CV,Resume,Cover Letter,Portfolio

📣ဟေး...ရွှတ်ရွှတ်🤫

အလုပ်လျှောက်တဲ့အခါမှာ တောင်းတဲ့ CV, Resume, Cover Letter နဲ့ Portfolio အကြောင်းတွေကို သေသေချာချာသိပြီးကြပြီးလား⁉️

CVနဲ့ Resume ကကော တူတူပဲလား⁉️

Portfolio ကကော ဘာလဲ⁉️

Cover Letter ကကော ဘာအတွက်ရေးရမှာလဲ⁉️ဆိုတာကို သေသေချာချာ သိချင်တယ်ဆိုရင်တော့ ဒီပို့စ်လေးကို ကျော်မသွားသင့်ဘူးနော်😉

CV,Resume, Cover Letter နဲ့ Portfolio တို့က ဘာလဲ၊ ဘယ်လိုကွာခြားသွားတာလဲဆိုတာကို အသေးစိတ်သိချင်ရင် အောက်က ပုံလေးတွေမှာ ဆက်ဖတ်ကြည့်လိုက်ရအောင်🤗

References: https://www.google.com/amp/s/novoresume.com/career-blog/cv-vs-resume-what-is-the-difference/amp

https://www.thebalancecareers.com/what-is-a-professional-portfolio-1987043

https://www.thebalancecareers.com/what-is-a-portfolio-for-work-and-do-i-need-one-2058735

Picture Crd: Novoresume from Google

By,

Grace

CV✍️

✔️CV အရှည်ကောက်ကိုတော့ "Curriculum Vitae" လို့သိကြပြီး လက်တင်ဘာသာစကားက ဆင်းသက်လာတာဖြစ်ပါတယ်။ လက်တင်ဘာသာအရ အနက်ဖွင့်ဆိုလိုက်မယ်ဆိုရင် "လူတစ်ယောက်၏ ဘဝမှတ်တမ်း" လို့ အဓိပ္ပာယ်ရပါတယ်။

✔️CV ဟာဆိုရင် ကိုယ့်ရဲ့ ကိုယ်ရေးအချက်အလက်တွေကအစ ကိုယ့်ရဲ့ ပညာရေးမှတ်တမ်းတွေ၊ ကိုယ်ရဲ့အောင်မြင်မှုမှတ်တမ်းတွေ၊ ကိုယ့်လေ့လာထားတဲ့ပညာတွေ၊ ကိုယ့်အရည်အချင်းတွေ၊ ကိုယ့်အတွေ့အကြုံတွေအစရှိသဖြင့် ကိုယ့်ရဲ့ ကိုယ်ရေးရာဇဝင်ကို အကျဉ်းချုပ် ပြည့်ပြည့်စုံစုံ ဖော်ပြထားတဲ့ စာတမ်းပဲဖြစ်ပါတယ်။📋

✔️CV မှာဆိုရင် စာမျက်နှာ ဘယ်လောက်ပဲရှိရမယ်၊ အရမ်းကြီးမရှည်ရဘူးဆိုပြီး သတ်မှတ်ထားတာမရှိပါဘူး။ အခုမှအလုပ်စလျှောက်မယ့်သူတွေအတွက်တော့ CV က ကိုယ့်ရဲ့ မှတ်တမ်းတွေပေါ်မူတည်ပြီး နှစ်မျက်နှာကနေ သုံးမျက်နှာလောက်အထိရှည်နိုင်ပြီးတော့ လုပ်ငန်းအတွေ့အကြုံများတဲ့သူတွေဆိုရင်တော့ ကိုယ့်လုပ်သက်၊ အတွေ့အကြုံတွေပေါ်ကိုမူတည်ပြီး စာမျက်နှာပေါင်းများစွာရှိနိုင်ပါတယ်။🗒️

✔️ CV မှာဆိုရင် ကိုယ်ရဲ့ စာသင်တာနဲ့ပတ်သတ်တဲ့အတွေ့အကြုံတွေ၊ ကိုယ်ရရှိခဲ့တဲ့ degree, diploma, certificate တွေ၊ ကိုယ်ပြုလုပ်ထားဘူးတဲ့ သုတေသနမှတ်တမ်းတွေ၊ ထုတ်ဝေဖူးတဲ့ စာစောင်တွေ၊ တက်ရောက်ဖူးတဲ့ ညီလာခံတွေ အစရှိသဖြင့် ကိုယ့်ရဲ့ ပညာရေးမှတ်တမ်းတွေကို ပြည့်စုံစွာ ထည့်သွင်းနိုင်ပါတယ်။

✔️CV တစ်စောင်မှာဆိုရင် 

1️⃣Full name

2️⃣Contact Information

3️⃣Job Title, Objective

4️⃣Research Interest

5️⃣Education

6️⃣Publication(academic paper and books)

7️⃣Teaching or Lecturing experience

8️⃣Work experience

9️⃣Conferences and Course

🔟Skills

1️⃣1️⃣Certificates

1️⃣2️⃣Language

1️⃣3️⃣Extracurricular Activities

1️⃣4️⃣Reference စတာတွေ ပြည့်စုံအောင်ထည့်ပေးပါ။

✔️CV ဟာဆိုရင် အလုပ်လျှောက်တဲ့သူတိုင်းအတွက် မဖြစ်မနေကို ပြင်ဆင်ထားသင့်တဲ့အရာပါ။ ကိုယ်အတတ်ပညာသစ်တစ်ခုကို သင်ယူပြီးမြောက်တိုင်း မိမိရဲ့ CV ကိုအမြဲ update လုပ်ပေးပါ။

Resume✍️

✔️Resume ကလည်း CV လိုပါပဲ။ ဒါပေမယ့် နည်းနည်းတော့

ကွာတာပေါ့နော်။ မာလာရှမ်းကောစားရင် Chilli pot နဲ့ Spicy house လိုမျိုးပေါ့။ မာလာရှမ်းကောခြင်းတော့တူပေမယ့် အရသာတော့ကွာသွားတယ်ဟုတ်😉

✔️Resume ဟာဆိုရင် အလုပ်လျှောက်တဲ့အခါမှာ ကိုယ်လျှောက်မယ့်ရာထူးအတွက် တိုတိုနဲ့ လိုရင်းရောက်အောင် ချက်နဲ့ လက်နဲ့ short to the point ပြုလုပ်ထားတဲ့ စာစောင်ပဲဖြစ်ပါတယ်။ CV နဲ့ မတူတာက Resume မှာဆိုရင် အများဆုံး စာမျက်နှာ ၂ မျက်နှာစာပဲ ရေးသားသင့်ပါတယ်။ 🗒️

✔️Resume ​ရေးမယ်ဆိုရင် bullet lists နဲ့ရေးတာဟာ ရှင်းရှင်းလင်းလင်းနဲ့ အလုပ်ရှင်ရဲ့အာရုံကို ဖမ်းစားနိုင်ပါတယ်။📌

✔️Resume မှာဆိုရင် CV မှာလိုမျိုးကိုယ့်ရဲ့ အချက်အလက်တွေအကုန်ဖော်ပြမယ့်အစား ကိုယ် လျှောက်မယ့်အလုပ်နဲ့သက်ဆိုင်တဲ့ ကိုယ့်မှာရှိတဲ့ အဓိကကျွမ်းကျင်မှုတွေ၊ ကိုယ့်ရဲ့ အရင်လုပ်ငန်းအတွေ့အကြုံတွေကိုပဲ အသားပေးဖော်ပြရတာပါ။ ကိုယ့်ရဲ့ အရင်အလုပ်မှာ ဘာတွေလုပ်ခဲ့တယ်၊ ဘယ်လိုအောင်မြင်မှုတွေရခဲ့လဲ ပြီးတော့ ကိုယ့်မှာရှိတဲ့ skill တွေက ဒီရာထူးအတွက် ဘယ်လိုအသုံးဝင်တယ်ဆိုတာတွေကို highlight ထားရေးသားမယ်ဆိုရင် အလုပ်ရှင်က ကိုယ်လျှောက်ထားတဲ့ရာထူးနဲ့ပတ်သက်တဲ့ ကိုယ့်ရဲ့ ကျွမ်းကျင်မှုတွေကို သတိထားမိမှာပါ။👩‍💼

✔️Resume မှာဆိုရင် ယေဘုယျအားဖြင့် ပုံစံ ၃ မျိုးရှိပါတယ်။ Chronological, Functional နဲ့ Combination ဆိုပြီးတော့ပါ။

✔️Resume တစ်စောင်မှာဆိုရင်တော့

1️⃣Name

2️⃣Job Title

3️⃣Contact Information

4️⃣Resume summary or objective

5️⃣Relavant work experience 

6️⃣Education

7️⃣Relevant skills

8️⃣Language and proficiency

9️⃣Relevant Certificates and Interests စသဖြင့် ပါဝင်ပါတယ်။

Cover Letter✍️

✔️အလုပ်လျှောက်တဲ့အခါ Resume နဲ့အတူ ပါလာတတ်တာက Cover Letter ပါ။ Resume မှာက ကိုယ့်ရဲ့ key qualification ​တွေကို အချက်လေးတွေနဲ့ဖော်ပြတယ်၊ Cover Letter မှာတော့ Resume ကို ပိုပြီးအားကောင်းစေဖို့ အဲ့ဒီအချက်တွေကို အကျယ်ချဲ့ ဖော်ပြပေးရတာပဲဖြစ်ပါတယ်။ 🗝️🗝️

✔️Cover letter ဟာဆိုရင် ကိုယ်လျှောက်မယ့် အလုပ်ရာထူးမှာ ဘယ်လိုအကြောင်းတွေကြောင့်

ကိုယ့်ကိုရွေးချယ်သင့်တာလဲဆိုတာကို စာပိုဒ်လေး ၃၊ ၄ ပိုဒ်လောက်ရေးသားထားတဲ့ စာရွက်စာတမ်းပဲဖြစ်ပါတယ်။📝

✔️Cover Letter မှာ ကိုယ်လျှောက်မယ့်ရာထူးအတွက် ကိုယ့်မှာ ဘယ်လိုအရည်အချင်းတွေရှိတယ်၊ ကိုယ့်ရဲ့အတွေ့အကြုံတွေအရ ဘာကြောင့် ဒီရာထူးကိုယ်နဲ့သင့်တော်လဲ၊ ဘာကြောင့် ကိုယ့်ကို ရွေးသင့်လဲဆိုတာကို highlight ထား ရေးသားပေးရမှာဖြစ်ပါတယ်။ ကိုယ်အလုပ်ရဖို့ အလုပ်ရှင်ဆီမှာ ကိုယ့်ကိုယ်ကို Promotion ဆင်းရတာမျိုးပါပဲ။🗣️

✔️Cover Letter ရေးတဲ့အခါမှာ တစ်ခုသတိထားရမှာက အလုပ်ခေါ်စာမှာပါတဲ့ သူတို့လိုချင်တဲ့ အချက်တွေပါအောင် ရေးသားပေးဖို့ပါ။ ကိုယ့်မှာ သူတို့လိုချင်တဲ့ ဒီအချက် ဒီအချက်တွေနဲ့ ပြည့်စုံပါတယ်ဆိုတာကို ကိုက်ညီအောင်ရေးပေးဖို့လိုပါတယ်။

Portfolio✍️

✔️CV, Resume, Cover Letter တို့ဟာဆိုရင် အလုပ်တွေတော်တော်များများမှာ စံသတ်မှတ်ချက် ဖြစ်ပေမယ့် Portfolio ကိုတော့ နားလည်ပြီးသားသူတွေရှိသလို Portfolio နဲ့ မရင်းနှီးသေးတဲ့သူတွေလည်း ရှိနေနိုင်ပါတယ်။

✔️Portfolio ကတော့ ကိုယ်လုပ်ခဲ့သမျှ လုပ်ငန်းတွေကို စုပြီးဖော်ပြထားတဲ့ စာတမ်းပဲဖြစ်ပါတယ်။ ကိုယ်ကိုယ်တိုင် ပြုလုပ်ထားတဲ့ အကောင်းဆုံးလုပ်ငန်းဆောင်ရွက်ချက်တွေ၊ လုပ်ငန်းမှာ အောင်မြင်မှုရရှိခဲ့တဲ့ ကိုယ့်ရဲ့ စီမံကိန်းအကြောင်းအရာတွေကို မြင်သာအောင် အထောက်အထားတွေနဲ့ အလုပ်ရှင်ကို ဖော်ပြရတဲ့ မှတ်တမ်း ဖြစ်ပါတယ်။

✔️အလုပ်လျှောက်တဲ့အခါ အလုပ်တိုင်းမှာတော့ မဟုတ်ပေမယ့် တချို့လုပ်ငန်းတွေမှာဆိုရင် Portfolio ကိုတောင်းတတ်ပါတယ်။ အထူးသဖြင့် Creativity ပိုင်းကို အသားပေးတဲ့ ကဏ္ဍတွေဖြစ်တဲ့ Graphic Design,  Web Design, Content Creating, Photography, Videography, Writing အစရှိတဲ့ ကဏ္ဍတွေမှာ ကိုယ့်ရဲ့ အကောင်းဆုံးလက်ရာတွေကို portfolio နဲ့အတူ တောင်းလေ့ရှိပါတယ်။

✔️ ကိုယ်အရင်အလုပ်မှာ ဘာတွေလုပ်ခဲ့လဲ၊ ဘယ် role ကနေပါဝင်ခဲ့လဲ၊ကိုယ့်လုပ်ဆောင်ချက်တွေက ဘယ်လိုရှိလဲဆိုတာကို တိတိကျကျသိရဖို့ အလုပ်ရှင်တွေက Portfolio ကတစ်ဆင့် အကဲခတ်တတ်ပါတယ်။

✔️Portfolio မှာ ဘာတွေထည့်သွင်းရမလဲဆိုတော့ ကိုယ့်ရဲ့အကောင်းဆုံးလုပ်ဆောင်ချက် ပုံစံငယ်ကိုဖော်ပြရမှာဖြစ်ပါတယ်။ ကိုယ်အလုပ်လျှောက်မယ့် ကဏ္ဍပေါ်မူတည်ပြီး ထုတ်ဝေခဲ့တဲ့စာစောင်တွေ၊ အနုပညာလက်ရာ ဒီဇိုင်းတွေ၊ သုတေသနစာတမ်းတွေ၊ စီမံကိန်းဆောင်ရွက်ချက်တွေ၊ Video making ​တွေ၊ Photo essay တွေ အစရှိတာတွေကို အသေးစိတ် ထည့်သွင်းပေးရမှာဖြစ်ပါတယ်။ ဒါမှ ကိုယ့်နယ်ပယ်မှာ ကိုယ်ဘယ်လောက်ကျွမ်းကျင်တယ်၊ အတွေ့ကြုံဘယ်လောက်ရှိတယ် ဆိုတာကို ထင်သာမြင်သာရှိစေမှာဖြစ်ပါတယ်။💁‍♀️

✔️Portfolio မှာဆိုရင် Online Portfolio နဲ့  On-paper Portfolio ဆိုပြီးတော့ရှိပါတယ်။ ကိုယ် အလုပ်လျှောက်မယ့် ကဏ္ဍပေါ်မူတည်ပြီး Portfolio ပုံစံတွေ ကွဲပြားနိုင်ပါတယ်။ Portfolio ဟာဆိုရင်လည်း

ပြင်ဆင်ထားသင့်တဲ့အရာပဲဖြစ်ပါတယ်။ အလုပ်လျှောက်ရာမှာ Portfolio က ကိုယ့်ရဲ့အရည်အချင်းတွေကို မြင်သာအောင်ပုံဖော်ထားပေးလို့ အရည်အချင်းတူတဲ့သူနဲ့ ယှဉ်ပြိုင်ရရင်တောင် ကိုယ့်အတွက် တစ်ပန်းသာစေမှာပါ။🤩