ပရိသတ်ကြီးတို့ နေ့စဉ်ဘဝမှာ မရှိမဖြစ်တဲ့အရာတစ်ခုဆိုရင် ဘာလို့ ဖြေမလဲ ...🧐

 

မင်္ဂလာပါ။ Beatrix မှ ပြန်လည်ကြိုဆိုလိုက်ပါတယ်။

ဒီတစ်ခါမှာတော့ အဆင့် (၅) ဆင့်တည်းနဲ့ Marketing Plan ရေးဆွဲနည်းကို မျှဝေပေးသွားချင်ပါတယ်။

Marketing Plan ဆိုတာက အဖွဲ့အစည်းတစ်ခုရဲ့ Goals တွေကိုအကောင်အထည်ဖော်ပေးနိုင်မယ့် အစီအစဥ်​တွေထဲက တစ်ခုပါပဲ။

အဖွဲ့အစည်းတစ်ခုမှာ Marketing Plan လို စီစဥ်ထားတာ တစ်ခုမှ မရှိဘူးဆိုရင် Project အတွက် သုံးရတာ၊ လူငှားရမ်းခ၊ တခြားကုန်ကျစရိတ်များနဲ့ ရှုပ်ထွေးပြီး ပရမ်းပတာဖြစ်တတ်ပါတယ်။

ဒါမျိုးတွေ မဖြစ်ရလေအောင် နှစ်စဥ် တစ်နှစ်စာ Marketing Plan ကို အတိအကျရေးဆွဲရပါတယ်။

Marketing plan ဟာ မတူညီတဲ့ Industry နဲ့ Goals တွေပေါ်မူတည်ပြီးပြောင်းလဲတတ်တာကိုတော့သတိပြုမိစေချင်ပါတယ်။

ဒါဆို အဆင့် (၅) ဆင့်သုံးပြီး Marketing plan ရေးဆွဲကြည့်ကြရအောင်။

၁။ ပြိုင်ဘက်နဲ့ ကိုယ့်ကိုကိုယ်ရဲ့ အခြေအနေကို သုံးသပ်ပါ။

Marketing Plan တစ်ခုကို စမဆွဲခင် လက်ရှိဖြစ်နေတဲ့အခြေအနေအမှန်ကို အရင်သိရပါတယ်။ ပြိုင်ဘက်တွေက ဘယ်လိုအခြေအနေရှိလဲ? မိမိက Market မှာ ဘယ်လိုအခြေအနေရှိလဲ? အရင်ဆုံး သိအောင်လုပ်ရပါမယ်။

ပြိုင်ဖက်နဲ့ ကိုယ့်ကိုကိုယ်ရဲ့ အခြေအနေကို အကောင်းဆုံး သုံးသပ်နည်းကတော့ အားလုံးသိပြီးတဲ့ SWOT Analysis ပဲ ဖြစ်ပါတယ်။

S = Strength (အားသာချက်)

W = weakness (အားနည်းချက်)

O = opportunity (အခွင့်အရေး)

T = Thread (အန္တရာယ်) ဖြစ်ပါတယ်။

အဲ့ဒီလေးခုကို ဇယားလေးဆွဲပြီး မိမိလုပ်ငန်းရဲ့ SWOT analysis ကိုအရင်လုပ်ကြည့်ပါ။ ပြီးတော့ ပြိုင်ဘက်ရဲ့လုပ်ငန်းအခြေအနေကိုလည်း Analysis လုပ်ပြီး ယှဥ်ကြည့်ပါ။ ဘာတွေလိုအပ်နေတယ်။ ဘာတွေဆက်လုပ်ရမယ်ဆိုတာ အများကြီးမြင်ရပါလိမ့်မယ်။

၂။ ကိုယ့်ရဲ့ target market ကို သေချာသတ်မှတ်ပါ။

စျေးကွက်ကို သတ်မှတ်ဖို့အတွက် သင့်ဆီက လက်ရှိဖောက်သည်တွေရဲ့ အကျင့်ကို အရင်သိအောင်ကြိုးစားရပါမယ်။ လက်ရှိဖောက်သည်တွေရဲ့ နေထိုင်မှုပုံစံ၊ အသက်အရွယ်၊ လိင်၊ ငွေကြေးသုံးစွဲနိုင်မှုအခြေအနေ၊ ဝယ်ယူမှုနှုန်းစတာတွေအတွက် စာရင်းဇယားနဲ့ သေချာသိအောင်လုပ်ရပါတယ်။

သင့်လုပ်ငန်းအတွက် အဲ့လိုစာရင်းဇယားမလုပ်မိထားဘူးလား? ဒါဆို အခုပဲ Market Research စလုပ်လိုက်ပါနော်။

အဲ့တာဆို ဘယ် product က အားနည်းချက်ရှိတယ်။ ဘယ်အရာတွေလိုသေးလဲ? ဆိုတာကို အသေးစိတ်သိရှိလာနိုင်ပါတယ်။

၃။ SMART formula သုံးပြီး Goals သတ်မှတ်ပါ။

သင် မသိသေးတဲ့တစ်နေရာကို သွားတော့မယ်ဆို မြေပုံမသိဘဲ သွားလို့မရဘူးနော်။ သွားရမဲ့ ပန်းတိုင်ကိုလည်း သေချာ သတ်သတ်မှတ်မှတ်ထားရပါတယ်။ တိကျတဲ့ ပန်းတိုင်မရှိဘဲ ROI (return on investment) ကို ခပ်မြင့်မြင့် မှန်းလို့ရမှာမဟုတ်ဘူးနော်။ တိကျတဲ့ သင့်လုပ်ငန်းရဲ့ Goals ကို SMART သုံးပြီး ဖန်တီးလိုက်ပါ။

S = Specific (တိကျရမယ်)

M = Measurable (တိုင်းတာလို့ရရမယ်)

A = Attainable ( ရယူနိုင်စွမ်းရှိရမယ်)

R = Relevant (ဆက်စပ်မှုရှိရမယ်)

T = Time-bound (အချိန်လောက်ငှမှုရှိရမယ်)

လုပ်ငန်းရဲ့ Goal ကို အများကြီး သတ်မှတ်ထားလို့မရပါဘူး။ တိတိကျကျ နဲ့ သေချာသတ်မှတ်ရပါတယ်။

အကြီးကြီးတွေပဲ လျှောက်ပြောလို့မရပါဘူး။ အရင်လက ဘယ်လောက်ရခဲ့တယ် ဆိုတာကိုအခြေခံပြီး ဘယ်လောက်ရအောင်ကြိုးစားမယ်ဆိုတဲ့ တွက်ထုတ်နိုင်စွမ်းရှိရပါမယ်။

မမှီနိုင်တဲ့ပန်းတိုင်လည်းမဖြစ်စေပါနဲ့။

တစ်လွဲမဆိုင်တဲ့ ပန်းတိုင်တွေလည်းမဖြစ်စေနဲ့နော်။

Marketing plan က တစ်နှစ်အတွင်းလို့ သ​တ်မှတ်ထားရင် တစ်နှစ်နဲ့ရယူနိုင်စွမ်းရှိရပါမယ်နော်။

၄။ နည်းဗျူဟာ သတ်မှတ်ပါ။

Goal ကို သတ်မှတ်ပြီးပြီဆိုရင် အဲ့ပန်းတိုင်ကို ဘယ်လိုရောက်အောင်သွားမလဲ ဗျူဟာတွေချရပါမယ်။ ဥပမာ - သင့်ရဲ့ Goal က ၃ လအတွင်း ၃၀ ရာခိုင်နှုန်းတိုးချင်တာဆိုရင် Discount Strategy တွေချမလား? Campaign လုပ်မလား? Content Marketing Strategy ဆွဲမလား? သေချာ သုံးသပ်ပြီး ဆုံးဖြတ်ချက်ချရပါတယ်။

Goals တွေကို သေချာဆုံးဖြတ်ပြီးတာနဲ့ Strategy တွေအတွက် Brain Storming လုပ်ရတာလွယ်သွားပါလိမ့်မယ်။

၅။ Budget ကို သတ်မှတ်ပါ။

Goals တွေကို အရယူဖို့ ဆုံးဖြတ်ထားတဲ့ Strategy နဲ့ ပတ်သက်ပြီး တိကျတဲ့ Budget အသုံးစရိတ်တွေကို ချမှတ်ရပါတော့မယ်။

အဲ့တော့ နည်းဗျူဟာ ကို စချကတည်းက ခန့်မှန်း Budget ကို အရင်တွက်ရပါတယ်။ ပြီးတော့ ဘယ်အချိန်မှာ

ဘာအတွက် ငွေပေး​ေချမယ်ဆိုတဲ့ Budget plan ကိုပါ ချမှတ်ရပါတယ်။ ဒါမှ မကုန်သင့်တာတွေအားလုံး မကုန်တော့မှာဖြစ်ပါတယ်။

အခုဆို အဆင့် (၅) ဆင့်တည်းနဲ့ Marketing Plan တစ်ခုကို ဖန်တီးနိုင်ပြီနော်။

အခု တကယ့်အဆင့်မြင့် Marketing plan တိုင်းမှာပါ​လေ့ရှိတဲ့အရာတွေကို ​ဖော်ပြပေးသွားပါ့မယ်။

၁။ လုပ်ငန်းအကြောင်း အကျဥ်း

၂။ လုပ်ငန်းရဲ့ ပရောဂျက်များ

၃။ စျေးကွက်ပစ်မှတ်နေရာများ

၄။ စျေးကွက် နည်းဗျူဟာများ

၅။ ငွေကြေးသုံးစွဲမှု အစီအစဥ်

၆။ မားကတ်တင်း ပြုလုပ်မည့် channel များပဲဖြစ်ပါတယ်။

Marketing Plan ဟာ လုပ်ငန်းတိုင်းအောင်မြင်နိုင်ဖို့အတွက် အင်မတန်အရေးကြီးလှပါတယ်။ လုပ်ငန်းတစ်ခု စနစ်တကျ တည်တံ့နေဖို့အတွက်လည်း Marketing Plan က ကူညီပေးတာမို့ စီးပွားရေးလုပ်ငန်းအတွက် ဒီအဆင့် (၅) ဆင့်သုံးပြီး Marketing Plan ဖန်တီးလိုက်တော့နော်။

Written by

Khine T.d