2021 Trending Words 🔍🔍

ကျွန်တော်တို့တစ်တွေ စကားပြောဆိုဆက်ဆံကြရာမှာ စကားလုံးတွေဟာ သိပ်ကိုအရေးပါတဲ့အခန်းကဏ္ဍကနေ ပါဝင်ပါတယ်။ ဆက်ဆံရေးကောင်းမွန်ဖို့အတွက် စကားပြောဆိုရာမှာ စကားလုံးရွေးချယ်တတ်ဖို့လည်း လိုပါသေးတယ်

ထိုစကားလုံးတွေ၊ ဘာသာစကားတွေကလည်း ရပ်တန့်မနေဘဲ အချိန်နှင့်အမျှ ပြောင်းလဲနေတာပါ။ ဒါ့အပြင် ကာလအပိုင်းအခြားတစ်ခုမှ အကြိမ်ကြိမ်အသုံးပြုရတဲ့စကားလုံးတွေလည်းရှိပါသေးတယ်။ ဥပမာ အခုလို ကာလမျိုးမှာဆိုရင် Quarantine ဆိုတဲ့စကားလုံးက သိပ်ကိုအသုံးများပါတယ်။

ဒီနေ့မှာလည်း ကျွန်တော်က ၂၀၂၁ မှာအသုံးများပြီး သတိပြုသင့်တဲ့ စကားလုံးတွေကို အဓိပ္ပာယ်နဲ့တကွ တင်ပြပေးသွားမှာပါ။ English ဝေါဟာရအသစ်တွေကိုပါ တစ်ခါတည်း လေ့လာပြီးသားဖြစ်တာပေါ့။

Vaccine

ကာကွယ်ဆေး ဆိုတဲ့စကားလုံးပါ။ ဒီနှစ်မှာ Covid-19 အတွက် ကာကွယ်ဆေးဖြန့်ဝေခြင်းတွေ ကြုံတွေ့ရမှာဖြစ်တဲ့အတွက် Vaccine ( ကာကွယ်ဆေး) ဆိုတဲ့ စကားလုံးကို မှတ်သားထားလို့ရပါတယ်

Patient Zero ( လူနာအမှန်စဉ် သုည )

Patient Zero ဆိုတာ ကူးစက်ရောဂါတစ်ခု စတင်ပြန့်ပွားမှုဖြစ်တဲ့အခါ ပထမဆုံး ကူးစက်ခံရသူကို ဆိုလိုတာပါ ️

Binge Watching

ဒါကတော့ ရုပ်ရှင်ချစ်သူတွေအတွက် သိပ်မစိမ်းတဲ့ စကားလုံးတစ်လုံးပါ။ ဒီတစ်ပိုင်းကြည့်ပြီးအိပ်မယ်ကွာဆိုပြီး Series တစ်ခုလုံးကို အစအဆုံးကြည့်မိသွားတာမျိုး ဖြစ်ဖူးတယ်မဟုတ်လား။ အဲဒီလို အချိန်တစ်ခုအတွင်း အပိုင်းတွေအများကြီး ဆက်တိုက်ကြည့်တာကို Binge Watching လို့ခေါ်ပါတယ် ️

Hangry

အစားပုတ်လေးအတွက် စကားလုံးအသစ်ပါ။ ဗိုက်ဆာတယ်ဆိုတဲ့ hungry နဲ့ စိတ်တိုတယ်‌ဆိုတဲ့ angry ကိုပေါင်းပြီး Hangry ဆိုပြီးလုပ်လိုက်တာပါ။ ဗိုက်ဆာနေလို့ စိတ်တိုတာကိုပြောတာပါပဲ

Dumped

ဝမ်းနည်းစရာပါပဲ။ တစ်ဖက်က ဆက်ချစ်နေသေးပေမယ့် တစ်ဖက်က ချစ်သူရည်းစားဆက်ဆံရေးကို အဆုံးသတ်လိုက်တာမျိုးကို Dumped လို့ပြောပါတယ်။ သဘောမကျတော့လို့ စွန့်ပစ်လိုက်တာပါပဲ။

Chillax

Chil out နဲ့ Relax နဲ့ ပေါင်းပြီး Chillax ဖြစ်လာတာပါ။ ၂၀၂၁ မှာ chillax မယ့်သူတွေ တစ်ပုံကြီးထင်ပါရဲ့

Game changer

Game changer ဆိုတာ အဖြစ်တစ်ခုလည်းဖြစ်နိုင်သလို၊ အကြံအစည်တစ်ခု လုပ်ရပ်တစ်ခုလည်းဖြစ်နိုင်ပါတယ်။ အဲဒီတစ်စုံတစ်ခုကြောင့် လက်ရှိအခြေအနေကနေ သိသိသာသာပြောင်းလဲသွားမယ်ဆိုရင် Game Changer ပါပဲ

ဥပမာ စီးပွားရေးလုပ်ငန်းတစ်ခုဟာ မထင်ထားတဲ့ကြော်ညာအစီအစဉ်တစ်ခုကြောင့် ဝုန်းခနဲလူသိများသွားပြီး ကုန်ပစ္စည်းရောင်းရနှုန်းတွေတက်လာပြီဆိုရင် အဲဒီအစီအစဉ်ကို Game changer လို့ဆိုပါတယ်။

No Biggie

နောက်ဆုံးအနေနဲ့ No Biggie တဲ့။ ဆိုလိုတာက အသေးအဖွဲလေးပါ၊ သိပ်ကိစ္စမရှိပါဘူးပေါ့။

“သူငယ်ချင်း မင်းကြိုက်နေတဲ့ကောင်မလေး ရည်းစားရသွားပြီတဲ့”

“No Biggie”

ဒါကတော့ ခပ်ရွဲ့ရွဲ့ ဥပမာပြောပြတာပါ။

“စက်ဘီးလေးခဏ စီးသွားမယ်နော် ”

“No Biggie”

ဒါမျိုးကို ဆိုလိုပါတယ်။ အားလုံးကို ကျေးဇူးတင်ပါတယ်ဗျ။ ၂၀၂၁ အတွက် စကားလုံးအသစ်အဆန်းလေးတွေ သိလိုက်ရမယ်လို့ မျှော်လင့်ပါတယ်။

Graphic Designed by May Thu Thu Kyaw

Written by Htoo Aung