“Content Writing နှင့် Copy Writingကအတူတူပဲလား❓❓”

 “Content Writing နှင့် Copy Writingကအတူတူပဲလား❓❓”

တကယ်တမ်းကတော့ လုံးဝ မတူပါဘူးနော်...🙅🏻‍♀️

 

Stellaလည်း အစက အဲ့ဒီနှစ်ခုကို ရောနေတာပါ။ အဲ့ဒါကြောင့်မလို့ဘာတွေက မတူဘူးလဲဆိုတာကို ကွဲကွဲပြားပြားသိချင်ရင် ဆက်သာဖတ်လိုက်တော့နော်။😉

 

✏️Content Writingဆိုတာက စာတစ်ပုဒ်ကို ကောင်းကောင်းဖန်တီးတတ်တဲ့ အနုပညာကို ခေါ်ပါတယ်။

 

➡️စာရေးခြင်းဖြင့် စာဖတ်တဲ့ ပရိသတ်တွေကို  အချက်အလက်တွေ၊ အတွေ့အကြုံတွေ မျှဝေပေးမယ်။

 

➡️Content Writerတစ်ယောက်ရဲ့ Contentကို

ဖတ်လိုက်တဲ့သူတိုင်းကို ပျော်ရွှင်စေချင်တယ်။ ရင်ထဲ ပေါ့ပါးသွားစေမယ်။

 

➡️ကိုယ့်ရဲ့ အသက်မွေးဝမ်းကြောင်း အတွက်ပဲဖြစ်ဖြစ်၊ ကိုယ့်ရဲ့ စိတ်ပိုင်းဆိုင်ရာအတွက်ပဲဖြစ်ဖြစ် တိုးတက်စေအောင် ရည်ရွယ်ချက်နဲ့ ရေးသားခြင်းဖြစ်တယ်။

 

ဥပမာ...

 ✔️လူငယ်တွေ အဖြစ်များနေတဲ့

စိတ်ဓာတ်ကျတတ်တဲ့ရောဂါကို ဘယ်လို​ဖြေရှင်းရမလဲ🧐

 

✔️သူငယ်ချင်းအစစ်အမှန်ဆိုတာ ဘယ်လိုမျိုးလဲ 👩‍❤️‍👩

 

✔️မိန်းကလေးတိုင်း မိန်းကလေးတိုင်းမှာ သူမရဲ့ ပင်ကိုယ်အလှဆိုတာ ရှိတာကို အသိပေးတာတွေ (ယောကျာ်းလေးတွေလည်း အဲ့ဒီအတိုင်းပါပဲ🙄)

   

✔️interview ဖြေရင်ဆောင်ရန်၊ ရှောင်ရန် အချက်တွေကို sharing လုပ်ပေးတာတွေ စသဖြင့်တွေကို စာဖတ်ပရိသတ်ကြီးတို့ရဲ့ ရင်ထဲမှာ တစ်ခုခု ကျန်သွားအောင် ရေးသားနိုင်တဲ့ အရေးအသားကို ပြောတာဖြစ်တယ်။ အချိန်ပေးပြီး ဖတ်လိုက်ရတဲ့ စာဖတ်ပရိသတ်တို့အတွက် အကျိုးရှိစေတဲ့ အရေးအသားမျိုးဖြစ်တယ်။🤗

 

သိသိသာသာ ပြောရရင် Stella တို့ရဲ့ Beatrix လို အဖွဲ့အစည်းတွေ၊ Blog postsတွေ( Chan Mya Mya Thaw ဆရာမလို ပို့စ်တွေ)၊ podcast တွေ  ၊ Movie review စတဲ့ဟာတွေဟာ content writing တွေဖြစ်ကြပါတယ်။💁‍♀️

 

↪️ Copy Writing ဆိုတာက လူတွေကို ပစ္စည်းဝယ်ချင်လာအောင် ရေးသားတတ်ခြင်း၊ ပစ္စည်းတစ်ခုခုရဲ့ အရည်သွေးကို သဘောကျနှစ်သက်လာအောင် ရေးသားတတ်ခြင်း( စျေးရောင်းတတ်ခြင်း) အနုပညာကို ခေါ်တာ ဖြစ်တယ်။

 

ဥပမာ...

✔️ဒီ makeupလေးကို သုံးလိုက်ရင် မျက်နှာလေးက ညက်ညက်လေးနဲ့ ကြည့်လို့ကောင်းနေမှာနော်။👀

 

 ✔️သဘာဝအလျောက် ရှက်သွေးဖြာနေတဲ့ မျက်နှာလေးကို ပိုင်ဆိုင်ချင်ရင် ဒီ Blushလေးကို ဝယ်လိုက်တော့နော်။ ကိုယ်ချစ်ရတဲ့ သူငယ်ချင်းနဲ့ ဆင်တူလေး ဝယ်ချင်ရင်လည်း တစ်စျေးလုပ်ပေးထားတယ်နော်။☺️

   

✔️အစပ်တွေစားလို့ ဝက်ခြံတွေ အဖုတွေ ထွက်နေပြီလား ဒါဆို ဒီ Brand….လေး သုံးလိုက်ရင် တစ်ပတ်အတွင်း ပျောက်သွားလိမ့်မယ်နော်😉

 

✔️ဒီနှုတ်ခမ်းနီလေးက Matte typeဆိုပေမယ့်လည်း ရေဓာတ်ကို ပြန်ဖြည့်ပေးတဲ့ အစွမ်းလေးလည်း ပါတယ်နော်။ ဒါဆို နှုတ်ခမ်းခြောက်မှာကို စိုးရိမ်စရာမလိုတော့ဘူး💄 ... စသဖြင့် customerတို့ကို ဝယ်ချင်လာအောင် ဆွဲဆောင်တတ်တဲ့ အရေးအသားမျိုး ဖြစ်တယ်။ ​

 

ကြော်ငြာတွေရဲ့ နောက်ဆုံးမှာဆိုရင် ဖုန်းနံပါတ်လေးတွေ ထည့်တာ သတိထားမိကြမှာပါ။ အဲ့ဒါကို Call to Action( CTA) လို့ ခေါ်တယ်။

 

‼️အဲ့ဒါက Copy Writing မှာ အရေးကြီးဆုံးပဲ။

 

Customerတွေလည်း ဒီပစ္စည်းကို သုံးလိုက်ရင် အကျိုးရှိစေသလို brandတွေရဲ့ ပိုင်ရှင်တွေရော နှစ်ဦးနှစ်ဖက် အကျိုးရှိစေတဲ့ အရေးအသားမျိုးဖြစ်တယ်။🔄

 

နောက်ပြီး Stellaတို့ရဲ့ Accထဲက Friတချို့ရဲ့ စျေးဗန်းခင်းတာကိုလည်း မြင်ဖူးမှာပါ။ ဒါမှမဟုတ် ပရိသတ်ကြီးတို့ ကိုယ်တိုင်လည်း ခင်းဖူးကြမှာပါ။😝

 

ဥပမာ I am single, FA ဘဝကိုပဲ နှစ်သက်တာတို့...

မိုးတွေရွာတိုင်း မင်းကို သတိရတယ်တို့...

Do u love me ဆိုပြီး ပုံချောချောလေးတွေ တင်ပြီး စျေးဗန်းခင်းတာမျိုး စတာတွေကို copy writingလို့ ခေါ်တယ်။

 

တချို့ကျတော့လည်း Copy Writing အရေးအသားတွေ ကောင်းလွန်းလို့လားမသိ ရောင်းထွက်သွားတာမျိုးတွေ ရှိတယ်( လူကိုယ်တိုင်)🤣

 

▶️Ads၊ Slogans၊ SEO content၊ Email Campaigns၊ Billboards၊ Social Media စတာတွေက Copy Writing အမျိုးအစားတွေ ဖြစ်ပါတယ်။

 

ဒါဆို စာဖတ်ပရိသတ်တို့လည်း Stellaရဲ့ အပေါ်မှာပြောပြထားတာတွေကို

သေချာဖတ်ပြီးပြီဆိုရင် Content writingနဲ့ Copy writing ဘာတွေကွာလဲဆိုတာ ရှင်းရှင်းလင်းလင်း သိသွားလောက်ပြီ လို့ထင်ပါတယ်။

 

Bonus Tip⚡ အနေနဲ့ companyတွေက အလုပ်ခေါ်တဲ့အခါမှာလည်း Content နဲ့ Copy Writer ဆိုပြီး နှစ်မျိုးခွဲခေါ်တာတွေ ရှိတယ်။ အဲ့ဒီအခါမှာ ကိုယ်က သေသေချာချာ သိအောင်လုပ်ထားပြီးတော့ ဘာကို လုပ်ချင်တာလဲ ကိုယ်က ဘာကို ဝါသနာပါလဲဆိုတာကို ဆုံးဖြတ်ပြီးတော့ လျှောက်သင့်တယ်လို့ အကြံပေးလိုက်ပါတယ်။💞

 

Written by

# Stella Pyae

 

Ref: https://blog.quiet.ly/community/copywriting-vs-content-writing/