2021 content marketing plan 🤗

 

Hello Beatrix မှ ပြန်လည်ကြိုဆိုပါတယ်။

အခုဆိုရင် 2021ရဲ့ အစောပိုင်းအချိန်‌တွေကိုရောက်ရှိနေပါပြီနော်။ ဆိုတော့ နှစ်ဟောင်းမှာ ကြုံခဲ့သမျှ အခက်အခဲ တွေပြသာနာတွေအားလုံးကိုမေ့ပြီးတော့ နှစ်သစ်မှာ စိတ်သစ်လူသစ် ဖြစ်ခြင်းနဲ့အတူ plan အသစ်တွေပါ ရေးဆွဲသင့်နေပါပြီ။ ဘယ်လို plan မျိုးလဲဆိုတော့ ကို့ယ်စီးပွားရေးကိုonline ပေါ်မှာ စနစ်ကျကျ လည်ပတ်နိုင်ဖို့အတွက် 2021 content marketing plan ပါ။ ဒါကို ကျွန်တော်က အချက် (၇) ချက်နဲ့ပြောပြပေးသွားမှာဖြစ်ပါတယ်။

Written by

Aung Myat Htet

  

1. 2021 အတွက် ကိုယ့်ရဲ့ marketing goal ကိုသတ်မှတ်ပါ။

- တကယ်လို့သင့်မှာ တိကျတဲ့ goal တစ်ခုမရှိဘူးဆိုရင် သင့်ရင်းနှီးမြုပ်နှံထားတဲ့ထဲက အကျိုးအမြတ်ပြန်ရနိုင်ဖို့ဆိုတာ မဖြစ်နိုင်ပါဘူး၊ ဒါကို ထိရောက်တဲ့ နည်းလမ်းအဖြစ်ပြောင်းလဲ ချင်ရင်တော့ ကိုယ်ရောက်ချင်တဲ့ Targetက ဘာလဲ၊ ကိုယ့်ရဲ့business goal ကဘာလဲဆိုတာကို သတ်မှတ်ရပါမယ်။

တကယ်လို့ ကိုယ့်မှာ တိကျတဲ့ သတ်မှတ်ချက်တစ်ခုမရှိဘူးဆိုရင်တော့ ဈေးကွက်ရှာဖွေလုပ်ဆောင်ချက်တွေက ဦးတည်ချက် မဲ့ပြီးတော့ ကိုယ့်စီးပွားရေးဟာ အောင်မြင်နေတာလား၊ ကျရှုံးနေတာလား ဆုံးဖြတ်ဖို့ခက်ခဲနေပါလိမ့်မယ်။

သင့်ရဲ့ goal ကိုသတ်မှတ်တဲ့အခါမှာ စဉ်းစားရမယ့် ဘောင်တစ်ခုရှိပါတယ်။

အဲ့ဒါကိုတော့ SMART (Specific, Measurable, Attainable, Relevant, Time bound ) method ဖြစ်ပါတယ်။ ကိုယ့်ရဲ့ goal ဟာတိကျရဲ့လား၊ တိုင်းတာလို့ရနိုင်လား၊ ဖြစ်နိုင်ရဲ့လား၊ ဆီလျော်ကိုက်ညီမှုရှိရဲ့လား၊ အချိန်သတ်မှတ်ထားမှုရှိရဲ့လား၊ စသဖြင့် အချက်ငါးချက်ကို ထည့်သွင်းစဉ်းစားပြီးတော့ သတ်မှတ်ရမှာဖြစ်ပါတယ်။ 

2. ကိုယ့် audienceရဲ့ အကြိုက်ကို ရှာဖွေပါ။

- content marketing plan ရေးဆွဲရာမှာ မရှိမဖြစ် လိုအပ်တဲ့အပိုင်းကတော့ ကိုယ့်ရဲ့ content က ဘယ်သူတွေကို ဦးတည်နေလဲဆိုတာကိုရှင်းရှင်းလင်းလင်းသိဖို့ပါ။

သူတို့ဆီကို ကိုယ်က ဘယ်လိုပုံစံနဲ့ချဉ်းကပ်နေတာလဲ၊ သူတို့ရဲ့ သဘောကျတဲ့ content type ပုံစံကဘာလဲ၊ formal styleမျိုးလား informal style မျိုးလား၊ သူတို့အတွက် သင့်တော််မယ့် ပုံစံ၊ ကိုယ်က သွားရမယ့်အပိုင်း ဒါတွေအားလုံးကို သိနေဖို့ လိုအပ်ပါတယ်။

ဒီလို data တွေကို စုဆောင်းပြီးတော့ ကိုယ့်ရဲ့ audienceလိုချင်တဲ့ ပုံစံကိုအဆင့်သတ်မှတ်ပေးပါ။ ဒီလိုအသေးစိတ်ကျကျ စီစဉ်သတ်မှတ်ပြီး customer type တစ်ခုစီတိုင်းအတွက် ထားရှိရမယ့်ပုံစံကို ရေးဆွဲပါ။ ဒီလိုလုပ်ခြင်းက ကိုယ့် customerတွေနဲ့ ရင်းနှီးမှုကို ပိုမိုတည်ဆောက်ပြီးတော့ ကိုယ့်ရဲ့ product အပေါ်ကိုလည်း ယုံကြည်မှု ‌ ရရှိလာနိုင်မှာဖြစ်ပါတယ်။  

3. 2021 မှာ ချပြမယ့် ကိုယ့်ရဲ့ content type ကိုစဉ်းစားပါ။

- တော်တော်များများသိကြတာက contentကို အရေးအသား ပုံစံမျိုးနဲ့ပဲသိခဲ့တာပါ။ ဒါပေမယ့် အခုနှစ်ပိုင်းတွေမှာတော့ popular ဖြစ်လာတဲ့ အခြား content format တွေအများကြီးရှိပါတယ်။ အရေးအသား ဆိုင်ရာ contentအပြင်

*Infographics
*Videos
*Podcasts
*Webinars
*Presentation

စတဲ့ content creation type ‌တွေရှိပါတယ်။ ကိုယ်ကဘယ်လို content format ကို သုံးမလဲဆိုတာကိုတော့ ကိုယ့် audience အခြေအနေကြည့်ပြီးတော့ ဆုံးဖြတ်ရမှာပါ။ ကိုယ့် audience အတွက် အကောင်းဆုံးဖြစ်စေမယ့်ပုံစံကို သုံးသင့်ပါတယ်။ ဒါပေမယ့် အခု content format တွေ အားလုံးကို စမ်းလုပ်ကြည့်ပြီးတော့ ဘယ်ဟာတွေက အဆင်ပြေဆုံးလဲ‌ဆိုတဲ့ overall results ကိုထုတ်တာကလည်း ပိုကောင်းတဲ့နည်းလမ်းတစ်ခုဖြစ်နိုင်ပါတယ်။ 

4. 2021အတွက် content calender ဖန်တီးပါ။

- ကိုယ့် audience ကိုဆွဲ‌ဆောင်ဖို့ လုပ်နေတဲ့အချိန်မှာ အရေးကြီးဆုံးအချက်က ကိုယ့်စီးပွားရေးလည်ပတ်မှုကို စနစ်တကျ ထိန်းထားနိုင်ဖို့ပါပဲ။ ကိုယ့် marketing results တွေ ကောင်းလား‌မကောင်းလား စောင့်ကြည်ဖို့ကိုလည်းအချိန်ယူရမှာ ဖြစ်သလို content ကို ဈေးကွက်မှာ လုပ်ဆောင်ဖော်ပြတဲ့အခါမှာလည်း စနစ်ကျကျနဲ့ လိုက်လျောညီထွေရှိဖို့လိုပါတယ်။

Content calender နဲ့ဆိုရင်တော့ content တွေဖန်တီးတဲ့အခါမှာလည်း ဘယ်နေ့ဘက်ရက် ဆိုတာမျိုး plan တွေဆွဲနိုင်မှာဖြစ်ပါတယ်။ ကိုယ့်ရဲ့ marketing plan ကို စိတ်ထဲက ရှင်းရှင်းလင်းလင်းနဲ့ ခန့်မှန်း တွက်ချက်ဘို့ရနိုင်သလို ကိုယ်နဲ့တူတူ လုပ်ဆောင်နေတဲ့ member တွေကလည်း အဆင်ပြေစွာနဲ့ပဲ follow လုပ်နိုင်မှာပါ။
Calendar ဆွဲတဲ့ အခါမှာ သတိထားရမယ့် အသေးစိတ်အချက်တွေကတော့

*Team member တစ်ယောက်ချင်းစီက ယူရမယ့်တာဝန်
*သုံးစွဲမယ့်ငွေကြေးပမာဏ
*Content ရေးမယ့် ပုံစံ
*Content ပုံကြမ်း အတွက် အပြီးသတ်ရမယ့်ရက်
*Content ကို audience ချပြမယ့်နေ့စွဲ
*ကိုယ့် contentကို promotion လုပ်မယ့် platform ... စသဖြင့် ဒီလိုအချက်တွေပါရပါမယ်။

ဖန်တီးတဲ့ အခါမှာ tools အနေနဲ့ကတော့ Google sheet or Excel or Coshedule စသဖြင့် သုံးလို့ရပါတယ်။ 

5. ကိုယ့်Content ရဲ့ အခြေအနေကို ပြန်ဆန်းစစ်ပါ။

- 2021 အတွက် marketing plan ဆွဲတဲ့အခါမှာ ဒါက အလုပ်ဖြစ်ခဲ့လား၊ မဖြစ်ခဲ့ဘူးလားစသဖြင့် ကိုယ် လုပ်ခဲ့တဲ့ content တွေရဲ့ performance ကို ပြန်စစ်သင့်ပါတယ်။ ဒီလို ကိုယ့်ရဲ့ လက်ရှိအခြေအနေကို နားလည်နေခြင်းက content marketing strategy ချရာမှာလည်း အကူအညီဖြစ်စေမှာပါ။

ဒီလိုပြန်သုံးသပ်တဲ့အခါမှာတော့

*Top performing content
*Low performing content
*content publishing frequency
*Ranking Keywords

... စတာတွေကို ပါစဉ်းစားရမှာဖြစ်ပါ 

6. 2021 အတွက် content promotion plan ထားပါ။

- content marketing လုပ်ဖို့အတွက် content creation အပိုင်းသာမက ကိုယ့်content တွေကို ဘယ်လို promote လုပ်ရမလဲဆိုတဲ့ အဆင့်ကိုပါ ထည့်တွက်ဖို့လိုပါတယ်။

တော်တော်များများ ထင်ကြတာကတော့ content creation နဲ့ promotion အပိုင်းကို အချိန် အတူတူ လုပ်သင့်တယ်လို့ထင်ကြပေမယ့် အမှန်ကတော့ content creation အတွက် ကိုယ့်အချိန်ရဲ့ 20% ကို သုံးသင့်ပြီးတော့ promotion အတွက် ကို 80% လောက်အထိ အသုံးပြုသင့်ပါတယ်။ Promotion အတွက် သုံးသင့်တဲ့ ပုံစံတွေကတော့ ...

* Guest posts
* Social Media
* Search engines
* Emails
* Forums
* Advertising

စသဖြင့် အသုံးချလို့ရပါတယ်။ ကိုယ့် promotion plan မှာ‌တော့ အသုံးပြုခဲ့တဲ့ ပုံစံ အရေအတွက်၊ ကိုယ် ဒီနည်းလမ်းကို ဘယ်နှခါသုံးခဲ့ဖူးတယ်၊ ဘယ်လောက်အထိ ထိရောက်ခဲ့တယ်ဆိုတာကို မှတ်ထားဖို့လိုပါတယ်။

 

7. 2021 မှာ ကိုယ်ဘယ်လောက်အောင်မြင်မှုရရှိခဲ့တယ်ဆိုတာကို တိုင်းတာရပါမယ်။

- သင် ပြုလုပ်ခဲ့တဲ့ content marketing တွေနဲ့ ပက်သက်ပြီးတော့ ကိန်းဂဏန်းတွေပါဝင်တဲ့ စာရင်းစစ်တစ်ခုကို လုပ်ရပါမယ်။ ဒီစာရင်းတွေက ကိုယ့်သတ်မှတ်ထားတဲ့ goal ရဲ့ ဘယ်လောက် percentage က အောင်မြင်မှု‌ရနေပြီလဲဆိုတာကို တိုင်းတာရပါမယ်။

ဒီ့အပြင် ကိုယ့် စီးပွားရေး ရင်းနှီးမြုပ်နှုံမှုကနေ ပြန်ရရှိတဲ့ အကျိုးအမြတ်တွေဖြစ်တဲ့ ROI (return on investment) ကိုလည်း နှိုင်းယှဉ်တွက်ချက်ဖို့လိုပါတယ်။ ဒီလို လုပ်ခြင်းအားဖြင့် business campaign တွေလုပ်တဲ့အခါမှာ အားနည်းချက်တွေကို သတိထားမိပြီးတော့ နည်းလမ်းအသစ်‌တွေကို အမြန်ဆုံး ပြောင်းလဲပစ်နိုင်မှာဖြစ်ပါတယ်။

ဒါကြောင့် marketing plan တစ်ခုဆွဲတဲ့အခါမှာ တိကျပြီးအမှားအယွင်းမရှိတဲ့ စာရင်းဇယားတွေကိုလည်း ရေးဆွဲထားရမှာဖြစ်ပါတယ်။

ကဲ ဒါဆို သူငယ်ချင်းတို့လည်း content marketing plan တစ်ခုကို ဘယ်လိုဆွဲသင့်တယ်ဆိုတာ သိလောက်ပြီထင်ပါတယ်။ အားလုံးပဲ 2021 နှစ်သစ်မှာ အောင်မြင်တဲ့ စီးပွားရေးလုပ်‌ငန်းတစ်ခုကို ကိုယ်စီတည်ထောင်နိုင်ကြပါစေလို့ Beatrix ကနေဆုမွန်ကောင်းတောင်းလိုက်ပါတယ်။

Reference Link,
https://www.google.com/url?sa=t&source=web&rct=j&url=https://www.smartinsights.com/content-management/content-marketing-strategy/how-to-create-a-content-marketing-plan/amp/&ved=2ahUKEwjBmray4PPtAhVSOisKHeYsDtwQFjAWegQIIhAB&usg=AOvVaw1Ip8dK7mdnTd0L0orZi2_J&ampcf=1&cshid=1609264948734