" Failure is an option here. If things are not failing, you are not innovating. "🌀

 " Failure is an option here.

If things are not failing, you are not

innovating. "

ဒီစကားကို ပြောခဲ့တဲ့သူက စွန့်ဦးတီထွင်လုပ်ငန်းရှင်တစ်ဦး ဖြစ်တဲ့ Elon Musk ဖြစ်ပါတယ်။ Elon Musk ဟာ Space X , PayPal , Tesla company တွေရဲ့ Founder တစ်ဦးဖြစ်ပါတယ်။ Space X ဆိုတာက အာကာသယာဉ် တွေ ထုတ်လုပ်တဲ့ company ကြီးတစ်ခုဖြစ်ပါတယ်။ PayPal ကတော့ တစ်ကမ္ဘာလုံး အသုံးပြုလို့ရတဲ့ mobile ငွေပေးချေစနစ်ပါ။ Tesla ကတော့ ပထမဆုံး မောင်းသူမဲ့ လျှပ်စစ်ကားတွေ ထုတ်လုပ်ခဲ့တဲ့ car company ကြီးတစ်ခုဖြစ်ပါတယ်။ ဒီလိုကြီးကျယ်ခမ်းနားအောင်မြင်နေတဲ့ သူတစ်ယောက်က သူ့ဘဝကို ဘယ်လိုဖြတ်သန်းခဲ့တယ်ဆိုတာကိုရော beatrixers တို့သိချင်ကြမယ်ထင်ပါတယ်။

ဆိုတော့ ဒီနေ့ Beatrix ကနေ ပြီးတော့ Elon Musk အကြောင်းကို ပြောပြပေးသွားချင်ပါတယ်။

Elon Musk ကို 1971, June 28 မှာ တောင်အာဖရိက အတွင်းမွေးဖွားခဲ့ပါတယ်။ အဖေက အာဖရိကသားဖြစ်ပြီးတော့ အမေက ကနေဒါ နိုင်ငံသူဖြစ်ပါတယ်။ ဒီလို အခြေအနေမတူတဲ့ မိဘ နှစ်ပါးကနေ မွေးဖွားလာခဲ့တာဖြစ်တာကြောင့် Musk ဟာ ငယ်ငယ်တုန်းက နည်းပညာနဲ့ ထိတွေ့ခွင့်မရခဲ့ပါဘူး။ ဒါပေမယ့် သူ10နှစ်အရွယ်မှာတော့ မိဘနှစ်ပါးကွာရှင်းခဲ့ကြပါတယ်။ အဲ့ဒီအချိန်ကစပြီးတော့ Musk ဟာ နည်းပညာနဲ့ စထိတွေ့ခွင့်ရခဲ့ပြီး ကွန်ပျူတာကို လည်း ကျွမ်းကျွမ်းကျင်ကျင် သုံးတတ်တဲ့အထိ နည်းပညာကိုစိတ်ဝင်စားမှု အားကြီးခဲ့ပါတယ်။ သူကိုယ်တိုင် self-study လုပ်ရင်းနဲ့ Programming ကို လေ့လာခဲ့ပြီးတော့ 12နှစ်သား အရွယ်မှာပဲပထမဆုံး software game တစ်ခုကို ဖန်တီးနိုင်ခဲ့ပါတယ်။ ပြီးတော့ အဲ့ software game ကို ကွန်ပျုတာ company တစ်ခုကို ရောင်းခဲ့ပါတယ်။

Musk အသက် 17မှာ Queen's University တက်ဖို့အတွက် ကနေဒါကို ပြောင်းရွှေ့ခဲ့ပါတယ်။ နောက်1992 မှာတော့ business and physics ကိုလေ့လာဖို့အတွက် Pennsylvania universityကိုပြောင်းရွှေ့ခဲ့ပါတယ်။ ပြီ့းတော့ ကယ်လီဖိုးနီးယား Standford University မှာ Physics နဲ့PhD ဘွဲ့ကို ယူခဲ့ပါတယ်။

1995 မှာ သူ့အကို Kimbal Musk နဲ့အတူ သူ့ရဲ့ ပထမဆုံး company ဖြစ်တဲ့ Zip2 ကိုတည်ထောင်ခဲ့ပါတယ်။ Zip2 ကဘာလုပ်ပေးလဲဆိုတော့ မြို့ပြတွေမှာ သွားရလာရ လွယ်ကူစေအောင် guide လုပ်ပေးတဲ့ company တစ်ခုဖြစ်ပါတယ်။ နောက်လေးနှစ်အကြာမှာတော့ Compaq Computer Corporation ကနေ Zip2ကို $307 millions ပေးပြီးတော့ ဝယ်ယူခဲ့ပါတယ်။ ဒါကတော့ Musk မီလျံနာ စဖြစ်လာခဲ့တဲ့ ခြေလှမ်းတစ်ခုပါပဲ။

သိပ်မကြာခင်မှာပဲ Musk ဟာZip2ကိုရောင်းလို့ရတဲ့ငွေတွေနဲ့ Online payment company တစ်ခုကိုတည်ထောင်ခဲ့ပါတယ်။ အစပထမထောင်တုန်းက X.com လို့ခေါ်ကြပေမယ့် နောက်ပိုင်းမှာတော့ PayPal ဆိုပြီးတော့လူသိများလာခဲ့ပါတယ်။ PayPal ဟာအရမ်းအောင်မြင်လာခဲ့ပါတယ်။ ဒါကြောင့်မို့လို့ 2002မှာ ebay ကနေ ပြီးတော့ $1.5 billions နဲ့ PayPal ကိုဝယ်ယူခဲ့ပါတယ်။ ဒီလိုနဲ့ပဲ Musk ဟာ ဘီလျံနာတစ်ယောက်ဖြစ်လာခဲ့ပါတယ်။ ဒါပေမယ့် သူကရပ်တန့်‌မနေခဲ့ပါဘူး။

2002ခုနှစ်မှာပဲ Space Exploration Technologies Corporation ဖြစ်တဲ့ Space X ကိုတည်ထောင်ခဲ့ပါတယ်။ Space X က အာကာသကိုသွားရောက် စူးစမ်းလေ့လာနိုင်ဖို့အတွက် လိုအပ်တဲ့ အာကာသယာဉ်တွေကို တည်ဆောက်ပေးတဲ့ company တစ်ခုဖြစ်ပါတယ်။ Space X ဟာ NASA အပြင် အာကာသကို ကိုယ်တိုင်ထိန်းချုပ်မှု နဲ့ သွားရောက်ခွင့်ရှိတဲ့ တစ်ခုတည်းသော Corporation တစ်ခုဖြစ်ပါတယ်။

နောက် ပြီးတော့ Musk ဟာTesla Motors ရဲ့ co-founder and CEO တစ်ယောက်ဖြစ်ပါတယ်။ Tesla ကိုတည်ထောင်ခဲ့တဲ့ အကြောင်းအရင်းကတော့ ပတ်ဝန်းကျင် ညစ်ညမ်းမှု ကိုလျှော့ချနိုင်ဖို့အတွက် လျှပ်စစ်အားသုံးကား တွေကို ထုတ်လုပ်ဖို့ဖြစ်ပါတယ်။ အစကတော့ လျှပ်စစ်အားသုံးကားတွေကိုသာထုတ်လုပ်ခဲ့ပေမယ့် အခုချိန်မှာတော့ မောင်းသူမဲ့ system ကိုပါထည့်သွင်းလာခဲ့ပါတယ်။ ဒါကြောင့်မို့လို့ Tesla ဟာ နည်းပညာအမြင့်ဆုံးနဲ့ တန်ဖိုးအကြီးဆုံး၊ $342 Billions တန်ဖိုးရှိတဲ့ car company ကြီးတစ်ခုဖြစ်လာခဲ့ပါတယ်။

လက်ရှိအချိန်အထိတော့ Elon Musk ဟာကမ္ဘာ့ အချမ်းသာဆုံး လူစာရင်းမှာ နံပါတ် (၄) နေရာက နေ ရပ်တည်နေဆဲပါပဲ။

ဒါကတော့ Elon Musk အကြောင်းနဲ့ ပက်သက်ပြီး အတိုချုပ်ပြောပြလိုက်တာပါ။

‌သူ့ရဲ့ လုပ်ရပ်တွေကို အနှစ်ချုပ်ရမယ်ဆိုရင် Elon Musk ဟာ စီးပွား‌ရေးတစ်ခုလုပ်ရင် ရပ်တန့်မနေဘဲ ရှေ့တက်တိုးလုပ်တတ်တဲ့အကျင့်ရှိတာရယ်၊ innovative ideas တွေနဲ့ ကိုယ့် စီးပွားရေးကိုကောင်းကောင်း လည်ပတ်နိုင်တာရယ်၊ စသဖြင့် တွေ့ရမှာပါ။

Beatrixer တို့ရော Elon Musk လိုမျိုး စွန့်ဦးတီထွင်ပြီး စီးပွားရေးထောင်ချင်တဲ့စိတ်ကူးမျိုးရှိကြလား၊ ဒါဆိုရင် Elon Musk ရဲ့အကြောင်းတွေကို နမူနာထားပြီး ပိုလေ့လာစေချင်ပါတယ်နော်။ ဖတ်ရှုပေးတဲ့သူအားလုံးကို Beatrix ကနေ ကျေးဇူးအများကြီးတင်ပါတယ်။

Written by

Aung Myat Htet