MARKETINGနဲ့ADVERTISING ဘာကွာသလဲ🤔

 

MARKETING နဲ့ ADVERTISING ဘာကွာသလဲ🤔

Beatrix ရဲ့ followers တွေအတွက်အခု post မှာတော့ ယ​နေ့ခေတ်မှာ နာမည်ကြီးနေတဲ့ Marketing ဆိုတဲ့ စကားလုံးနဲ့ ကြော်ငြာခြင်းဆိုတဲ့ Advertising တို့နှစ်ခုကြားက ကွာခြားချက် တွေကိုဖော်ပြပေးသွားမှာ ဖြစ်ပါတယ်။ 🙋🏻‍♂️

ခေတ်ကာလတိုးတက်ပြောင်းလဲလာတာနဲ့ အမျှ စီးပွားရေးသမားတွေ၊ လုပ်ငန်းရှင် တွေဟာ လုပ်ငန်းတိုးချဲ့တဲ့နေရာမှာ Marketing နည်းဗျူဟာတွေ၊ Advertising နည်းဗျူဟာတွေကို သုံးလေ့ရှိ ကြပါတယ်။ 

ဒီတော့ သူတို့နှစ်ခုရဲ့ ကွာခြားချက်တွေကို မပြောခင်မှာ တစ်ခုချင်းစီရဲ့ အဓိပ္ပါယ် ဖွင့်ပြရမယ်ဆိုရင် ....

🗣Advertising - သင့်ဆီမှာဒီပစ္စည်းတွေ ရှိတယ်ဆိုတဲ့ အကြောင်း လူအများ သိအောင်ကြော်ငြာခြင်း။

🗣Marketing - Customer တွေရဲ့ လိုအပ်ချက်တွေနဲ့ ကိုက်ညီအောင်ပစ္စည်းကို ထုတ်ခြင်း၊ ရောင်းခြင်း။

ဒီတော့ Marketing နဲ့ Advertising ကြားက ကွာခြားချက် တွေကိုမပြောခင်မှာ Media (3) ခုအကြောင်း ပြောချင်ပါတယ်။

Paid Media

ဒီ media ကို ကုမ္ပဏီတွေကပိုက်ဆံပေးပြီး သူတို့ ပစ္စည်းတွေကို နည်းမျိုးစုံနဲ့ market လုပ်ခိုင်းမယ်။ ကြော်ငြာတွေ၊ ဆိုင်းဘုတ်တွေ အစရှိသဖြင့် အကုန် စီစဥ်ပေးတာမျိုးကို ဆိုလိုပါတယ်။

Owned Media

ဒါကတော့ ကုမ္ပဏီတွေကိုယ်တိုင်ပိုင်တဲ့ channel တွေကိုသုံးပြီးလုပ်တဲ့ marketing media ဖြစ်ပါတယ်။ ဥပမာ ကုမ္ပဏီရဲ့ website တွေ၊ blog တွေအစရှိတာတွေနဲ့ ကြော်ငြာတဲ့ပုံစံဖြစ်ပါတယ်။

Earned Media

ဒီ Media မှာဆိုရင် အပြင်ပတ်ဝန်းကျင်က အထောက်အကူနဲ့  ကိုယ့်ပစ္စည်း promote တာပဲ ဖြစ်ပါတယ်။ ဥပမာ မင်းသား၊ မင်းသမီး တွေ ငှားတာမျိုးကိုဆိုလိုပါတယ်။

💁🏻‍♂️အဲ့ဒီတော့ Advertising ဆိုတာ

ဒီ media သုံးခုနဲ့ယှဥ်ပြောရမယ်ဆိုရင် Paid Media တစ်ခုနဲ့ပဲအလုပ်လုပ်ပါတယ်။ Marketing Strategy တစ်ခုအောင်မြင်ဖို့ဆိုတာကတော့ ဒီ media သုံးခုလုံးကိုဖြတ်ကျော် ရပါတယ်။🎥

တကယ်တော့ Advertising ဟာ Marketing လုပ်ခြင်း တစ်စိတ်တစ်ပိုင်းပဲ ဖြစ်ပါတယ်။ 🧐

အရှင်းဆုံး ပြောရမယ်ဆိုရင် စျေးကွက်တစ်ခုအတွက် ဒီပစ္စည်းကို စားသုံးသူတွေရဲ့လိုအပ်ချက်အရ ဖန်တီးပေးတာက Marketing ဖြစ်ပြီး အဲ့ ပစ္စည်းကို လူအများသိအောင်လုပ်တာက Advertising ဖြစ်ပါတယ်။ 

💁🏻‍♂️Marketing ဆိုတာကတော့

အရင်လေ့လာမှုတွေ ပြုလုပ်တယ်။ Customer တွေလိုအပ်နေတဲ့ အရာက A လိုပစ္စည်းမျိုးဆိုရင် A အပြင် A+ ဆိုတဲ့ + တစ်လုံးပါရင် ပိုလိုချင်ကြမယ်။ ပိုအသုံးဝင်ကြောင်းပြသနိုင်ရမယ်။ 📦

Advertising ကဒီ A+ ဆိုတဲ့ ပစ္စည်းမှာ ပါတဲ့ အရည်အသွေးတွေဘယ်လောက် ပြည့်ဝကြောင်း၊ ဘယ်လောက်တန်ကြောင်း လူသိရှင်ကြား သိအောင်လုပ်မယ်ဆိုတာပဲ ရှိတာပါ။👥

Marketing မှာအဆင့်တွေအများကြီး ရှိပါတယ်။ စနစ်တကျ plan ဆွဲမယ်၊ အဲ့ဒီ့အတိုင်းလိုက်လုပ်မယ်၊ plan အောင်မြင်ဖို့ အတွက် လုပ်သင့်လုပ်ထိုက်တဲ့ activity တွေ၊ campaign တွေကို လုပ်ဆောင်ကြမယ်။ 

ဒါမှဝယ်သူနဲ့ရောင်းသူကိုချိတ်ဆက်ပေးနိုင်ပြီး အဖက်ဖက်က အကျိုးရလဒ်တွေ ရရှိအောင်လုပ်ဆောင်  ပေးနိုင်မှာ ဖြစ်ပါတယ်။ 🤝

Marketing process ကို Pie Chart တစ်ခုလို့ သတ်မှတ်မယ်ဆိုရင် 

စျေးကွက်အခြေအနေလေ့လာမှု (Market Research), ရောင်းချမှုနည်းဗျူဟာ (Sales Strategy), စားသုံးသူအားပေးသည့် ဝန်ဆောင်မှု (Customer Relations or Service) စတဲ့ အပိုင်းလေးတွေနဲ့ အတူ Advertising ဆိုတဲ့ ကြော်ငြာခြင်းကပါ ပါဝင်လာမှာဖြစ်ပါ တယ်။📊

ဒီလောက်ဆိုရင် Marketing နဲ့ Advertising နှစ်ခုတို့ရဲ့ ကွာခြားချက်ကို ကွက်ကွက်ကွင်းကွင်း သိမြင်နားလည် လိမ့်မယ်လို့မျှော်လင့်ပါတယ်။ 🤩

နောက်လည်းဒီလိုဗဟုသုတရစေမယ့် post တွေတင်ပေးသွားမှာမို့ ဖတ်ရှုပေးကြပါဦးနော်။🐝

Reference: https://www.thebalancesmb.com/marketing-vs-advertising...

Written by

အလှလေး