တိုးတက်​အောင်မြင်ဖို့အတွက် လူတိုင်းကျင့်သုံးသင့်တဲ့ အလွယ်ကူဆုံးနည်းလမ်း 😱

အလုပ်တွေသင်က ဘယ်လို​လေ့လာသူအမျိုးအစားလဲ?✍

လုပ်တဲ့အခါမှာ အချိန်ဆွဲတတ်တဲ့ အကျင့်ကိုဘယ်လိုမှဖျောက်မရဖြစ်နေလား? 😵

အလုပ်တစ်ခုတည်းအပေါ်မှာ ၁၀၀ ရာခိုင်နှုန်း အပြည့် အာရုံစူးစိုက်ဖို့ ခက်ခဲနေလား? 🧐

အကျင့်ကောင်းတစ်ခုလုပ်မယ်ကြံလိုက်တိုင်း အဆုံးထိမလုပ်နိုင်ဘဲ ကြားထဲမှာ ရပ်တန့်သွားတာမျိုးတွေ ခဏခဏ ဖြစ်လို့ ကိုယ့်ကိုယ်ကို အလိုမကျဖြစ်နေ ပြီလား? 🥱

ဒါဆိုရင် ဒီ paper clip strategy ဟာ သူငယ်ချင်းတို့အတွက်အများကြီး အထောက်အကူ ဖြစ်စေပါလိမ့်မယ်။ 👋

🔶️ဒါဆိုရင် paper clip strategy ဆိုတာဘာလဲ?

ပုံပြင်လေးတစ်ပုဒ်လောက်ပြောပြပါရစေ။ 🧏‍♀️
၁၉၉၃ ခုနှစ်တုန်းက ကနေဒါနိုင်ငံရဲ့ ဘဏ်လေးတစ်ခုမှာ Trent Dyrsmid ဆိုတဲ့ လူဟာမနက်မိုးလင်းတာနဲ့ သူ့အလုပ်လုပ်တဲ့ စားပွဲပေါ်မှာ ခွက်နှစ်ခုကိုတင်ထားပါတယ်။ တစ်ခွက်ထဲမှာ paper clip အ​ရေအတွက်ပေါင်း ၁၂၀ကို ထည့်ထားပြီး နောက်တစ်ခွက်ကို အလွတ်ထားထားပါတယ်။ သူဟာ တစ်ရက်ကို sales call အခု ၁၂၀ လုပ်မယ်လို့သတ်မှတ် ထားပြီးတော့ call တစ်ခုခေါ်ပြီးတိုင်း paper clip ပြည့်နေတဲ့ခွက်တွေထဲက တစ်ခုကို လွတ်နေတဲ့ခွက်ထဲကိုထည့်ပါတယ်။ 🖇

ဒီနည်းနဲ့သူဟာ ၁၈ လအတွင်းမှာဘဲ သူ့စီးပွားရေးဟာ ၅ မီလီယမ်ဒေါ်လာ တန်ဖိုးအထိ တိုးပွားလာပါတယ်။ သူဟာ paper clip strategy ကိုအသုံးပြုပြီး သူလုပ်နေတဲ့အလုပ်ကို အာရုံစူးစိုက်မှုတွေလျော့မသွားအောင်၊ အလုပ် ဘယ်လောက်ပြီးပြီလဲဆိုတာ တိုင်းတာ​​ပြီး ​အောင်မြင်​အောင်ပြုလုပ်သွားတာပါ။ ဒီလိုအောင်မြင်လာဖို့လည်း ဘာမှကြီးကြီးကျယ်ကျယ် လုပ်တာမဟုတ်ဘဲ ကိုယ်လုပ်နေတဲ့ အလုပ်ကိုဘဲ တစ်သမတ်တည်းလုပ်သွားတာပဲဖြစ်ပါတယ်။ 👏

လူတွေက အလုပ်တစ်ခုခုကိုလုပ်လို့ consistency ရှိမယ်ဆိုရင် အောင်မြင်မယ် ဆိုတာသိကြပေမယ့် တကယ်တမ်းမှာ consistency ရှိသူက ၁၀၀ မှာ ၁ ယောက်မရှိပါဘူး။ 🤷‍♀️

🔶️ဒီ paper clip strategy ကဘာကြာင့် အသုံးဝင်သလဲ?

Paper Clip တွေကိုကြည့်ပြီး ကိုယ့်အလုပ် ဘယ်လောက်တော့ပြီးနေပြီ၊ ဘယ်လောက်တော့ပြီးဖို့ ကျန်သေးတယ်၊ ပြီးတော့မယ်ဆိုတဲ့ ခံစားချက်ကို အမြင်အာရုံကတစ်ဆင့် ဖြစ်ပေါ်စေပါတယ်။ ဒီနေရာမှာ paper clip ကြီးကိုဘဲသုံးခိုင်းတာမျိုးမဟုတ်ပဲ ကြိုက်တာသုံးလို့ရပါတယ်။ အဓိကက ကိုယ့် progress ကို ကြည့်နိုင်မြင်နိုင်ဖို့ပါဘဲ။ 📈

🔶️Paper Clip Strategy ကိုနေ့စဥ်ဘဝမှာ ဘယ်လိုအသုံးပြုကြမလဲ?

To-do-list လုပ်ထားပါ။ ဒီနေ့မှာတော့ ဘယ်အလုပ်တွေကို ပြီးအောင်လုပ်မယ်လို့ မနက်ထတဲ့အချိန် ဖြစ်ဖြစ်၊ ညဘက်မအိပ်ခင်ဖြစ်ဖြစ် ကြိုတင်ချမှတ်ထားပြီး အရေအတွက်ကို သတ်မှတ်ထားပါ။ ပြီးရင် paper clip တွေကို အလုပ်တစ်ခုပြီးတိုင်း တစ်ခုရွှေ့ပါ။ ဒီ paper clip တွေကိုတစ်နေကုန် သင့်မျက်စိရှေ့ချ ထားပါ။ ဒါဆိုရင် သင်လုပ်ရမယ့်အလုပ်တွေကို မေ့သွားတာမျိုးတွေ၊ အချိန်ဆွဲမိနေတာမျိုးတွေ မဖြစ်အောင်ကာကွယ်နိုင်ပါတယ်။ 🤗

ဒါဆိုရင် သူငယ်ချင်းတို့အားလုံး အကျင့်ကောင်းတွေ မွေးလာနိုင်အောင်၊ ဒီထက်ပိုပြီး consistency ရှိအောင်လို့ ဒီနည်းလမ်း​လေးကို အသုံးပြုကြဖို့ တိုက်တွန်းလိုက်ပါတယ်။ 🥳

Reference Link: https://jamesclear.com/paper-clips
Written by
အလှလေး