Product life cycle

 

Hello Beatrix ကိုစောင့်မျှော်ဖတ်ရှုပေးနေကြတဲ့ စာဖတ်သူတို့ရေ၊ ဒီနေ့မှာတော့ Beatrix ကနေ စာဖတ်သူတို့အတွက် business marketing နဲ့ပက်သက်ပြီးတော့ စိတ်ဝင်စားဖို့ကောင်းပြီးအသုံးဝင်တဲ့ topic တစ်ခုကိုပြင်ဆင်လာခဲ့ပါတယ်။

အဲ့ဒါကတော့ "product life cycle"ဖြစ်ပါတယ်။ ထုတ်ကုန်တစ်ခုရဲ့ဖြစ်စဉ်လို့ခေါ်ပါတယ်။ ဒါကြောင့် product life cycle ဆိုတာ ကိုယ်က productအသစ်တစ်ခုထုတ်လုပ်‌ တော့မယ်ဆိုရင်ကြုံ‌တွေ့ရမယ့် စီးပွားရေးဆိုင်ရာ ဖြစ်စဉ်တွေကိုဆိုလိုဝာာဖြစ်ပါတယ်။ ဒါက ကိုယ့်company မှာ product အသစ်တစ်ခုလုပ်တော့မယ့်အချိန်ပဲဖြစ်ဖြစ်၊ ကိုယ့်နဂို product တွေကိုပိုကောင်းအောင် မွမ်းမံတဲ့အချိန်မှာပဲဖြစ်ဖြစ် အသုံးချလို့ရတဲ့ marketing strategy တစ်ခုလည်းဖြစ်ပါတယ်။ ဒါဆို အချိန်မဆွဲဘဲဆက်ဖတ်ကြည့်လိုက်ရအောင်ဗျာ။

Product life cycle မှာ-
1. Introduction
2. Growth
3. Maturity
4. Decline
ဆိုပြီးတော့အဆင့်လေးဆင့်ရှိပါတယ်။ ဒီအဆင့်တွေကတစ်ဆင့်ချင်းစီအစဉ်လိုက်ဖြစ်ပေါ်ပါတယ်။

ဒါပေမယ့် ဒီအဆင့်လေးဆင့်မလာခင်မှာ product development stage ဆိုတာအရင်လာပါ‌သေးတယ်။ ဒီအဆင့်မှာဆိုရင်

- ထုတ်ကုန်များအတွက်ဝယ်လိုအားကိုပြန်လည်သုံးသပ်ခြင်း
- မိမိအမှတ်တံဆိပ် brand ရဲ့အမြင်ကိုသတ်မှတ်ခြင်း
- မိမိbrand ရဲ့ပြိုင်ဘက်ကို သုံးသပ်ခြင်း
- စားသုံးသူတို့ရဲ့ အပြုအမူလိုအပ်ချက်များကိုဦးစားပေးနားလည်ခြင်း

ဆိုတဲ့အကြောင်းအရာတွေပါဝင်ပါတယ်။
ဒါဆို product life cycle ရဲ့ အဆင့်လေးဆင့်ဆိုတာကို အသေးစိတ်ဆက်ကြည့်ရအောင်။ 

1. Introduction

Product တွေကို စတင်မိတ်ဆက်တဲ့အဆင့်ပဲဖြစ်ပါတယ်။ ဒီအဆင့်မှာဆိုရင် တာထွက်ကောင်းဖို့လိုတာဖြစ်တဲ့အ‌တွက်ကြောင့် ဒီအတွက်တာဝန်ရှိတဲ့‌ marketing manager အနေနဲ့ product ဖြန့်ချီမှု၊ တင်ပို့မှု၊ ရောင်းချရမှုတွေကိုအ‌သေအချာစာရင်းတွက်ချက်ထားဖို့ လိုပါတယ်။ အစမှာပဲ product fail ဖြစ်နိုင်တဲ့အကြောင်းလည်းဖြစ်နိုင်တာကြောင့် product planning ကိုလည်းဖြစ်နိုင်ရင်လုပ်ထားသင့်ပါတယ်။

2. Growth

ကိုယ့်ထုတ်ကုန်ဟာ လူသိများလာပြီးတော့ ရောင်းအား တိုးတက်လာတဲ့အဆင့်ပဲဖြစ်ပါတယ်။ ဒီအချိန်မှာဆိုရင် ကိုယ့်ရဲ့productကို ဈေးကွက်မှာနေရာယူနိုင်ဖို့အတွက် အာရုံစိုက်သင့်တဲ့အချိန်ပဲဖြစ်ပါတယ်။ distribution တွေကိုနေရာစုံလင်အောင်သတ်မှတ်ရမယ်။ ကိုယ့်product ရဲ့အားသာချက်၊အားနည်းချက်တွေကို ရှာဖွေရမယ်။ customer တွေအတွက်ယုံကြည်စိတ်ချရတဲ့ brand တစ်ခုဖြစ်အောင်တည်ဆောက်ရမယ်။ဒါတွေကိုဒီအဆင့်မှာလုပ်ဆောင်သင့်ပါတယ်။

3. Maturity

ကိုယ့်ထုတ်ကုန်က ဈေးကွက်ထဲမှာ နေရာတစ်ခုအခိုင်အမာရှိသွားတဲ့အချိန်လို့ပြောလို့ရပါတယ်။ ထုတ်ကုန်ဖြန့်ချီမှုတွေက ပိုပိုပြီးတော့ အားကောင်းလာမယ်။ ဘယ်နေရာမှာမဆို ရနိုင်တဲ့အထိဖြစ်လာမယ်။Promotion လုပ်တဲ့အခါမှာလည်း ပြိုင်ဘက်ထုတ်ကုန်တွေရဲ့မတူညီမှုအပေါ်ကို focus လုပ်ပြီးတော့ ယှဉ်ပြိုင်လာနိုင်တဲ့အဆင့်လည်းဖြစ်ပါတယ်။

4. Decline

ဒီအဆင့်မှာဆိုရင် ကိုယ့် ထုတ်ကုန်က အဆိုးဆုံးအခြေအနေဖြစ်သွားနိုင်ပါတယ်။ စီးပွားပြိုင်ဘက်ဆိုတာလည်း မရှိတော့ဘူး၊ ဈေးနှုန်းတွေမြင့်တက်လာပြီးတော့ ဖြန့်ချီတဲ့နေရာတွေကျဲလာပါမယ်။ဖြန့်ချီပေးမယ့်ကိုယ်စားလှယ်အရေအတွက်ကလည်းနည်းလာပါမယ်။promotion လုပ်တဲ့အခါမှာလည်းလက်ရှိ customer အရေအတွက်ကိုပဲဆက်ရှိနေအောင် လုပ်ဆောင်ကြရသလိုမျိုး mission တွေပြောင်းသွားတဲ့အထိဖြစ်သွားနိုင်ပါတယ်။

ဆိုတော့ ဒီအဆင့်တွေဟာ တစ်ဆင့်ချင်းစီဖြစ်တာမှန်ပေမယ့် အဆင့်တိုင်းက ပုံသေမဟုတ်ပါဘူး။ ကိုယ်ရဲ့စွမ်းဆောင်နိုင်မှုအပေါ်မူတည်ပြီး ဖြစ်ချင်မှဖြစ်နိုင်တာပါ။

ဒီအဆင့်လေးဆင့်ကိုပိုရှင်းသွားအောင်ကျွန်တော် ဉပမာလေးတစ်ခုနဲ့ပြောပြချင်ပါတယ်။ကျွန်တော်က နွားနို့ကိုထုတ်ကုန်အသစ်တစ်ခုအနေနဲ့ ထုတ်မယ်ဆိုပါစို့။

Introduction
- ကျွန်တော့်နွားနို့ကို ကျန်းမာရေးနဲ့လျော်ညီတဲ့အစားအသောက်ဖြစ်ကြောင်းကြေညာမယ်။
- packaging ကိုလိုချင်တဲ့ပုံစံနဲ့ရိုးရိုးရှင်းရှင်းလေးထုတ်မယ်။
- ကျန်းမာရေးအစားအစာ အနေနဲ့ပဲproductကိုအရင်promote လုပ်မယ်။

Growth
- ဒီနွားနို့ကို supermarket တွေမှာဝယ်လို့ရနေပြီ။
- ထုတ်ပိုးမှုပုံစံကိုလည်းအနည်းငယ်ပြောင်းထားမယ်
- နွားနို့အရသာအသစ်တွေတင်သွင်းမယ်။(စတော်ဘယ်ရီနွားနို့၊ ချောကလက်နွားနို့)စသဖြင့်

Maturity
- ထုတ်ကုန်တွေကိုအရသာအမျိုးမျိုးအပြင်တွဲဖက်အစားအသောက်တွေပါထည့်လာမယ်။
- ထုတ်ပိုးမှုပုံစံအသစ်အရွယ်အစားရောပုံစံရောပြောင်းလဲမယ်။
- ကျန်းမာရေးအစားအစာအနေနဲ့ပဲမဟုတ်ပဲနဲ့ အပျော်စားအနေနဲ့ရော အဆင့်အတန်းမြင့် luxury food အနေနဲ့ပါ စသဖြင့် promotion တွေလုပ်မယ်။

Decline
- အခုထိဈေးကွက်ထိုးဆင်းမှုမရှိသေး။

ဒါကတော့ ကျွန်တော်ကနွားနို့ထုတ်လုပ်မှုနဲ့ပက်သက်ပြီး အကြမ်းဖျင်းဉပမာပေးလိုက်တာပါ။

ဒီ product life cycle ကို strategy အနေနဲ့အသုံးချမယ်ဆိုရင် ကိုယ့်စီးပွားရေးထုတ်ကုန်က ဘယ် အခြေ‌အနေရောက်နေပြီလဲဆိုတာကို ကိုယ်တိုင်ဆန်းစစ်ကြည့်ဖို့လိုပါတယ်။

ဒါဆိုရင် product life cycle နဲ့ပက်သက်လို့အကြမ်းဖျင်းလောက်သိသွားကြမယ်လို့ထင်ပါတယ်။ ကိုယ့်စီးပွားရေးအတွက်တကယ်အသုံးဝင်နိုင်တာမို့ ကိုယ်တိုင်ဆက်ပြီးလေ့လာကြည့်ဖို့လည်းပြောချင်ပါတယ်။ အခုထိဖတ်ပေးတဲ့အတွက်လည်းကျေးဇူးတင်ပါတယ်။ နောက်အပတ်တွေမှာလည်း စိတ်ဝင်စားဖို့ကောင်းတဲ့ content တွေနဲ့ရောက်လာမှာမို့ ဆက်လက်စောင့်ကြည့်ပေးကြပါအုံးနော်။

Reference link
https://www.google.com/url?sa=t&source=web&rct=j&url=https://www.smartinsights.com/marketing-planning/marketing-models/product-life-cycle-model/amp/&ved=2ahUKEwjSw7OXyJnuAhUv73MBHRwpAQ4QFjA0egQINxAB&usg=AOvVaw10zk8ZI9vd5UuAQn-lcD_Y&ampcf=1