What is career coaching?

 

Hello! အားလုံးပဲ မင်္ဂလာပါရှင်။

သင်အခု လက်ရှိလုပ်နေတဲ့ အလုပ်မှာ ကျေနပ်မှုမရှိ ဖြစ်နေလားအလုပ်တွေ အများကြီး လိုက်လျှောက်ပြီး ဘယ်မှာမှ နေရာမရ ဖြစ်နေလားသင့်အလုပ်ဟာ သင့်အခြေအနေနဲ့ သင့်တော်မှန်ကန်ရဲ့လားဆိုတာ တွေးဖူးလားအဲ့လိုတွေ ဖြစ်နေပြီဆိုရင်တော့ သင်ဟာ career coach တစ်ယောက်ကို လိုအပ်ကောင်း လိုအပ်နေပါပြီ။

ယခုလက်ရှိ စီးပွားရေးလုပ်ငန်း တော်တော်များများမှာ ဒါမှမဟုတ် အလုပ်ရွေးချယ်တဲ့ နေရာမှာ career coaching ဆိုတဲ့ အခန်းကဏ္ဍကလည်း အရေးကြီးတဲ့နေရာက ပါဝင်လာပါပြီ။ ကိုယ့်ရဲ့ career အတွက် ရွေးချယ်တဲ့နေရာမှာ အဘက်ဘက်က ပြည့်စုံအောင် career coach တွေက ကူညီပေးနိုင်ကြပါတယ်။ ဒါဆို career coach ဆိုတာ ဘာလဲCareer coach တစ်ယောက်ရဲ့ အလုပ်တွေက ဘာလဲ စတာတွေကို စုံစုံလင်လင် သိရဖို့ ပြည့်က ပြောပြသွားပေးပါမယ်နော်။

Written by

Pyae

Ref:https://thecareerexperts.com/.../what-is-career-coaching/

 

Career coaching ဆိုတာကတော့ သင်သတ်မှတ်ထားတဲ့ career goals တွေဆီ ရောက်ဖို့အတွက် မှန်ကန်တဲ့ support၊ အကူအညီနဲ့ လိုအပ်တဲ့ လမ်းညွှန်မှုတွေ ရယူခြင်းပါ။ Career coach တစ်ယောက်ကတော့ သင့်ကို မေးခွန်းတွေ မေးမယ်၊ လမ်းညွှန်မှုတွေ ပေးမယ်၊ သင်အလုပ်ရှာဖွေတဲ့အခါမှာ ကြုံလာရမယ့် အခက်အခဲတွေကို ကျော်လွှားနိုင်ဖို့ အကူအညီပေးနိုင်တယ်။ ပြီးတော့ သင့်စိတ်ထဲမှာရှိတဲ့ ပန်းတိုင်တွေဆီ အရောက်လှမ်းနိုင်ဖို့အတွက် သင်ကိုယ်တိုင် ကြိုးစားတာထက်စာရင် ပိုပြီးစနစ်တကျနဲ့ ရောက်အောင် လမ်းညွှန်ပေးနိုင်ပါတယ်။ Career coach တွေဟာ အရည်အချင်းပြည့်ဝပြီး စနစ်တကျ train ထားတာမလို့ သင် target လုပ်ထားတဲ့ goal ကိုရောက်ဖို့ လမ်းတစ်လျှောက်မှာ ရှိနိုင်တဲ့ အတားအဆီးတွေကို မြင်အောင်ပြနိုင်ပြီး အခက်အခဲတွေကို ကျော်လွှားဖို့ solution တွေ ပေးနိုင်ပါတယ်။ ဒါ့အပြင် ကိုယ့်ကိုယ်ကိုယုံကြည်မှု တည်ဆောက်နိုင်အောင်၊ လက်တွေ့ကျတဲ့ goals တွေ ရှိလာအောင်လည်း ကူညီပေးနိုင်ပါသေးတယ်။

Career coach တစ်ယောက်နဲ့ အလုပ်လုပ်ရခြင်းဟာ သင့်ရဲ့ goals တွေကို အတူတူမျှဝေလုပ်ဆောင်ပေးမယ့် လူတစ်ယောက်နဲ့ အလုပ်လုပ်ရသလိုပါပဲ။ ဆုံးဖြတ်ချက်ချတဲ့နေရာမှာ မှန်ကန်အောင် personalized advice တွေပေးနိုင်မယ်။ ဘယ်လို step တွေ၊ strategies တွေသုံးရမလဲဆိုတာ ချမှတ်ပေးနိုင်တယ်။ နောက်ဆုံးမှာ လမ်းကြောင်းမှန်ပေါ်ကနေ ပန်းတိုင်ရောက်အောင်လို့ customized plan တွေချမှတ်ပြီး ကူညီပေးပါတယ်။သင့်ကို စိန်ခေါ်မှုတွေ ကြားထဲကနေ အကောင်းဆုံး လုပ်နိုင်အောင် လှုံ့ဆော်ပေးမယ်။

သင့် career path တစ်လျှောက်မှာရှိတဲ့ အဆင့်တိုင်းမှာ အမြဲ support ပေးဖို့ရှိနေမယ်။

သင်လုပ်သမျှတိုင်းကို feedback တွေပြန်ပေးမယ်။

ပြီးစလွယ်မဟုတ်ဘဲ အရှိကိုအရှိအတိုင်း လိုအပ်တာတွေကို ပြောပြပေးနိုင်ပါတယ်။

Career coach ဟာ သင့်ရဲ့ personal advocate တစ်ယောက်အဖြစ် ရှိနေနိုင်ပြီးတော့ သင့်အတွက် ခက်ခဲတဲ့အချိန်တွေ၊ စိတ်ဖိစီးမှု များနေတဲ့အချိန်တွေမှာ အမြဲအသင့် ရှိနေပေးနိုင်ပါတယ်။

သင့်အတွက် လိုအပ်တဲ့ career coach ကို သင်ကိုယ်တိုင်သာ ရွေးချယ်ရမှာပါ။ သင့်လိုအပ်ချက်တွေကို သိပြီးတော့ အဲ့လိုအပ်ချက်တွေကို လမ်းပြပေးနိုင်မယ့်၊ သင်နဲ့ကိုက်ညီမယ့် career coach မျိုးကိုပဲ ရွေးချယ်သင့်ပါတယ်။ Career coach တွေဟာ တစ်ယောက်နဲ့တစ်ယောက် မတူကြပါဘူး။ ဘယ် career coach က သင့်အတွက် ဘယ်လိုအကျိုးအမြတ်တွေ ယူလာပေးနိုင်မလဲဆိုတာ သေချာစဉ်းစားဆုံးဖြတ်သင့်ပါတယ်။

​အခု career coach ဘယ်လိုရွေးချယ်ရမလဲ ဆိုတာအတွက် သိသင့်တဲ့ tips (၄) မျိုးကို ပြောပြပေးသွားပါမယ်။

1.သင့် career အတွက် လိုအပ်တဲ့ field မှာအကူအညီပေးနိုင်တဲ့ coach မျိုးကိုရှာပါ။ ဥပမာ-လုပ်ငန်းတစ်ခုအတွက် အလုပ်လုပ်တော့မယ်ဆို interviewing session အတွက်လား၊ ဒါမှမဟုတ် အလုပ်ရပြီးသွားတဲ့အခါ network ကျယ်ကျယ်ပြန့်ပြန့် ရှိချင်တာလား စတဲ့ ကိုယ်လိုအပ်တဲ့အပေါ်မူတည်ပြီး ရွေးချယ်သင့်ပါတယ်။

2.Career coach တွေမှာ သူတို့ကိုယ်ပိုင် website တွေရှိပါတယ်။ အဲ့ website တွေထဲ ဝင်ပြီး လေ့လာပါ။ သူတို့ဘယ်လို service မျိုးတွေ ပေးလဲ၊ client တွေရဲ့ review တွေကရော ဘယ်လိုတွေလဲဆိုတာ လိုက်ဖတ်ကြည့်ပါ။ သင်လိုချင်တဲ့ပုံစံနဲ့ ကိုက်ညီမှုရှိလား၊ သင်လေ့လာကြည့်ထားတဲ့ တစ်ခြား coach တွေနဲ့ရော coaching process တွေ ဘယ်လိုကွာခြားမှုရှိလဲဆိုတာတွေ သိအောင်လုပ်ပါ။

3.Career coach တော်တော်များများဟာ client နဲ့ လက်တွဲအလုပ်မလုပ်ခင်မှာ သူတို့နဲ့ ဆွေးနွေး တိုင်ပင်ကြည့်ဖို့ ၁၅ မိနစ်/ မိနစ် ၃၀ စာ free session လေးတွေ offer လုပ်လေ့ရှိပါတယ်။ အဲ့အခွင့်အရေးကို လက်လွှတ်မခံပါနဲ့သူတို့နဲ့ စကားပြောကြည့်၊ ဆွေးနွေးကြည့်ပါ။ အဲ့လိုပြောရင်းနဲ့မှ ကိုယ့်ကို ဘယ်လိုအကူအညီတွေ ပေးနိုင်လဲ၊ နှစ်ယောက်ကြားမှာ chemistry ရှိလား၊ ကိုယ်နဲ့ ကိုက်ညီရဲ့လားဆိုတာတွေ သိလာမှာပါ။

4.တကယ်လို့ coach တွေက သူတို့ဟာ certified coach တွေဖြစ်ကြောင်း ပြောလာရင် သေချာအောင် စုံစမ်းကြည့်ပါ။ ဘာကြောင့်လဲဆိုတော့ တစ်ချို့သော coach တွေက သူတို့ကိုယ်သူတို့ certified ဖြစ်ပြီးသားလို့ဆိုပြီး certification logo အတုတွေကို သူတို့ website မှာ တင်ထားတတ်ကြပါတယ်။ ဒါကြောင့် အမှားမဖြစ်ရလေအောင် သင့်ဘက်ကစေ့စပ်သေချာစွာ လေ့လာဖို့လိုအပ်ပါတယ်။

ဒါဆို career coaching အကြောင်း၊ career coach ဘယ်လိုရှာရမလဲဆိုတာတွေပါ သိပြီဆိုတော့ ကိုယ်နဲ့ကိုက်ညီတဲ့ career coach ကိုရှာဖွေနိုင်ပြီး ကိုယ့်ရဲ့ career path တစ်လျှောက်မှာ အောင်မြင်မှုတွေ ရရှိနိုင်ကြပါစေရှင်။