပွင့်ပွင့်လင်းလင်းနဲ့ အရှိအတိုင်းပြောပေးပါ။ ဒါမှသူနဲ့ကိုယ်ကြားက ဆက်ဆံရေးကို ပိုပြီးကောင်းမွန်လာစေမှာပါ။ 

ဖော်ပြထားတဲ့ အချက်လေးတွေကို ကြည့်ပြီးတော့ သင်ကိုယ်တိုင် နားထောင်သူကောင်းဖြစ်အောင် လေ့ကျင့်ယူလို့ရပါတယ်။ သင်ဟာ နားထောင်သူကောင်း တစ်ယောက်ဖြစ်ပြီလား ဆိုတာကိုလဲ ဒီအချက်လေးတွေကို ကြည့်ပြီး ကိုယ်တိုင် ဆန်းစစ်ကြည့်နော်။ 

သင့်သူငယ်ချင်းတွေထဲမှာ ကိုယ်ရင်ဖွင့်တာကို အမြဲနားထောင်ပေးတဲ့သူရှိရင် mention ခေါပြီး​တော့ ကျေးဇူးတင်ကြောင်းပြောဖို့ မ​မေ့ပါနဲ့။ 

Reference
https://www.mindtools.com/CommSkll/ActiveListening.htm

[https://www.thebalancecareers.com/active-listening-skills...](https://www.mindtools.com/CommSkll/ActiveListening.htm)

Written By,
Grace