🧐 သင်ဘာကြောင့် TEDx talks ကို နားထောင်သင့်သလဲ ...❓

Hello Welcome from Beatrix

ဒီစာကိုဖတ်နေတဲ့သူ တွေထဲမှာ TEDx talks ကို သိတဲ့သူလည်းပါမှာ ဖြစ်သလို မသိတဲ့သူလည်းပါနိုင်ပါတယ်။ ဒါကြောင့် ကိုယ်က TEDx talks ကိုတော့နားထောင်ဖူးတယ် ဒါပေမယ့် အမှုမဲ့အမှတ်မဲ့ပဒ နားထောင်ခဲ့ဖူးတယ် ဆိုတဲ့ လူတွေရော၊ ကိုယ်က TEDx talks ကိုတော့ တစ်ခါမှ မကြားဖူးဘူး၊နားလည်းမထောင်ဖူးဘူး၊ ဆိုတဲ့သူတွေအတွက်ပါ ဒီစာကအကျိုးရှိ‌စေမယ်လို့ယုံကြည်ပါတယ်။

ကျွန်တော်ဆို့ ဆက်ကြည့်လိုက်ရအောင် ..

Reference link

https://www.google.com/url?sa=t&source=web&rct=j&url=https://blog.learningpeople.com/6-reasons-students-should-watch-ted-talks&ved=2ahUKEwjv6vrJkejtAhWqxDgGHZxUBDEQFjAIegQIKRAE&usg=AOvVaw2V2ENq5_wEXeJzEEeeFWQh

 

အရင်ဆုံး TED talks အကြောင်းကိုပြောပြချင်ပါတယ်။ TED talks ဆိုတာက Technology, Entertainment, Design စတဲ့ နယ်ပယ်ပေါင်းစုံကနေ topic အမျိုးမျိုးနဲ့ သက်ဆိုင်ရာကျွမ်းကျင်တဲ့သူတွေက
နေ ဝေမျှပေးနေတဲ့ short and powerful presentation ပုံစံပဲဖြစ်ပါတယ်။ 1984 ခုနှစ်မှာ Chris Anderson ကစတည်ထောင်ခဲ့ပြီးတော့ nonprofit community တစ်ခုဖြစ်ပါတယ်။ ဒါဆို ဘာလို့ TEDx talks ကိုနားထောင်ကြည့််သင့်တာလဲ

Improvement of English skill

- သင်ဟာ အင်္ဂလိပ်စာ လေ့လာနေတဲ့သူတစ်ယောက်ဆိုရင်တော့ TEDx talks ကိုနားထောင်ကြည့်ဖို့ လုံးဝ recommend ပေးချင်ပါတယ်။ အထူးသဖြင့် business english လေ့လာနေတဲ့သူတစ်ယောက်ဆိုရင်တော့ TEDx talks ကို နားထောင်သင့်ပါတယ်။ ဘာလို့ဆိုတော့ TEDx talks မှာ ပြောတဲ့ english စာအသုံးအနှုန်းတွေက formal ကျပါတယ်။ တစ်ခါတလေ အတွေ့အကြုံကနေ ပြောပြတဲ့အကြောင်းတွေ ဆိုရင်လည်း daily conversation သဘောမျိုး လေ့လာလို့လည်းရပါတယ်။ ပြီးတော့ vocabulary အသစ်ကို တကူးတက ကျက်နေစရာမလိုပါဘူး။ တစ်နေ့ကို TEDx talks တစ်ပုဒ်လောက်နားထောင်ရင်းနဲ့ new vocab လေးတွေ နည်းနည်းစီ လေ့လာလို့ရပါတယ်။ ဒီနည်းလမ်းဟာ effective ဖြစ်တဲ့ နည်းလမ်းတစ်ခုလည်းဖြစ်ပါတယ်။

- အကြောင်းအရာနဲ့ ယှဉ်တွဲပြီးသုံးတဲ့ အတွက် ကိုယ်ပြန်အသုံးချတဲ့ အခါမှာလည်း ပုံစံယူပြီးတော့ ပြန်သုံးလို့ရပါတယ်။ TEDx talks ကိုကြည့်ရင်းနဲ့ သိသိသာသာတိုးတက်လာမှာကတော့ listening and speaking skill ပဲဖြစ်ပါတယ်။ english လိုကို native speaker တစ်ယောက်လိုပြောတတ်ချင်ရင်တော့ TEDx talksကို ကြည့်ရင်းနဲ့ method တွေလေ့လာလို့ရပါတယ်။ listening skill ကောင်းဖို့အတွက် ဆိုရင်တော့ subtitles on ပြီးတစ်ခေါက် ၊ subtitles off ပြီးတစ်ခေါက် နှစ်ခေါက် ကြည့်ကြည့်ဖို့ အကြုံပြုချင်ပါတယ်။

Short and sweet talks:fast learning

TEDx talks အများစု ရဲ့ ကြာချိန်က 18 မိနစ်ထက်မပိုတတ်ပါဘူး။ တခြားသူတွေကတော့ 18 မိနစ်ကို တောင်အကြာကြီးလို့ ထင်ကြအုံးမှာပါ။(ကျွန်တော်အပါအဝင်)။

ဒါပေမယ့် ကိုယ်က workshop or class တစ်ခုခုကို နှစ်နာရီ အချိန်ပေးပြီးတက်လိုက်ရတာနဲ့ စာရင် TEDx talks ရဲ့ 18 မိနစ်ဆိုတဲ့ကြာချိန်က ဘယ်လောက်မှမရှိတော့ပါဘူး။ ဒီအချိန်ကို သတ်မှတ်ခဲ့တဲ့သူကတော့ TED talks ရဲ့ တည်ထောင်သူဖြစ်တဲ့ Chris Anderson ပဲဖြစ်ပါတယ်။ သူ့အဆိုအရဆိုရင် 18မိနစ်ဆိုတာ ငြီးငွေ့လွယ်တဲ့သူတွေအတွက် လုံလောက်တဲ့ကြာချိန်တစ်ခုဖြစ်သလို၊ စိတ်ဝင်စားတဲ့သူတွေအတွက်လည်း သင့်တော်တဲ့ကြာချိန်ဖြစ်ပါတယ်။

တင်ဆက်တဲ့သူတွေကလည်း အချိန်တိုတိုအတွင်းမှာ ကိုယ်တစ်ဘဝလုံးစာ အတွေ့အကြုံကနေ သေချာ analyze လုပ်ပြီးမှ ပြောတာဖြစ်တဲ့အတွက်ကြောင့် ကိုယ့်အတွက် အချိန်အလဟာသ ကုန်‌စေတော့မှာ မဟုတ်ပါဘူး။

Great content: gets you thinking

TEDx talks မှာပြောတဲ့ အကြောင်းအရာတွေက idea ပေးတာအပြင်လက်ရှိမျက်မှောက်မှာ ဖြစ်ပေါ်နေတဲ့ ပြသာနာတွေ၊ challenge တွေကိုချိန်ထိုး ပြီး ပြောတာဖြစ်တဲ့အတွက်ကြောင့် ‌TEDx talks ကိုနားထောင်ပြီးရင်တော့ အတွေးအမြင်တစ်ခု တိုးလာမှာတော့အမှန်ပါပဲ။ ပြောတဲ့အကြောင်းအရာတွေကလည်း စနစ်တကျ ပြင်ဆင်ထားတဲ့ facts တွေကိုပဲပြောတာဖြစ်တဲ့အတွက်ကြောင့် ကိုယ့်အတွက် အကျိုးရှိစေမှာဖြစ်ပါတယ်။

Presentation Skill

TEDx talks ရဲ့ အသက်ကတော့ Presentation Skill အားကောင်းမှုပါပဲ၊ stage စင်ကြီးအပေါ်မှာ ဘာ video , ဘာ animation မှ မသုံးဘဲနဲ့ ကိုယ်တစ်ယောက်တည်းရဲ့ အသံနဲ့ လူတွေအားလုံးဆီက attention ရအောင်လုပ်ရဖို့ဆိုတာ သိပ်တော့လွယ်ကူမနေပါဘူး။

ဒါပေမယ့် TEDx talks မှာလာပြောတဲ့သူတွေကတော့ လုံးဝမတုန်မလှုပ်ပဲနဲ့ လူအများကြီးရှေ့မှာ စကားပြောသွားနိုင်တဲ့သူတွေ ဖြစ်ပါတယ်။ ဒါကြောင့် ကိုယ်က TEDx talks ကြည့်တဲ့ အခါမှာ သူတို့ရဲ့စကားပြောဟန်၊ မျက်နှာအနေအထား လက်ဟန်အမူအရာ စသဖြင့် presentation တင်ဆက်တဲ့သူတစ်ယောက်မှာ လိုအပ်တဲ့ skill မှန်သမျှကို လေ့လာလို့ရပါတယ်။ ကိုယ့်မှာ အင်တာဗျူးတစ်ခုဖြေဖို့ရှိတဲ့အချိန်၊ presentation တစ်ခု လုပ်ရဖို့ဖြစ်နေတဲ့အချိန်တွေမှာ သင်က TEDx talks ကိုကြည့်ထားမယ်ဆိုရင်တော့ လူရှေ့မှာ ပြောရဲဆိုရဲ ဖြစ်နေပါလိမ့်မယ်။နောက်ပြီးတော့ ကိုယ်က Public speaking skills ကောင်းချင်တဲ့သူတစ်ယောက်ဆိုရင်တော့ TEDx talks ကိုကြည့်ပြီးတော့ လေ့လာလို့ရပါတယ်။

Watch them anywhere

TEDx talks ကြည့်ဖို့အတွက် သင့်မှာ ဖုန်းတစ်လုံးနဲ့ အင်တာနက်ရှိဖို့ပဲလိုအပ်ပါတယ်။ တခြား ‌ငွေကြေးမလိုအပ်ပါဘူး၊ တချို့ idea တွေနည်းလမ်း‌ ကောင်းတွေကို ကိုယ်တွေ ပိုက်ဆံပေးတက်ပြီးမှ သိခွင့်ရတာတွေ ရှိပါတယ်။ ဒါပေမယ့် TED talks က Nonprofit community တစ်ခုဖြစ်တဲ့အတွက် သူ့ရဲ့ service တွေအားလုံးက အခမဲ့ ဖြစ်ပါတယ်။ လာရောက်တင်ဆက်တဲ့သူတွေကလည်း Bill Gates တို့လို ပုဂ္ဂိုလ်တွေကအစ လာတာဖြစ်တဲ့အတွက်ကြောင့် ကိုယ့်အတွက် တကယ်အသုံးဝင်တဲ့ နည်းလမ်းတွေ ၊ ဗဟုသုတတွေကိုပဲပြောပြပေးမှာအသေအချာပါပဲ။

ကိုယ်တွေYBS စီးနေရတဲ့ အချိန်ခဏ‌ လေးဖြစ်ဖြစ်၊ သူငယ်ချင်းကိုစောင့်နေရတဲ့အချိန်မျိုးမှာပဲဖြစ်ဖြစ် ပေါ့ပေါ့ပါးပါး လေး ကြည့်လို့ရပါတယ်။ ကိုယ့်အချိန်ကို အကျိူးရှိရှိ သုံးတတ်ဖို့ပဲလိုပါတယ်နော်။

Various fields: Great Topic

Technology, Entertainment, Design ဆိုတဲ့ အတိုင်း TEDx talks မှာ လာရောက်ပြောတဲ့သူတွေက နယ်ပယ်ပေါင်းစုံကနေ သက်ဆိုင်ရာကျွမ်းကျင်သူတွေဖြစ်ပါတယ်။ ကိုယ်က scientific ဘာသာရပ်တွေကို လေ့လာနေတဲ့သူတစ်ယောက်၊ ဒါမှမဟုတ် business field ထဲမှာ လည်ပတ်နေတဲ့သူတစ်ယောက်ဆိုရင်တော့ TEDx talks ကိုကြည့်ရင်းနဲ့ အတွေ့အကြုံသစ်တွေ၊ innovative idea‌ တွေ ရနိုင်ပါတယ်။

တကယ်လို့သင်က content writer တစ်ယောက်ဖြစ်တယ်ဆိုရင်လည်း TEDx talks ကိုကြည့်ရင်းနဲ့ ideaကောင်း တွေရှာဖွေလို့ရပါတယ်။ ပြောတဲ့သူအများစုဟာ သူတို့ရဲ့ စကားတွေမှာဟာသ လေးတွေထည့်ပြောတတ်ပါတယ်။ ဒါပေမယ့် ကိုယ်‌တွေက english သိပ်မကျွမ်းတာကြောင့် နားမလည်ဘဲ မရယ်ရတာမျိုးတွေဖြစ်တတ်ပါတယ်။ ဒါကြောင့် english စာကောင်းအောင်လုပ်ကြပါ။

ဒါဆို psychological facts ‌တွေကိုသိချင်တာလား၊ computer science အကြောင်းတွေကို နားလည်ချင်တာလား၊ လူတွေနဲ့ ပေါင်းသင်းဆက်ဆံရေးကောင်းချင်တာလား၊ career change လုပ်ဖို့စဉ်းစားနေတဲ့သူတစ်ယောက်လား၊ ကိုယ့် စီးပွားရေးကို ဘယ်လိုချဲ့ထွင်ရမလဲစဉ်းစားနေတဲ့သူ တစ်ယောက်လား။ ဒီလိုတွေတွေးနေပြီဆိုရင်တော့ TEDx talks ကိုနားထောင်ကြည့်ပါလို့ ထပ်မံတိုက်တွန်းပါရစေ။

Get Awareness

ဒီအချက်ကတော့ ကျွန်တော်ကိုယ်တိုင် ဖြည့်စွက်ထားတဲ့ အမြင်ပါ။ အကြောင်းက TEDx talks မှာ လာရောက်ပြောတဲ့သူတွေထဲမှာ အသက်အရွ‌ယ်မျိုးစုံ ပါဝင်ပါတယ်။တချို့ အသက်၉ နှစ်၊ ၁၁နှစ်၊ ၁၄ နှစ်၊ ၁၆နှစ် စသဖြင့်ကလေး အရွယ်သာသာလေးတွေဟာ အသက်ငယ်ပေမယ့် သူတို့ရဲ့ ကျွမ်းကျင်တဲ့ နယ်ပယ်တွေမှာ ဘယ်သူ့အကူအညီမှမယူဘဲ အကောင်းဆုံးတင်ဆက် သွားနိုင်ခဲ့တာကို တွေ့ရမှာပါ။ သူတို့ရဲ့ပုံစံက တကယ့် လူကြီးတစ်ယောက်လိုပါပဲ၊ အကြောက်အလန့်မရှိဘူး
ကိုယ်ပြောချင်တာကို တည့်တည့်မတ်မတ်ပြောသွားနိုင်တယ်။ ဒီလိုကလေးတွေတွေ့ရင်တော့ ကိုယ်တွေမှာ အားကျစိတ် ဖြစ်တာတော့အမှန်ပါပဲ။ ဒီနေရာမှာ နိုင်ငံရဲ့ ပညာရေးစနစ်၊ IQ, EQ တွေကိုခဏခေါက်ထားစေချင်ပါတယ်။ အဓိကက ကိုယ်ရဲ့ လုပ်နိုင်စွမ်းနဲ့ပဲ သက်ဆိုင်တာမို့လို့ပါ။

သူတို့ကို ကြည့်ပြီးတော့ ကိုယ်တွေလည်းအများကြီးကြိုးစားပြီးခရီးဆက်ရအုံးမယ်ဆိုတာကို သတိထား‌မိစေမှာ ဖြစ်တဲ့ အတွက်ကြောင့် ကိုယ့်အတွက် motivation တစ်ခုလည်းရစေသလို၊ တွန်းအားတစ်ခုလည်းဖြစ်စေနိုင်ပါတယ်။ ဒါကြောင့် TEDx talks ကိုကြိုးစားနား‌ ထောင်ကြည့်စေချင်ပါတယ်။

တကယ်လို့ ကိုယ်ကဒီစာကိုဖတ်ပြီးတော့ အခုမှ စနားထောင်မယ့်သူဆိုရင်‌တော့ နောက်ကပုံအောက်မှာ Best TED talks 10 ပုဒ်ကို link ချပေးထားပါတယ်။ ဒီဟာတွေကို အရင်စမ်းနား‌ထောင်ကြည့်ဖို့ အကြံပြုချင်ပါတယ်ဗျ။

TEDx talks ကိုနားထောင်ခြင်းကနေ ရနိုင်တဲ့ အကျိုးကျေးဇူးတွေကို သိပြီးဖြစ်တာကြောင့် ကိုယ်တကယ်နားထောင်တဲ့အခါမှာ လည်းအရင်ထက် ပိုပြီးတော့အာရုံစိုက်နား ထောင်ဖြစ်မယ်လို့ မျှော်လင့်မိပါတယ်။

အားလုံးပဲ ၂၀၂၀ ရဲ့နှစ်ကုန်ခါမှာ ပျော်ပျော်ရွှင်ရွှင်နဲ့ နှစ်ဟောင်းကိုကုန်ဆုံးပြီး နှစ်သစ်ကိုကြိုဆိုနိုင်ပါစေလို့ Beatrix မှဆုမွန်‌ကောင်းတောင်းပေးလိုက်ပါတယ်ဗျ။

TEDxSydney https://www.google.com/url?sa=t&source=web&rct=j&url=https://tedxsydney.com/idea/top-10-ted-talks-thatll-change-your-life/&ved=2ahUKEwi9gq6GmeTtAhXYbn0KHWcbBcoQFjADegQIBBAE&usg=AOvVaw18G9v3g1t_73SkGyEIUHM-