Book Review

📣ဟေး  သူငယ်ချင်းတို့ရေ…

တစ်နေ့တစ်နေ့ အိမ်တွင်းအောင်းနေရလို့ စိတ်ညစ်နေပြီလား ...?🧐

ဒီလိုစိတ်ညစ်စရာ အခိုက်အတန့်ကို စာအုပ်လေးတွေဖတ်ပြီး ကျော်ဖြတ်ကြည့်ပါလား သူငယ်ချင်း။📖

ခိုင်ကတော့ Stay Home ကာလ အစတုန်းက စာဖတ်ဖြစ်လိုက်တယ်၊ အခုတော့ သိပ်မဖတ်ဖြစ်ဘူး။

အဲ့ဒီတော့ အားလုံးလည်း စာဖတ်ဖို့ Moti လေးတွေရအောင် ဒီတစ်ခေါက်မှာ ကိုယ်ဖတ်ထားတဲ့ စာအုပ်လေးတွေကို အချင်းချင်း မျှဝေကြရအောင်လေ 🤩

Covidကာလ အစမှာ ခိုင်ဖတ်ဖြစ်ခဲ့တဲ့ အကြိုက်ဆုံးစာအုပ် ကတော့ ဆရာကြီး မောင်ခင်မင် ( ဓနုဖြူ ) ရေးတဲ့ 

“ စိတ်ဓာတ်အမွေခံ ပညာအမွေခံ ’’ဆိုတဲ့ စာအုပ်လေးပါ။📙

ဒီစာအုပ်လေးက ဆရာကြီး ရေးခဲ့တဲ့ ဆောင်းပါးတို အပုဒ် (၂၀ ) ကို ပြန်စုစည်းထုတ်ဝေထားတာပါ။ စာအုပ်ထဲမှာ ပါတဲ့ ဆောင်းပါးတွေက လူငယ်တွေအတွက် အဓိကရည်ရွယ်ထားတာပါတယ်🙋‍🙋‍♀️

ဒါပေမဲ့ တက်ကျမ်း လို စာအုပ်မျိုး မဟုတ်ဘဲ 

🔹ပညာ နဲ့ ပညာတတ်ဘဝ ကို တန်ဖိုးထားတတ်ဖို့၊ 

🔹ကိုယ့်စွမ်းကိုယ့်စ ထုတ်ဖို့၊ 

🔹ကိုယ်ကျင့်တရားထိန်းသိမ်းဖို့၊

စတဲ့ နှလုံးသားလှစေတဲ့ ဆောင်းပါးမျိုးတွေ ဖြစ်ပါတယ်။ ဆရာကြီးရဲ့ ဒီစာအုပ်လေးက ဖတ်ရတာ ပေါ့ပါးပြီး နည်းယူမှတ်သားစရာတွေ လည်းများပါတယ်။

✴️အထူးသဖြင့် ခိုင်တို့သတိမထားမိဘဲ လုပ်နေမိတဲ့အမှားလေးတွေကို ဆရာကြီးက ဒီစာအုပ်လေးထဲမှာ ထောက်ပြပေးထားပါတယ်။

အခု ဒီဆောင်းပါး အပုဒ် ( ၂၀ ) ထဲက ခိုင်အနှစ်သက်ဆုံး ဆောင်းပါးတစ်ပုဒ်ကို ဆက်ပြောပြပါ့မယ်။💌

ဆောင်းပါး အမည် ကတော့ 

“ တံခါးနှစ်ပေါက် နဲ့ နှလုံးသားရိုင်းပျမှု ’’ ပါတဲ့ ။ 📙

♦️ဒီဆောင်းပါးလေးကို ခိုင်ဘာလို့ နှစ်သက်လဲဆိုတော့ …

ဆရာကြီးက ခိုင်တို့လူတွေမှာ ပြင်ပအာရုံဝင်ရောက်ရာ တံခါးနှစ်ပေါက်ရှိပါတယ်တဲ့။ ဦးနှောက်တံခါးနဲ့နှလုံးသားတံခါးပေါ့ ။ အားလုံးလည်းသိကြတဲ့အတိုင်း  ခေတ်ရေစီးကြောင်းကို အမှီလိုက်ကြရတဲ့အခါ ခိုင်တို့ က ဦးနှောက်တံခါးကို အကျယ်ဆုံးဖွင့်ထားတတ်ကြတယ်။

⚠️နှလုံးသားတံခါးကိုကျတော့ ဖွင့်ထားဖို့ မေ့နေတတ်ကြတယ်။ 

နှလုံးသားတံခါး ကို ဖွင့်ထားတတ်ဖို့က ...

✴️ရသစာပေ ဆိုတဲ့ စေတနာနှိုးစာပေ တွေကို ခံစားတတ်ဖို့လိုပါတယ်။

💠လူတစ်ယောက်မှာ ရှိသင့်ရှိထိုက်တဲ့ စေတနာကောင်းတွေ နိုးကြားလာမှ နှလုံးသားဖွံ့ဖြိုးယဉ်ကျေးလာမှာပါ၊

စေတနာကောင်းတွေမရှိတဲ့အခါတော့ နှလုံးသားတွေ ရိုင်းပျလာမှာပါ။

⬆️⬆️ဒီအပေါ်ကစာကြောင်းလေးက ခိုင့်ရင်ထဲအထိဆုံးစာကြောင်းလေးပါ💟

✅လူငယ်တစ်ယောက်အနေနဲ့ ဦးနှောက်တံခါးနဲ့နှလုံးသားတံခါး ကို ဟန်ချက်ညီညီ ဖွင့်ထားတတ်ဖို့အရေးကြီးပါတယ်။

 ဦးနှောက်တံခါး ကို ပိတ်ထားမိရင်တော့ “လူအ’’ တွေဖြစ်လာမှာ ဖြစ်ပြီး နှလုံးသားတံခါး ပိတ်ထားမိရင်တော့ “လူရိုင်း’’ တွေ ဖြစ်လာမှာမလို့ အနာဂတ်လူငယ်တွေ အနေနဲ့ တံခါးနှစ်ပေါက် ကို ဟန်ချက်ညီညီဖွင့်ထားပြီး ဦးနှောက်ရော နှလုံးသား ပါဖွံ့ဖြိုးအောင် လေ့ကျင့်ရပါမယ် ✅

ဒီ စာအုပ်လေးဖတ်ပြီး ခိုင်တွေးမိတာက လူမှုအဖွဲ့အစည်းမှာ တကယ် လိုအပ်နေတာ 

ကိုယ်ကျင့်တရားကောင်းမွန်ဖို့ပါ။

〰️〰️〰️〰️〰️〰️〰️〰️〰️〰️〰️

♦️အဲ့တာကြောင့် IQ မြင့်ဖို့ထက် EQ မြင့်ဖို့ က ပိုအရေးကြီးတယ် လို့ သတ်မှတ်ကြတာပါ ။ 

သူငယ်ချင်းတို့ လည်း ဆရာကြီးရဲ့ ဒီ စာအုပ်လေးထဲက ဆောင်းပါးတွေ ကို ဖတ်ချင်ရင်📙

➡️ရာပြည့်စာအုပ်တိုက် မှာ ဝယ်ယူနိုင်ပါတယ်။

➡️တစ်အုပ် ၁၀၀၀ ကျပ် ပါ။

လူငယ် တွေ နှလုံးသားလှ ဖို့ ဖတ်သင့်တဲ့ စာအုပ်ကောင်းလေးတစ်အုပ် ဖြစ်ပါတယ်👱‍♂️👩

ကဲ….ဒါဆို သူငယ်ချင်းတို့လည်း သူငယ်ချင်းတို့ နှစ်သက်တဲ့ စာအုပ်လေးတွေကို အားလုံးသိအောင် မျှဝေပေးခဲ့ဦးနော်👀

Written by 

ခိုင်