ကျရှုံးမှုတွေမရှိတဲ့အောင်မြင်ခြင်းက ခမ်းနားတဲ့အောင်မြင်မှုလား?? 🤔

ကျရှုံးခြင်းဆိုတဲ့စကားလုံးဟာ လူတွေအတော်များများကြောက်ရွံ့ကြတဲ့ စကားလုံးတစ်လုံးဖြစ်ပါတယ်။ လူ​တွေအားလုံးကအောင်မြင်ချင်ကြတယ်။ ကျရှုံးချင်တဲ့လူတစ်ယောက်မှမရှိဘူး။ ဒါပေမယ့် ဒီစာကိုရေးတာဟာကျရှုံးချင်စိတ်တွေပေါ်လာစေချင်တဲ့ ရည်ရွယ်ချက်နဲ့ရေးသားတာလားဆို​တော့ ....

ဟုတ်ပါတယ်။ လူတွေကိုကျရှုံးစေချင်တယ်။ ဒါမှအောင်မြင်မှုအရသာကိုပြည့်ပြည့်ဝဝ ခံစားနိုင်မှာပေါ့။

မြန်မြန်နဲ့ဆိုးဆိုးရွားရွား ကျရှုံးစေချင်တယ်။ ဒါမှ အောင်မြင်မှုတွေကို လျင်လျင်မြန်မြန်ရစေမှာဖြစ်ပြီး မွန်မြတ်တဲ့၊ လူတကာလေးစားအတုယူချင်တဲ့ အောင်မြင်မှုမျိုးကိုရရှိမှာပေါ့။

ကျရှုံးခြင်းတွေဟာလူ့ဘဝတစ်လျှောက်မှာ မဖြစ်မနေတွေ့ရတဲ့အရာမျိုးတွေဖြစ်တယ်။ ကိုယ်ကအစွမ်းကုန်ပေးပြီးကြိုးစားပေမယ့်လည်း ကိုယ်ဖြစ်ချင်တာတွေဖြစ်မလာတာ ကိုအမြဲတစေကြုံရမှာဖြစ်တယ်။

ဒါပေမယ့် ဒီလို ကျရှုံးခြင်းတွေကကိုယ့်ရဲ့တကယ့်ကျရှုံးမှုတွေလား...?

လုံးဝမဟုတ်ပါဘူး။ ကျရှုံးမှုဒဏ်ကြောင့် ကိုယ်လုပ်နေတဲ့ အရာတွေပေါ်မှာ လက်လျှော့လိုက်တာက တကယ့်ကျရှုံးမှုစစ်စစ်ပါ။ ကိုယ့်ကိုယ်ကို လက်လျှော့လိုက်တာက ကျရှုံးမှုပါ။

ကျရှုံးမှုတွေကို ကြုံနေရပေမယ့် "ငါတစ်နေ့အောင်မြင်မှာ" ဆိုပြီး ကိုယ့်ကိုယ်ကို ယုံကြည်ဖို့ကသာပဓာနဖြစ်ပါတယ်။

လူတွေကတော့ကျရှုံးခြင်းကိုမကောင်းတဲ့ အရာကြီးတစ်ခုလို့မြင်ကြတယ်။ တကယ်တော့ကျရှုံးတာကအောင်မြင်တာ ထက်တောင် ပိုအကျိုးရှိတယ်လို့ပြောလို့ ရနိုင်တယ်။

ကျရှုံးခြင်းတွေကပေးတဲ့ သင်ခန်းစာတွေကို မှန်မှန်ကန်ကန် ယူတတ်ဖို့နဲ့ ဘယ်တော့မှလက်မလျှော့တဲ့ စိတ်ဓာတ်ကသာအောင်မြင်မှုကိုဆွတ်ခူးနိုင်စေမှာပါ။

ကျရှုံးမှုကလူကိုသန်မာစေတယ်။ မခံချင်စိတ်တွေကိုဖန်တီးပေးတယ်။ အမှား​တစ်ခုလုပ်မိတဲ့အတွက် ဘဝမှာ ကိုယ်လုပ်နိုင်ချေရှိတဲ့ အမှားအရေအတွက် စုစုပေါင်းထဲကတစ်ခုကို လျှော့ချပေးလိုက်တာနဲ့တူတူပါဘဲ။

ကျရှုံးခြင်းက အကောင်းမြင်တတ်တဲ့စိတ်ဓာတ်တွေကို မွေးမြူပေးတယ်။ ကျရှုံးခြင်းက ကိုယ့်ကိုယ်ကိုပြန်ထူထောင်နိုင်ခြင်းဆိုတဲ့ အစွမ်းသတ္တိတွေကို ပေးဆောင်နိုင်တယ်။ ကျရှုံးခြင်းက ကိုယ့်မှာရှိတဲ့ဟာကွက်တွေ၊ အားနည်းချက်တွေကို ကွက်ကွက်ကွင်းကွင်း မြင်လာစေနိုင်တယ်။ ​အမှားကိုပြင်ရမယ်ဆိုတဲ့ စိတ်ဓာတ်တွေဖန်တီးပေးတယ်။

ဒီလောက်တောင် အကျိုးကျေးဇူးတွေ အများ​

ကြီးပေးနိုင်တဲ့ ကျရှုံးခြင်းဆိုတဲ့အရာကြီးကို ဘာလို့ကြောက်ရွံ့နေကြတာလဲ? ဘာလို့ မကျရှုံးဘဲနေကြမလဲ?

ကျရှုံးပါ။ ထပ်ခါထပ်ခါ မြန်မြန်ဆန်ဆန် ကျရှုံးပါ။

အသစ်အသစ်သောအရာတွေကို စမ်းလုပ်ကြည့်နေပါ။ သတ္တိရှိကြပါ။ ကိုယ့်ကိုယ်ကို ယုံကြည်မှုရှိကြပါ။ ဘယ်တော့မှအရှုံးမပေးပါနဲ့။ အိပ်မက်မက်ပါ။ ကိုယ့်အိပ်မက်တွေကို အကောင်အထည်ဖော်ပါ။ စွန့်စားပါ။

"ကျရှုံးမှုတွေကတစ်ဆင့်ရတဲ့သင်ခန်းစာတွေကို စုစည်းပြီး ခမ်းနားတင့်တယ်တဲ့ အောင်မြင်မှု ကိုဆွတ်ခူးကြပါ။''

--- "There is only one thing that makes a dream impossible to achieve: THE FEAR OF FAILURE'' --- Crd

Written by

အလှလေး