သင်တို့ရော မကောင်းမှန်းသိသိလျှက်နဲ့ အတွေးတွေလွန်ခဲ့ဖူးကြပါသလား .. 🧐

 

ကျွန်တော်တို့ရဲ့စိတ်တွေက အင်မတန်မှ ဆန်းကြယ်တဲ့အရာဖြစ်ပေမယ့် တစ်ခါတလေမှာတော့ ထိန်းချုပ်မရဖြစ်တတ်တတ်ပါတယ်။ စိတ်ကြောင့်သာ အတွေးအခေါ်ဆိုတာ ဖြစ်တည်လာပြီး၊ လူသားတွေဟာ တခြားသက်ရှိတွေထက် သာလွန်တဲ့မျိုးစိတ်ဖြစ်လာတယ်ဆိုတာ အငြင်းပွားစရာမရှိပါဘူး

သို့ပေမယ့်လည်း စိတ်ဆိုသည်မှာ အကောင်းတွေချည်း အကျိုးပေးနေသည်တော့မဟုတ်ပေ။ တချို့‌သူတွေအတွက် စိတ်ဟာ ကိုယ်တိုင်တောင် မထိန်းလိုက်နိုင်ဘဲ ဆိုးရွားတဲ့အတွေးတွေ၊ မလိုအပ်တဲ့အတွေးတွေ၊ ဒုက္ခရောက်စေမယ့် အပျက်သဘောဆောင်တဲ့အတွေးတွေကိုလည်း ဖြစ်စေတတ်ပါတယ်။

ဒါကြောင့်ပဲ ကျွန်တော်တို့ အတွေးလွန်သွားတဲ့အခါ ကောင်းကျိုးထက် ဆိုးကျိုးကပိုများတဲ့အချိန်တွေ ကြုံတွေ့ရခြင်းမဟုတ်ပါလား

ဒီနေ့မှာတော့ အတွေးလွန်ခြင်းကြောင့် ဘယ်လိုအန္တရာယ်တွေရှိနိုင်သလဲဆိုတာနဲ့ အတွေးမလွန်အောင် ဘယ်လိုထိန်းချုပ်ကြမလဲဆိုတာကို ကျွန်တော်က မျှဝေပေးသွားမှာဖြစ်ပါတယ်။

Designed by Pyae Paing

Written by Htoo Aung Zaw

အလွန်အမင်းစိုးရိမ်ပူပန်ခြင်း

အတွေးတွေဟာ ဝမ်းနည်းမှု၊ ဒေါသ၊ ကြောက်လန့်ခြင်း စတဲ့ခံစားချက်တွေကို ဖြစ်ပေါ်စေပါတယ်။ အတွေးလွန်သူဟာ ခံစားချက်ပိုများပါတယ်။ ဒါကြောင့် အလွန်အမင်း စိတ်ပူတတ်သူတွေဟာ အတွေးလွန်တဲ့သူတွေပါပဲ

သူတို့ဟာ စိတ်ထဲမှာ ဖြစ်မလာသေးတဲ့ကိစ္စတွေကို ကြိုတင်စဉ်းစားမိနေတတ်ပြီး ရာချီတဲ့ဖြစ်နိုင်ချေတွေကို တွေးပူမိပါတော့တယ်။ အနာဂတ်ကို ကြိုတွေးနေတဲ့အတွက် ပစ္စုပ္ပန်မှာ စိတ်ကရှိမနေတော့ဘဲ ပူလောင်စရာတွေ အလိုလို‌ရောက်လာပါတယ်။

ပုံမှန်စိုးရိမ်ပူပန်ခြင်းကနေ နောက်ဆုံးမှာ သတ်သေဖို့အထိ အတွေးတွေပါ ဝင်လာတတ်တာဟာ ကြောက်စရာပါပဲ အတွေးလွန်ခြင်းကနေ ကိုယ့်ကိုယ်ကိုယ် သတ်သေသွားသူပေါင်းများစွာရှိတာဟာ သတိပြုစရာပါ.  

စိတ်ဓာတ်ကျခြင်း

အနာဂတ်ကိုကြိုတွေးတာကြောင့် စိုးရိမ်ပူပန်ရသလို အတိတ်မှာပိတ်မိနေတာကြောင့်လည်း စိတ်ဓာတ်ကျလာနိုင်ပါတယ်။ တချို့သူတွေဟာ သူတို့ရဲ့အတိတ်ကအမှောင်ထုကို တစ်သက်လုံးပွေ့ပိုက်ထားတတ်ကြတယ်။ “ငါသာ အဲဒီလိုမလုပ်ခဲ့ရင်” ဆိုတဲ့အတွေးတွေဝင်ပြီး အမြဲ နောင်တတွေနဲ့ပဲ နေထိုင်ကြပါတယ်။
“___ခဲ့ရင်၊ ____မ_ခဲ့ရင် ” ဆိုပြီးတွေးနေတာက ပြောင်းလဲလို့မရနိုင်တော့တာကို လက်မခံတာပါ။ စိုးရိမ်ပူပန်ခြင်းကဲ့သို့ပဲ စိတ်ဓာတ်ကျရာကနေ ‌Suicide ဖို့အထိ တွန်းပို့နိုင်တဲ့ အခြေအနေတစ်ခုဖြစ်လာနိုင်ပါတယ်။  

အိပ်မပျော်နိုင်ခြင်း

အိပ်ချင်နေပေမယ့် အတွေးပေါင်းစုံ ခေါင်းထဲရောက်ရောက်လာတာကြောင့် အိပ်မရတာမျိုး ကြုံဖူးကြတယ်မဟုတ်လား။

အိပ်မရခြင်းရဲ့ အဓိကတရားခံဟာ အိပ်မပျော်မှာကိုစိုးရိမ်တဲ့စိတ်ပါ။ ဒီအချက်ဟာ အလွန်အရေးကြီးတဲ့အချက်ဖြစ်ပါတယ်။ ဘာကြောင့်လဲဆိုတော့ ကျွန်ဝောာ်တို့အားလုံး နေ့ခင်းဘက်မှာ ကျန်းကျန်းမာမာနေထိုင်နိုင်ဖို့ဆိုတာ အိပ်စက်အနားယူထားမှသာ ဖြစ်နိုင်တာပါ

တွေးလေ အိပ်မရလေ၊ အိပ်မရလေ တွေးလေနဲ့ အဆုံးမသတ်နိုင်တော့ဘဲ မနက်မိုးလင်းသွားတဲ့နေ့တွေ များလာရင် ကျန်းမာရေးကိုသိသိသာသာ ထိခိုက်လာမှာပါ။  

တုံ့ဆိုင်းခြင်း

အတွေးလွန်ခြင်းဟာ ကျွန်တော်တို့ရဲ့ ဆုံးဖြတ်ချက် ချနိုင်စွမ်းကို ကျဆင်းစေပါတယ်။ အတွေးလွန်သူမို့ စိတ်ထဲမှာ ရွေးချယ်စရာတွေများနေမှာပါ။ ဘယ်အရာကို ရွေးချယ်ရမလဲဆိုတာ ဝေခွဲမရဖြစ်လာပါလိမ့်မယ်။

အတွေးပေါင်းစုံကြောင့် တုံ့ဆိုင်းပြီးဆုံးဖြတ်ချက်မချနိုင်တဲ့အခါ အခွင့်အရေးပေါင်းများစွာကိုလက်လွှတ်လိုက်ရပါတယ်။ တကယ်တမ်းမှာ အောင်မြင်လာနိုင်တဲ့ လုပ်ငန်းတွေဟာလည်း သံသယတွေကြောင့် အကောင်အထည်ပေါ်မလာနိုင်တော့ပါ။

အတွေးလွန်တာဟာ လူတစ်ယောက်ကို လုံးဝကျရှုံးသွားစေနိုင်ပါတယ်။ ဒါဆို ကျွန်တော်တို့ ဘယ်လိုထိန်းချုပ်ကြမလဲ။ 

 အတွေးမလွန်အောင် ဘယ်လိုထိန်းချုပ်ကြမလဲ

ပြဿနာအများစုရဲ့အရင်းအမြစ်ဟာ တွေးလွန်းတာကြောင့်ပါ။ ဒါပေမယ့်လည်း အတွေးမလွန်အောင် ထိန်းချုပ်ဖို့ နည်းလမ်းတွေရှိပါသေးတယ်။ အဲဒီထဲကမှာ သင့်ဝောာ်မယ့် နည်းလမ်း (၃) ခုကို ကျွန်ဝောာ်မျှဝေပေးပါ့မယ်။

တရားထိုင်ခြင်းက စိတ်ကိုငြိမ်သက်စေဖို့ အရိုးရှင်းဆုံးဆေးပါပဲ။

လေ့ကျင့်ခန်းပုံမှန်လုပ်ခြင်းဖြင့်လည်း စိတ်ကိုထိန်းထားနိုင်ပါတယ်။

နောက်ဆုံးတစ်ခုက သိပ်အံ့ဩဖို့ကောင်းပါတယ်။ မိမိအခန်းကိုမိမိ ပုံမှန်ရှင်းခြင်း၊ ‌သပ်ရပ်စွာပြင်ဆင်ထားခြင်းကလည်း အတွေးလွန်တာကို ထိန်းချုပ်နိုင်ပါတယ်တဲ့။

ဒီနည်းလမ်းတွေဟာ ချက်ချင်းသိသာလာမယ့် နည်းလမ်းတွေမဟုတ်တာမလို့ Beatrixers တို့အနေနဲ့ စိတ်ရှည်ဖို့တော့လိုပါမယ်။ အကျိုးသက်ရောက်မှုရှိတဲ့အရာတိုင်းဟာ အချိန်တော့ယူရတယ်မဟုတ်ပါလား။ ‌