Business Model Canvas

“Business Model Canvas ဆိုတာကို ကြားဖူးပြီးကြပြီလား🤫”

သင်ဟာ စီးပွားရေးလုပ်ငန်းတစ်ခုကို စတင်ဖို့ ရည်ရွယ်နေတာလား❓

ဒါဆိုရင်တော့ ဒီစာက သင့်အတွက်ပါပဲ 🤩

🔸Business Model Canvas ဆိုတာ လုပ်ငန်းတစ်ခုစတင်တော့မယ်ဆိုရင် အခြေခံဖြစ်တဲ့ သင်ဟာ ဘယ်လိုလုပ်ငန်းမျိုးကိုလုပ်ချင်တာလဲ၊ သင့်ရဲ့ စားသုံးသူတွေကဘယ်သူတွေလဲ စသဖြင့် အကြံဉာဏ်တွေထုတ်ရာမှာ တစ်ခုနဲ့ တစ်ခု ကျိုးကြောင်းစီလျော်မှုရှိအောင် ပြုလုပ်ပေးတဲ့ စာရွက်တစ်ရွက်ပဲဖြစ်ပါတယ်။ BMC လို့လဲ အတိုကောက်သိကြပါတယ်။(🅱️Ⓜ️©️)

🔹ကိုယ်က စီးပွားရေးလုပ်တော့မယ်ဆိုရင် အရင်ဆုံး အစီစဉ်တွေဆွဲ၊ နည်းဗျူဟာတွေချဖို့လိုပါတယ်။ ဒီလိုနည်းပညာတွေကို စနစ်တကျ အကောင်အထည်ဖော်ဖို့အတွက် Business model canvas က ကူညီပေးနိုင်မှာပဲဖြစ်ပါတယ်။💪

🔸Business plan တစ်ခုချရာမှာ BMC ကို ဘာလို့အသုံးပြုတယ်ထင်ပါလဲ 🤔🤔

✔️BMCဟာ business plan ဆွဲတဲ့အခါ လွယ်ကူရိုးရှင်းပြီးတော့ အချိန်တိုအတွင်းလုပ်ဆောင်နိုင်တယ် 

✔️ရလာတဲ့အကြံဉာဏ်တွေကို လွယ်ကူစွာနဲ့ ရေးချထားနိုင်တယ်

✔️အကြံဉာဏ်တွေကနေတဆင့်ချိတ်ဆက်ပြီး

ကိုယ်လုပ်ချင်တဲ့အရာကို သိရှိစေနိုင်တယ်

✔️ကိုယ် target ထားချင်တဲ့ customer ကို သေချာ သိရှိနိုင်တယ်

✔️customerရဲ့လိုအပ်ချက်ကို သေချာနားလည်နိုင်ပြီး ဘယ်လိုဖြေရှင်းမလဲဆိုတာကို အဖြေရှာနိုင်တယ်

✔️ကိုယ့်ရဲ့လုပ်ငန်းကို ဘယ်လိုပုံစံမျိုးဖြစ်စေချင်တယ်ဆိုတဲ့ ရှင်းလင်းတဲ့ အကြံဉာဏ်တစ်ခုကို ရစေနိုင်တာတွေကြောင့် ဒီ BMC ကို အသုံးပြုကြပါတယ်။

🔹BMC ကိုကြည့်လိုက်မယ်ဆိုရင် ညာဘက်ခြမ်းက စားသုံးသူလိုအပ်ချက်ကို အဓိကထားတွေးပြီးတော့ ဘယ်ဘက်ခြမ်းမှာတော့ ကိုယ့်ရဲ့ လုပ်ငန်းနဲ့သက်ဆိုင်တာတွေကို အဓိကထား စဉ်းစားရမှာပဲဖြစ်ပါတယ်။

🔸BMC မှာဆိုရင် အဓိကအားဖြင့် အပိုင်း(ကိုး)ပိုင်း ပါရှိပါတယ်။ တစ်ခုနဲ့ တစ်ခုကလည်း အပြန်အလှန်ချိတ်ဆက်မှုရှိနေတာမလို့ အပိုင်းတစ်ခုခုမှာ ပြဿနာရှိနေပြီဆို သူနဲ့ ဆက်စပ်တဲ့အရာတွေကို ပြန်ပြီး tracking လုပ်လို့ရနိုင်တာကြောင့် လုပ်ငန်းအကောင်အထည်ဖော်ရာမှာ အလွန်ကို အသုံးဝင်တဲ့ tool တစ်ခုပဲဖြစ်ပါတယ်။

ဒါဆို BMC ကို အသေးစိတ်လေ့လာကြည့်ရအောင် 👇👇

1️⃣Customer Segment 👥

ကိုယ်က ဘယ်သူတွေကို target ထားချင်တာလဲဆိုတာကို စဉ်းစားပြီး customer တွေကို age, gender, interest အလိုက် အုပ်စုလေးတွေခွဲထားပါ။

2️⃣Value Proposition⚖️

Value Proposition ကတော့ စီးပွားရေးလုပ်ငန်းပဲဖြစ်ဖြစ်၊ ဝန်ဆောင်မှုလုပ်ငန်းပဲဖြစ်ဖြစ် လုပ်ငန်းတိုင်းရဲ့ အခရာပဲဖြစ်ပါတယ်။ ကိုယ့်လုပ်ငန်းနဲ့ customer ကြားက value တွေကို အပြန်အလှန် ဖလှယ်လိုက်တာပဲဖြစ်ပါတယ်။ဥပမာ- ကိုယ်က customer ရဲ့ လိုအပ်ချင်ကိုဖြည့်ဆည်းပေးလိုက်တယ်ဆိုရင် အပြန်အလှန်အနေနဲ့  ကိုယ်ပေးလိုက်တာနဲ့ ကိုက်ညီတဲ့ တန်ဖိုးတစ်ခုကို ပြန်ရတဲ့သဘောကို ဆိုလိုတာပါ။

3️⃣Revenue Streams💰

Revenue stream က အနက်ဖွင့်လိုက်မယ်ဆိုရင် ကိုယ့်လုပ်ငန်းရဲ့ Value proposition ​တွေကို ကိုယ့်ရဲ့ ဘဏ္ဍာငွေအဖြစ်ပြောင်းလဲလိုက်ခြင်းလို့ဆိုလိုပါတယ်။ တစ်နည်းအားဖြင့် ကိုယ့်ရဲ့ ငွေဝင်မယ့်လမ်းကြောင်းကိုပြောတာပါ။ ဝင်ငွေတွေကို ဘယ်လိုနည်းနဲ့သတ်မှတ်မလဲဆိုတာကို စဉ်းစားပါ။ 

4️⃣Channels🚚🛣️

ကိုယ့်ရဲ့လုပ်ငန်းကို လူတွေသိအောင် ဘယ်လို လမ်းကြောင်းတွေကနေ ဖောက်မလဲဆိုတာကို စဉ်းစားဖို့ အရေးကြီးပါတယ်။ ကိုယ့် customer တွေ ဘယ်နေရာတွေမှာရှိနိုင်လဲ၊ ဘယ်ကနေရလာနိုင်မလဲဆိုတာကို အကြံထုတ်ပါ။ 

5️⃣Customer Relationships👥

ကိုယ့်ရဲ့လုပ်ငန်းနဲ့ customer ကြားမှာ အပြန်အလှန်ဆက်ဆံရေးဘယ်လိုရှိမလဲ၊ ဆက်ဆံရေးတည်မြဲအောင်ဘယ်လိုလုပ်မလဲ ဆိုတာကိုစဉ်းစားပါ။ 

အပြင်မှာလူချင်းတွေ့ဖူးလား၊ ဖုန်းနဲ့ပဲ စကားပြောမှာလား ဒါမှမဟုတ် အွန်လိုင်းပေါ်ကနေပဲ ဆက်သွယ်မှာလားစသဖြင့် စဉ်းစားပါ။

6️⃣Key Activities🔑

ကိုယ့်ရဲ့ customer တွေအတွက် value proposition ရစေဖို့ လုပ်ငန်းမှာ ဘယ်လိုမျိုး activityမျိုးတွေ လုပ်ဆောင်မလဲ၊ ဝန်ဆောင်မှုတွေ ဘယ်လိုပေးမလဲဆိုတာကို တွေးပါ။

7️⃣Key Resources 🏦

နောက်ထပ်စဉ်းစားရမှာကတော့ အရင်းအမြစ်တွေပါပဲ။ ကိုယ့်မှာ ဘယ်လိုအရင်းအမြစ်တွေရှိလဲ၊ ကိုယ်လိုအပ်တဲ့ အရင်းအမြစ်၊ အရင်းအနှီးတွေ ဘယ်ကရနိုင်လဲဆိုတာစဉ်းစားပါ။

8️⃣Key Partner🤝

ကိုယ့်ရဲ့လုပ်ငန်းအောင်မြင်စေဖို့အတွက် ဘယ်လိုမှ တစ်ဦးတည်း လုပ်ဆောင်ဖို့မလွယ်ပါဘူး။ စီးပွားဖက်တွေရှိဖို့လိုအပ်ပါတယ်။ ဒါကြောင့်မလို့ အလားအလာရှိနိုင်တဲ့ မိတ်ဆွေတွေ၊ လုပ်ဖော်ဆောင်ဖက်တွေ  ကုမ္ပဏီတွေကို စာရင်းပြုစုပါ။

9️⃣Cost Structure💸💸

လုပ်ငန်းလုပ်ဆောင်ရာမှာ ကုန်ကျမယ့် ကုန်ကျစရိတ်တွေအတွက်ကို စဉ်းစားပါ။ ပစ္စည်းဝယ်ဖို့အတွက်အသုံးစရိတ်တွေ၊ ဝန်ထမ်းစရိတ်တွေ၊ အာမခံကြေးတွေ အစရှိသဖြင့် ကုန်ကျစရိတ်တွေကို list လုပ်ပါ။

ဒီလောက်ဆိုရင် Business Model Canvas ကို ဘယ်လိုဆွဲရမလဲဆိုတာ သိလောက်ပြီထင်ပါတယ်။

BMC ကိုဆွဲပြီးလို့ရှိရင် ကိုယ့်ရဲ့ business plan က လုပ်လို့အဆင်ပြေနိုင်မလား၊ ဘယ်လိုဆက်ပြီးဆောင်ရွက်မလဲဆိုတာကို ဆက်ပြီးတော့ စဉ်းစားဖို့လိုပါတယ်💁‍♀️

ဒီ BMC ကို Design Thinking Process နဲ့လည်း

ဆက်စပ်ပြီးအသုံးပြုနိုင်ပါတယ်။ Design Thinking Process ရဲ့ Ideate ဆိုတဲ့ အပိုင်းမှာ ဒီ BMC ကိုအသုံးပြုပြီးတော့ အကြံဉာဏ်ကောင်းတွေ ထုတ်ယူနိုင် ပါတယ်။ 💡

Design Thinking Process အကြောင်းကို မဖတ်ရသေးဘူးဆိုရင်တော့ ဒီမှာ ဖတ်လို့ရပါတယ်👇

https://www.facebook.com/108219754207907/posts/177044207325461/?d=n

ဒီနေ့ Beatrix က ဖော်ပြသွားတဲ့ Business Model Canvas အကြောင်းကို သေချာလေ့လာပြီးတော့ ကိုယ့်ရဲ့

စတင်ဖို့ရည်ရွယ်ထားတဲ့ လုပ်ငန်းမှာပဲဖြစ်ဖြစ်၊ လက်ရှိလုပ်ကိုင်နေတဲ့ လုပ်ငန်းမှာပဲဖြစ်ဖြစ် အသုံးချမယ်ဆိုရင် ကိုယ့်ရဲ့လုပ်ငန်းအတွက် များစွာအကျိုးရှိမှာ အမှန်ပါပဲ ✔️

Reference: https://medium.com/seed-digital/how-to-business-model-canvas-explained-ad3676b6fe4a

Written By,

Grace