TYPES OF WORKPLACE CULTURE🤝

 

Types of Workplace Culture🤝

အောင်မြင်တဲ့လုပ်ငန်းတစ်ခုဖြစ်ဖို့အတွက် လုပ်ငန်းခွင်တွင်းမှာ လုပ်ဖော်ဆောင်ဖက်အကြား လူမှုဆက်ဆံရေးကောင်းဖို့က အလွန်အရေးကြီးပါတယ်။ လုပ်ငန်းခွင်ဟာဆိုရင် အနယ်နယ် အရပ်ရပ်က ယဉ်ကျေးမှု၊ ဓလေ့ထုံးတမ်း မတူညီတဲ့သူတွေနဲ့ ဖွဲ့စည်းထားတဲ့နေရာပဲဖြစ်ပါတယ်။ 👭👫

လုပ်ငန်းတစ်ခုမှာ ပါဝင်တဲ့သူအားလုံးဟာဆိုရင် တူညီတဲ့ ပန်းတိုင်တစ်ခုကို ရောက်အောင် အတူတကွ လုပ်ဆောင်နေကြတာပဲဖြစ်ပါတယ်။ မတူညီတဲ့ သူတွေနဲ့ ဖွဲ့စည်းထားတဲ့အတွက် တစ်ယောက်နဲ့ တစ်ယောက်စီကလာတဲ့ အတွေးအခေါ်တွေ၊ အကြံဉာဏ်တွေဟာလည်း မတူညီနိုင်ပါဘူး။👥

ဒါကြောင့်မလို့ ကိုယ့်ရဲ့ လုပ်ငန်းခွင် ပတ်ဝန်းကျင်မှာ လိုက်လျောညီထွေဖြစ်အောင်၊ လုပ်ဖော်ကိုင်ဖက် အချင်းချင်း သဟဇာတ ဖြစ်အောင်နေဖို့က အရမ်းအရေးကြီးပါတယ်။

Culture ဟာဆိုရင် လုပ်ငန်းတစ်ခုရဲ့ ရှုထောင့်ပေါင်းစုံကနေ အရေးပါပြီးတော့ အောင်မြင်မှုအပေါ် များစွာ သက်ရောက်မှုရှိပါတယ်။ လုပ်ငန်းရဲ့ culture ဟာဆိုရင် management လို့ခေါ်တဲ့ စီမံခန့်ခွဲမှုပေါ်မှာ အရင်းခံပါတယ်။ 

ဒီတစ်ခါမှာဆိုရင်တော့ လုပ်ငန်းတွေမှာ culture များစွာရှိတဲ့အထဲကမှ ထိရောက်တဲ့ workplace culture အချို့ကိုဖော်ပြလိုက်ပါတယ်။💁🏻‍♀️

▪️Culture of Innovation ⚙️🔧

ဘိုးစဉ်ဘောင်ဆက် ကျင့်သုံးလာတဲ့ သမာရိုးကျ နည်းလမ်းတွေကို အသုံးပြုမယ့်အစား ဆန်းသစ်တဲ့ အကြံဉာဏ်တွေကို အကောင်အထည်ဖော် ဆောင်ရွက်ချင်တဲ့သူဆိုရင် သင်ဟာ တီထွင်ဖန်တီးချင်သူတစ်ယောက်ပဲဖြစ်ပါတယ်။

ဒီ culture ဟာဆိုရင် မလုပ်ဖူးသေးတာကို လုပ်ရတဲ့အတွက် စိတ်လှုပ်ရှားဖို့ကောင်းသလို ကြုံလာရမယ့် အခက်အခဲတွေ အတွက်လည်း ရင်ဆိုင်နိုင်စွမ်း ရှိဖို့လိုပါတယ်။👍🏽

တစ်ခုခုကို တီထွင်ဖို့အတွက်ဆို survey တွေကောက်ရမယ်၊ လုပ်ဖော်ကိုင်ဖက်တွေနဲ့ brainstorm လုပ်ပြီး အကြံပြုချက်တွေ၊ လိုအပ်ချက်တွေကို အတူတကွ ဆွေးနွေးလုပ်ဆောင်ရတဲ့အတွက် ကိုယ့်ရဲ့ လုပ်ငန်းခွင်ဟာဆိုရင် စည်းလုံးညီညွတ်ပြီး အားကောင်းတဲ့ ပတ်ဝန်းကျင်ဖြစ်လာမှာ အမှန်ပါပဲ။👩🏻‍💻

▪️Culture of Transparency 👥

ပွင့်လင်းမြင်သာမှုဟာဆိုရင် အဖွဲ့အစည်းရဲ့ ဘယ်အဆင့်မှာမဆို ယုံကြည်မှုကို တည်ဆောက်တဲ့နည်းပဲဖြစ်ပါတယ်။ လုပ်ငန်းတစ်ခုအောင်မြင်အောင်လုပ်တဲ့အခါမှာ "Trust" ဆိုတဲ့ ယုံကြည်မှုဟာ အခရာပဲဖြစ်ပါတယ်။

သင်က လုပ်ငန်းရှင်ဖြစ်မယ်ဆိုရင် သင့်ရဲ့ ဝန်ထမ်းတွေကို ယုံကြည်မှ သူတို့ကလည်း ကိုယ့်ကိုယ်ကို ယုံကြည်မှုရှိပြီး လုပ်ငန်းကိုကောင်းမွန်အောင် လုပ်ဆောင်နိုင်မှာပါ။ အရေးကြီးတဲ့ ဆုံးဖြတ်ချက်ချရတဲ့ကိစ္စမျိုးတွေမှာဆိုရင် ကိုယ်တိုင်တစ်ဦးတည်း ဆုံးဖြတ်တာမျိုးမလုပ်ဘဲနဲ့ လုပ်ဖော်ဆောင်ဖက်တွေနဲ့ တိုင်ပင်ပြီးလုပ်ပါ။ 👨‍💼🔗

ပွင့်လင်းမြင်သာမှုဟာ ယုံကြည်မှုဆိုတဲ့အရာကို မွေးဖွားစေနိုင်ပြီး ယုံကြည်မှုဟာဆိုရင် ပူးပေါင်းဆောင်ရွက်မှုကောင်းရဲ့ အခြေခံအုတ်မြစ်ပဲဖြစ်ပါတယ်။

▪️Culture of Empowerment 💪🏾

ဒီ culture ဟာဆိုရင်တော့ ဝန်ထမ်းတွေရဲ့ စိတ်ဓာတ်ကို ခွန်အားပေးပြီးတော့ ဝန်ထမ်းတွေကို ကိုယ်ပိုင် ဆုံးဖြတ်ခွင့်ကိုပေးတာပဲဖြစ်ပါတယ်။ သူတို့ဆီက အကြံဉာဏ်တွေနားထောင်ပြီး သူတို့ကို ကိုယ်ပိုင် တီထွင်ခွင့်ကိုပေးပါ။ 

ဒီလိုပြုလုပ်ပေးခြင်းဟာဆိုရင် သူတို့အရည်အချင်းကို တန်ဖိုးမထားဘူး၊ နှိမ့်ချဆက်ဆံတယ်လို့ ခံစားမိမှာ မဟုတ်တော့ဘဲနဲ့  ဘယ်ရာထူးမှာပဲဖြစ်နေပါစေ သူတို့ရဲ့ လုပ်ဆောင်ချက်တွေက လုပ်ငန်းကောင်းမွန်စွာ လည်ပတ်နိုင်ဖို့ အရေးပါတဲ့နေရာကနေ ပါဝင်နေတယ်ဆိုတာကို ခံစားမိစေမှာ အမှန်ပါပဲ။

▪️Culture of Mutual Respect🤝

လုပ်ငန်းခွင်မှာ တစ်ဦးပေါ်တစ်ဦး အပြန်အလှန် လေးစားမှုရှိဖို့ဟာဆိုရင် လုပ်ငန်းခွင်အတွင်းမှာ အလွန်အရေးကြီးတဲ့ အရာပဲဖြစ်ပါတယ်။ ကိုယ့်အပေါ်ကို ပြုမူဆက်ဆံစေချင်တဲ့အတိုင်း သူတစ်ပါးကို ပြုမူဆက်ဆံပါ။ 🗣

ကြီးသူကို ရိုသေ၊ ရွယ်သူကိုလေးစား၊ ငယ်သူကို သနား ဆိုတဲ့ အတိုင်း ဘယ်လိုရာထူးမျိုးဖြစ်ပါစေ အပြန်အလှန် လေးစားသမှုနဲ့ ပေါင်းသင်းဆက်ဆံကြမယ်ဆိုရင် ကောင်းမွန်တဲ့ လုပ်ငန်းခွင် ပတ်ဝန်းကျင်ကောင်းတစ်ခုကို ဖြစ်ပေါ်စေမှာပါ။

▪️Culture of Fun🕺💃

စိန်ခေါ်မှုတွေ၊ အခက်အခဲတွေ၊ ပြဿနာတွေနဲ့ တွေ့ကြုံရတတ်တဲ့ လုပ်ငန်းခွင်မှာဆိုရင် ပျော်ရွှင်စရာလေးတွေလဲ ဖန်တီးပေးသင့်ပါတယ်။ Staff ပါတီလေးလုပ်ပေးတာတွေ၊ အဖွဲ့လိုက် activity လေးလုပ်ပေးတာတွေ၊ Annual retreat တွေ လုပ်ပေးပါ။ 

ကိုယ့်ရဲ့ လုပ်ငန်းခွင် ပတ်ဝန်းကျင်မှာ ပျော်စရာလေး တွေဖန်တီးပေးခြင်းကြောင့် ဝန်ထမ်းတွေရဲ့ စိတ်ကို လန်းဆန်း တက်ကြွစေပြီးတော့ ဒီလုပ်ငန်းဟာ သူတို့ကို တန်ဖိုးထားပါလား ဆိုတာကို ခံစားမိ စေပါတယ်။✨

▪️Culture of Learning👨‍🏫👩‍🏫

အမြဲတမ်း အသစ်အစမ်းတွေကို စူးစမ်းလိုစိတ်ရှိပြီး ဘယ်လို အလုပ်မျိုးလာလာ အားနဲ့အင်နဲ့ ကြိုးစားလုပ်ကိုင်မယ်ဆိုတဲ့ စိတ်ရှိတဲ့သူတွေအတွက်တော့ ဒီလို workplace မျိုးက အမြဲကြိုဆိုနေပါတယ်။ လောကကြီးမှာ ကိုယ်မသိ၊ နားမလည်တာတွေက အများကြီးပါ။ 

တက္ကသိုလ်တက်တုန်းက စာတွေ့လေ့လာရတဲ့ အရာတွေက သီအိုရီ အနေနဲ့တော့ အသုံးဝင်ပါလိမ့်မယ်။ တကယ်တမ်း လုပ်ငန်းခွင်ထဲဝင်လာပြီဆိုရင် အစကနေပြန်သင်ယူရ

တာပါပဲ။ လုပ်ငန်းခွင်ကနေမှတဆင့် ကိုယ်မသိတာတွေကို လက်တွေ့ သိမြင် နားလည်လာပြီးတော့ လုပ်ဆောင်တ တတ် တာပဲဖြစ်ပါတယ်။📚

 "ပညာလို အိုသည်မရှိ" ဆိုတဲ့စကားပုံအတိုင်း ဘယ်နေရာပဲရောက်ရောက် အဆက်မပြတ်လေ့လာပြီး  ကိုယ့်ရဲ့ နောင်လာနောက်သားတွေကို လက်ဆင့်ပြန်ကမ်းပေးပါ။

အဆုံးသတ်ရမယ် ကိုယ့်လုပ်ငန်းခွင်မှာ ဒီ culture ကတော့ မှန်ပါတယ်၊ ဒီဟာကတော့ မှားတယ်ဆိုပြီး မရှိပါဘူး။ ဒီ culture နဲ့ပဲ အဆင်ပြေလို့ ဒီတစ်ခုထဲကိုပဲ ကျင့်သုံးရမယ်လို့လည်း မဟုတ်ပါဘူး။ 🙅🏻‍♀️

ကိုယ်လုပ်ငန်းရဲ့ ပန်းတိုင်နဲ့ ကိုက်ညီမယ့် culture တွေကို တည်ဆောက်ပြီး တစ်ဦးစီက တစ်ဦး အပြန်အလှန်လေ့လာ မယ်ဆိုရင် ကောင်းမွန်တဲ့ လုပ်ငန်းခွင် ပတ်ဝန်းကျင် တစ်ခုဖြစ်လာပြီးတော့ ပန်းတိုင်ကိုလဲ အလွယ်တကူ လျင်မြန်စွာ ရောက်ရှိမှာပဲဖြစ်ပါတယ်။🏆🏆

အဆုံးထိဖတ်ပေးတတ်အတွက် Beatrix ပရိတ်သတ်ကြီး ကိုကျေးဇူးတင်ပါတယ်🐝

Reference: https://www.drinkcoffee.com/types-of-workplace-culture/

By,

Grace